Tutelonomi 22:24 - Chahta Holisso Holitopa 1886

²⁴ Yohmikma kohchit tʋmaha holihta, okhissa yʋmma ita tuklo ka̱ ishit hʋsh ona cha, tʋli ishit boli na, illashke; ohoyo hʋt tʋmaha holihta anta hok akosh ik pa̱yo tuk okʋt: mikma hatak ʋt in chuka a bili̱ka hatak tekchi ya̱ hofahyali hokʋt: yʋmohmi hosh nan ik achukmo ka̱ hʋch iti takla ya̱ ai ishit ish kanchashke.

Tutelonomi 22:24 Iomraidhean Croise

Genesis 29:21

Mihmʋt Chekob ʋt Laban a̱, Sa tekchi ya̱ ʋmá, (nitak a̱ holhtina tuk ʋt taha hoka,) yohmi na iba chukowa lashke, im achi tok.

Lefitikʋs 20:10

Micha kʋna hosh hatak tekchi yo̱ itin luma̱ka tuk, chuka a bili̱ka hatak tekchi itin luma̱ka yash itin luma̱ka hatak, micha itin luma̱ka ohoyo aiena kʋt illi pulla hi oke.

Mahlu 1:20

Yohmi kia ilʋppa puta ka anukfihinli tuk osh holhpokuna ma, Chihowa im enchil ʋt ant i̱ haiaka cha, Chosef Lewi ushi chia ma! chi tekchi Meli a̱ ishi ik chi nukwiyo kashke; Shilombish Holitopa ak atuk mak o̱ yʋmmak okʋt toba hosh afoyuka hoka.

Mahlu 1:24

Yohmi ma Chosef ʋt nusi tuk ʋt okcha mʋt, Chihowa im enchil ʋt ai i̱ miha tuk mak o̱ yʋmohmi mʋt, tekchi a̱ ilaueli tok.

1 Kolinhlian 5:13

Amba kʋna hosh iksa ibafohka keyu hokʋno Chihowa yosh nan im apesa yoke. Yʋmohmi hoka hatak nan ashʋchi yʋmmak ash ai il i̱ filʋmmichit hʋsh kanchashke.

1 Kolinhlian 5:2

Yohmi ka kʋna hosh na yakohmi ka yʋmihchi tuk ʋt hʋch itin takla ya̱ a filʋmma chi̱ ka, ik hʋchi nukha̱klo kish, isht hʋsh ile fehnʋchishke.

Tutelonomi 13:5

Mikma hopaii yʋmmʋt, micha holhpokuna holhpokuna yʋmmʋt illashke; hʋchin Chitokaka Chihowah yʋmmak osh Echip yakni ya̱ apehlichit hʋchi kohchi tok; micha yʋmmak osh aboha ayuka ha̱ a hʋchi hlakofichi tok a̱, i̱ filʋmmichit hʋchisht ia chi̱ hosh, hina hʋsh ai itʋnowa chi̱ ho̱ hʋchin Chitokaka Chihowah yʋt hʋchi̱ miha tok a̱ naksika pit hʋchi tobli bʋnna hosh anumpuli ha tuk oka. Yʋmohmi hosh hʋchim ai iti takla ya̱ nan ik achukmo ka̱ isht hʋsh kanchashke.

Tutelonomi 17:7

Ʋba chi̱ kʋt witnes puta ibbak ak osh ti̱kba onʋtola hi oke, i̱ himmak a yak o̱ okla moma ibbak ʋt onʋtola hi oke; Yʋmohmi hosh nana ik achukmo hʋch itin takla itoyula hash ishit hʋsh kancha hi oke.

Tutelonomi 21:14

Atukma yakohma hi oke, chik ahnincho hokmʋt kanima ho̱ ia bʋnnakma ik ia, ish im ahna hi oke; amba tʋli holisso isht ish chumpa he keyu pulla; ʋlhpoyak nan aiʋlbi ish ikba he keyu, ish hofahyali hatuk okʋt.

Tutelonomi 22:23

Ohoyo himita hatak haleli keyu hosh hatak im ʋlhpoa tuk osh tʋmaha holihta anta na, hatak ʋt pisa cha, iba tʋshki tukma;

Tutelonomi 22:25

Amba hatak ʋt ohoyo himita yosh inla im ʋlhpoa yosh osapa anta na, ahayuchi cha, ai issʋt iba tʋshkikmʋt, hatak ash illa hosh illa hi oke.