Tutelonomi 23:23 - Chahta Holisso Holitopa 1886

²³ Nana kʋt chitih ha̱ a kohcha tuk a̱ ilap ahnit im issa fehna ka̱, chin Chitokaka Chihowah anumpa ish im ilonochi tuk ʋt chitih ha̱ mihʋt isht ish im issa tuk a̱ holitoblit ish ai a̱hlicha hi oke.

Tutelonomi 23:23 Iomraidhean Croise

Atʋloa 116:18

Chihowa ha̱ ʋnnumpah im il ono̱ho̱cchi le tuk ʋt, omeh ahni na, im oklah itikba, Chihowa im ʋboha i̱ wanuta putta ka̱, Chelusalem ma, chi anu̱ka̱ka ya̱ ai im ahliche lashke. Chihowa ha̱ hu holittoblichíh.

Atʋloa 50:14

Chitokaka yak o̱ yakoke ahnit isht ayokpʋchi ish im issashke; micha ʋnnumpah ish il ono̱ho̱cchi tuk ʋt Chaha i̱ Shahli ak o̱ ish im ʋtobbashke.

Lefitikʋs 27:2

Islael im ʋlla ʋhleha ha̱ im anumpulit, Hatak nan a̱hlichi anumpa ha̱ atokolit ilonochikmʋt, ish im apesa ho̱ hatak ʋt Chihowah immi ha hi oke.

Numbas 30:2

Hatak ʋt anumpa il onochit Chihowah im il onochi tukmʋt, keyukmʋt anumpa kʋllo anumpulit imishilombish a̱ anumpa ho̱ isht ile takchi tuk mʋt, im anumpa ha̱ kobʋffa he keyu, itih ha̱ akohcha tuk moma kʋt yʋmihcha hi oke.

Mahlu 5:33

Micha anonti, nitak ti̱kba aiasha kʋt, Anumpa kʋllo ish ile onochi tuk ʋt chik kobʋffo kashke: amba anumpa kʋllo ish ile onochi tuk okʋt Chitokaka ya̱ ish im aia̱hlicha hi oke; achi tok a̱ hʋsh ha̱klo chatuk.

Apostel isht Anumpa 23:12

Atuk o̱ onnʋt taha ma, Chu ʋhleha kaniohmi kʋt itibai achʋfʋt anumpa kʋllo ile onochit, Pal a̱ okla ʋbi ho̱ keyukmʋt ik impo, micha nana kia ik ishko ka chi̱ kʋt, mihi̱ha tok.

Apostel isht Anumpa 23:21

Yohmi kia chishno ʋto ʋlhpesa, chik im ahno kashke; yʋmmak okʋt hatak pokoli ushta ka atampa hosh, yʋmma im aiechi kʋt ai asha hosh, yʋmmʋt anumpa kʋllo ya̱ isht il onochit, yʋmma okla ik bokmʋt nana kia ʋpʋt, ishkot ik ma̱yo ka chi̱, isht il apesa tuk oke; yohmi hatuk osh himak a̱ im ʋlhtahʋt, anumpa falama ka auet chim a hoyot ma̱ya hoke; achi tok.

Tutelonomi 23:22

Amba anumpa ilonochi chik ilonocho tuk okmʋno na ish ashʋcha he keyu hoke.

Tutelonomi 23:24

Chin chuka a bili̱ka i̱ pa̱kʋpi ahollokchi ish onakmʋt, chishno ish ahni hosh pa̱ki ʋpʋt chi kaiyashke: yohmi kia nana chim aiʋlhto ya̱ ish apitta he keyu hoke.

Choshua 9:18

Mihma okla i̱ holitompa ʋhleha hʋt Islael in Chitokaka Chihowa isht hochifot anumpa kʋllo isht il im onochi tuk pulla hatuk mak o, Islael im ʋlla ʋhleha hʋt issot ik kancho ki tok. Mihma okla moma kʋt holitompa ʋhleha hash i̱ sanalit anumpuli tok.

Nan Apesa 11:35

Atuk o̱ yakohmi tok, pisa mʋt, im anchi ya̱ ita hlilʋffi cha, Ikikkeh! sʋso tek ma! akanlosi is sʋsht onʋshke, sa nukha̱klochi ya̱ ish ibai achʋfa hoke: sʋtih ha̱ wakʋmmit Chihowa ya̱ im anumpuli li tuk osh, falama la he keyu hokʋt, achi tok.

1 Samuel 1:11

Mihmʋt ilap im anukfila hosh Chihowa im ai a̱hlicha he anumpa il onochit, Ʋba nan oklu̱ha il aieshi Chihowa ma! chin tishu ohoyo ilbʋsha ka ish pisa pulla mʋhli, micha is sʋthaiyana cha, chin tishu ohoyo ha̱ ik chim ahakso hosh, amba chin tishu ohoyo ha̱ ʋlla nakni yo̱ ish ima pullakma, yʋmohmikma okcha̱yʋt ahanta nitak moma ka Chihowa ya̱ ima la hi oke; mikma nutakhish ishit sha̱fa yʋt noshkobo onʋtoyula hi keyu hoke, achi tok.

1 Samuel 14:24

Mihma Islael hatak ʋhleha hʋt nitak yʋmma tikambit ilbʋsha tok; Sal ʋt okla ha̱ anumpa kʋllo il onochichi hosh, Opia itintakla ka nan ʋpa nana kia ʋpakmʋt, na palʋmmi kʋt onʋtolashke; yʋmohmi ho̱ an tʋnʋp a̱ il aiokha lashke, achi tuk atuk oka. Yʋmohmi ho̱ okla ha̱ kʋna kia nan ʋpa ha̱ ʋpʋt ik peso ki tok.