Tutelonomi 22:22 - Chahta Holisso Holitopa 1886

²² Hatak ʋt ohoyo i̱ hatak a̱sha yo̱ iba tʋshki na, pisakma, ita tuklo hosh illashke; ohoyo iba tʋshki tuk hatak ash: micha ohoyo hash ita tuklot illashke: yohmi hosh nan ik achukmo ya̱ Islael a̱ ai ishit ish kanchashke.

Tutelonomi 22:22 Iomraidhean Croise

2 Samuel 11:5

Mihmʋt ohoyo hash osh ʋlla shali cha, Lewi ya̱ anumpa i̱ pilʋt im anolit, Ʋlla shali lishke, achi tok.

Lefitikʋs 20:10

Micha kʋna hosh hatak tekchi yo̱ itin luma̱ka tuk, chuka a bili̱ka hatak tekchi itin luma̱ka yash itin luma̱ka hatak, micha itin luma̱ka ohoyo aiena kʋt illi pulla hi oke.

Mahlu 5:27

Nitak ti̱kba aiasha kʋt, Hʋsh it in luma̱ka ná; achi tok a̱ hʋsh ha̱klo chatuk.

Mahlu 5:28

Amba ʋno ʋto, Kʋna hosh ohoyo ha̱ i̱ nukpʋli hosh pisa hokʋt, chu̱kʋsh anu̱ka̱ka ya̱ isht in luma̱ka ma̱shko hoke, hʋchim achi lishke.

1 Kolinhlian 6:9

Ik ʋlhpeso ʋhleha hokʋt Chihowa im apehlichika yʋt ai immi ha he ʋlhpesa keyu ka hʋch ik ithano cho? hʋch ik ile haksecho kashke; itin luma̱ka ʋhleha, naholbʋt toba aiokpʋchi ʋhleha, micha nakni haui ʋhleha, micha nakni haui ʋhleha, micha nakni bi̱ka iti hauichi ʋhleha,

Tutelonomi 17:7

Ʋba chi̱ kʋt witnes puta ibbak ak osh ti̱kba onʋtola hi oke, i̱ himmak a yak o̱ okla moma ibbak ʋt onʋtola hi oke; Yʋmohmi hosh nana ik achukmo hʋch itin takla itoyula hash ishit hʋsh kancha hi oke.

Heblu 13:4

Nan itauwaya yokʋt hatak moma ka isht im ai ʋlhpiesa, micha topa yʋt okpulo keyu kʋt isht a holitopa hoke; amba itauwaya yʋt ik it im ai a̱hlo puta, micha haui puta aiena kʋno Chihowa hʋt nan im apesa hi oke.