Tutelonomi 23:4 - Chahta Holisso Holitopa 1886

⁴ Echip a̱ kohchʋt hʋsh minti ma hina takla ya̱ pʋska micha oka aiena isht ik hʋchi afamo tok oka; micha Mesopotamia Pehlu minti Beo ushi Balaam ʋt kallakshichi anumpa hʋchi onocha chi̱ ho̱ tohno tok okʋt.

Tutelonomi 23:4 Iomraidhean Croise

1 Mi̱ko 18:4

Yakohmi tok atok, Chesebel ʋt Chihowa i̱ hopaii ʋhleha ha̱ ishit kanchi ma, Obatiah ʋt hopaii tahlepa achʋfa ho̱ ishi cha, pokoli tahlapi bi̱ka ho̱ hʋchukbi ya̱ a luhmit ashachi cha, pʋska, micha oka aiena ka ipeta tok atok okʋt.

Numbas 22:17

Holitopa chinto fehna ho̱ chi hilechi la hi oka, micha nana ho̱ is sa̱ mihakma yʋmihchi la chi̱; yʋmohmi hoka, minti cha okla ilʋppa kalakshichi, ant ʋm onochih, chim asilhha lishke, achishke, im achi tok.

Numbas 23:7

Mihma nan isht ʋlhpisa ya̱ ishi mʋt, Moab i̱ mi̱ko Balak ʋt Alam ont ai ishit hʋshi akochaka nʋnih foka ya̱ akohchit sʋsht ʋla cha, Minti cha, Chekob a̱ anumpa kallakshichit ant ʋm onochi, micha Islael a̱ ant a̱ pa̱fi; achishke.

Mahlu 25:40

Mikma Mi̱ko ʋt afalaminchikmʋt A̱hli mak o̱ hʋchi̱ miha lishke, Itibapishi li ʋhleha yakohmi ka moma ik lauwo achʋfona ka kaniohmi ho̱ hʋsh ai i̱ yʋmohmi tuk okʋt, ʋno ak o̱ hʋs sa̱ yʋmohmi mak atuk oke, im acha hi oke.

Apostel isht Anumpa 9:4

Yohmi ma aka ont itula tok; micha anumpa hʋt, Sal, Sal, nanta katihmi ho̱ is sʋlbʋshali cho? im ahanchi na haklo tok.

Choshua 24:9

Yohmi ma Sippo ushi Balak Moab i̱ mi̱ko ʋt wakaya cha, Islael a̱ i̱n tanampi tok; micha Beo ushi Balaam ʋt hʋchi kalakshichit miha chi̱ ho̱ pit hoyo tok:

2 Pita 2:15

Yʋmmak okʋt hina ai ʋlhpiesa issa cha, yoshubʋt kʋnia hosh Boso ushi, Belam, yʋmmʋt nan ai ʋlhpiesa keyu isht ʋlhtoba yak o̱ anuksitia hosh nan a kaniohmi tok ak o̱ iakaiya hoke:

Chute 1:11

Yʋmmʋt i̱ palʋmmi mak oke; Ken nana a kaniohmi tok ak o̱ chiyuhmit itʋnowa hokʋt, micha nan isht ʋlhtoba yak o̱ bʋnna hosh Belam ʋt nan ashahanchi tok ak o̱ chiyuhmit, ai yimitʋt kʋniʋt yihlihimpa hatuk osh Koli ʋt i̱ sanalit anumpohonlit isht illi ha tok a̱ chiyuhmit isht ai okpulo tok.

1 Samuel 25:11

Yohmi ka am pʋska, micha ʋm oka, micha a̱ nipi yʋmma chukfʋlhpoa hishi ʋm ʋmo yak o̱ im ʋbi li tuk ʋt ishi lish, hatak kanima minti ya̱ ak ithano kʋt ima la hinla cho? achi tok.