Tutelonomi 23:18 - Chahta Holisso Holitopa 1886

¹⁸ Anumpa il onochi ya̱ haui isht ʋlhtoba, keyukmʋt ofi isht ʋlhtoba ya̱ chin Chitokaka Chihowah im aboha ya̱ isht ish ona he keyu; ilʋppa ita tuklo kʋt chin Chitokaka Chihowah ishit yuwala yoka.

Tutelonomi 23:18 Iomraidhean Croise

1 Mi̱ko 14:24

Mihma yakni yash Sotomait ak kia a̱sha tok: mihma nanashʋchi yuwalʋchi oklushi puta Chihowa ʋt Islael im ʋlla ʋhleha itikba ya̱ tihlelit kocha wehli tok o̱, yʋmohmi tok ʋt moma ka yʋmohmi tok.

Atʋloa 22:16

Ofi putta kʋt si ʋpakfoiyupa hoka̱: nan ik achukmo yʋmihchi ittʋnaha yosh si ʋfulluplit, sʋbbak micha saiyi ya̱ bahlishke.

Lefitikʋs 18:22

Hatak bi̱ka ya̱ ohoyo chohmichit chik iba tʋshko kashke; nan isht yuwala yoke.

Lefitikʋs 19:29

Chisotek a̱ haui ikbicha chi̱ hosh chik kancho kashke, yʋmohmi ho̱ yakni ʋt haui toba bieka, mikmʋt yakni ʋt nahaksi ho isht alotowa hi oke.

Lefitikʋs 20:13

Micha hatak ʋt hatak bi̱ka iba tʋshkit ohoyo iba tʋshki ka̱ chohmikmʋt, ita tu̱klot nan isht yuwala ya̱ yʋmihchi hokʋt, illi pulla hi oke; im issish ʋt ilap akinli hosh onʋtola hi oke.

Lefitikʋs 7:16

Amba anumpa il onochi tok ash im issa, keyukmʋt ilap ahnit im issa yokmʋno, ʋbit im issa yʋt im issa mih nitak akinli ka̱ ʋpashke, atukmʋt onna yak kia a̱sha tuk a̱ ʋpashke.

Mahlu 7:6

Nana kʋt holitompa hokʋno ofi puta ma pit hʋch ik imokmʋt, anonti hʋch i̱ na holitopa puta hatuk ma shukha itikba ya̱ hʋch ik ashacho kashke; yʋmmak keyukma yʋmmak ash o̱ iyi isht a hʋhlichi cha, anonti filemʋt hʋchishno ash o̱ hʋchi okpʋna hinla hoke.

Tutelonomi 12:6

Micha yʋmmak o̱ nahukmit isht hʋsh aiokpʋchi, micha nan ʋbit isht hʋsh aiokpʋchi, micha ishit hʋchi̱ pokoli, micha pit i̱ walit isht aiokpʋchi chibbak foyuka ka̱, micha anumpa hʋsh ilonochi, micha ilap ahnit isht hʋsh aiokpʋchi, micha hʋchi̱ nan ʋlhpoa hochito, micha hʋchi̱ nan ʋlhpoa chipinta chelahpi puta aiena a puta ka̱ isht hʋsh ona hi oke.

Tutelonomi 22:21

Yohmikma ohoyo himita yash i̱ki in chuka okhissa ya̱ isht onakma, in tʋmaha holihta yash hatak ʋhleha hʋt tʋli ishit boli na, illashke; i̱ki in chuka ya̱ haui tobʋt ahanta cha, Islael i̱ yakni ya̱ nana makali ya̱ yʋmihchi hokʋt: yʋmohmi hosh nan ik achukmo ka̱ hʋch itin takla ai ishit ish kanchashke.

Tutelonomi 23:21

Chin Chitokaka Chihowah ya̱ anumpa ilonochi ish im ilonochi tukmʋt, atobbi kʋt ish sʋlaha he keyu; chin Chitokaka Chihowah yʋt chi̱ hoyo pulla hi oka, micha na ish ashʋchi ya̱ hinla hoke.

Filippian 3:2

Ofi ya̱ ahah! hʋsh im ahnashke, nan ik ʋlhpeso yʋmohmi ya̱ ahah! hʋsh im ahnashke, tʋblit kanchi ya̱ ahah! hʋsh im ahnashke.

2 Pita 2:22

Yohmi kia yʋmmak okʋt nan isht ʋlhpisa ai a̱hli ho̱ ai yʋmohmishke; yohmi ka, Ofi yʋt hoita kash osh falaminchit ʋpʋshke; mikma, Shukha tek ʋt ʋlhchifa kash osh, falamʋt lukchuk a̱ oka tonolishke, achishke.

Nan Otʋni 22:15

Akochanli yak okʋno ofi, ikhi̱sh isht yushpakʋmmi, haui, hatak bi̱ka ʋbi, na holbʋt toba aiokpʋchi; mikmʋt kʋna kia il imi̱ holabichi kʋt isht im achukma a moyuma kak osh ai asha yoke.