Tutelonomi 22:21 - Chahta Holisso Holitopa 1886

²¹ Yohmikma ohoyo himita yash i̱ki in chuka okhissa ya̱ isht onakma, in tʋmaha holihta yash hatak ʋhleha hʋt tʋli ishit boli na, illashke; i̱ki in chuka ya̱ haui tobʋt ahanta cha, Islael i̱ yakni ya̱ nana makali ya̱ yʋmihchi hokʋt: yʋmohmi hosh nan ik achukmo ka̱ hʋch itin takla ai ishit ish kanchashke.

Tutelonomi 22:21 Iomraidhean Croise

Genesis 34:7

Atuk o̱ Chekob ushi ʋhleha hʋt haklo mʋt, yakni haiaka ya̱ kohchʋt ʋla tok: micha Chekob ushetik a̱ iba tʋshkit, Islael a̱ nana ik achukmo, yʋmmʋt yʋmohma he ʋlhpesa keyu ho̱ yʋmohmi tuk ak o̱, hatak ʋhleha hash osh nukha̱klo mʋt, okla nukhobela fehna tok.

Genesis 38:24

Atuk o̱ yakohmi tok, i̱ himmak hʋshi tuchina foka ma, Chutah ya̱ im anolit, Chipok Tama ʋt haui tobʋshke; micha yakeh, hauit chakalishke, achi tok. Mihma Chutah ʋt, Kocha isht hʋsh ona na luashke, achi tok.

Lefitikʋs 19:29

Chisotek a̱ haui ikbicha chi̱ hosh chik kancho kashke, yʋmohmi ho̱ yakni ʋt haui toba bieka, mikmʋt yakni ʋt nahaksi ho isht alotowa hi oke.

Lefitikʋs 20:2

Anonti Islael im ʋlla ʋhleha ha̱ im anumpulit, Kʋna hosh Islael im ʋlla ʋhleha hosh, keyukmʋt okla inla Islael takla ʋtta yosh im isht atiaka yo̱ Molek a̱ imakmʋt illi pulla hi oke, yakni yash okla hʋt tʋli ishit bola hi oke.

Lefitikʋs 21:9

Micha naholitompa isht ʋtta ushetik osh hauit anta cha ik ilahobalo tuk mʋt, i̱ki ya̱ ik ahobalo hoke: luak ishit lua hi oke.

Lefitikʋs 24:16

Mikma kʋna hosh Chihowah hohchifo ha̱ ik ahobalot anumpulikmʋt illi pulla hi oke, mikma okla moma kʋt tʋli ishit boli pulla hi oke; okla inla yʋt yakni ya̱ ai ʋtta tok akinli chohmit Chihowah hohchifo ha̱ ik ahobalot anumpulikmʋt illi pulla hi oke.

Lefitikʋs 24:23

Mihma kalakshichit anumpuli tuk ash binah ha̱ kocha isht ona cha tʋli ishit bola chi̱ ho̱ Moses ʋt Islael im ʋlla ʋhleha ha̱ im anumpuli tok, mikma Chihowah yʋt Moses a̱ i̱ miha tuk mak o̱ Islael im ʋlla ʋhleha hʋt yʋmihchi tok.

1 Kolinhlian 5:13

Amba kʋna hosh iksa ibafohka keyu hokʋno Chihowa yosh nan im apesa yoke. Yʋmohmi hoka hatak nan ashʋchi yʋmmak ash ai il i̱ filʋmmichit hʋsh kanchashke.

Tutelonomi 13:10

Tʋli o̱ isht ish boli na, illashke; chin Chitokaka Chihowah yʋmmak osh Echip yakni, micha aboha a yuka ha̱ apehlichit chi kohchi tok a̱ i̱ filʋmmichit chi tobli bʋnna tuk okʋt.

Tutelonomi 13:5

Mikma hopaii yʋmmʋt, micha holhpokuna holhpokuna yʋmmʋt illashke; hʋchin Chitokaka Chihowah yʋmmak osh Echip yakni ya̱ apehlichit hʋchi kohchi tok; micha yʋmmak osh aboha ayuka ha̱ a hʋchi hlakofichi tok a̱, i̱ filʋmmichit hʋchisht ia chi̱ hosh, hina hʋsh ai itʋnowa chi̱ ho̱ hʋchin Chitokaka Chihowah yʋt hʋchi̱ miha tok a̱ naksika pit hʋchi tobli bʋnna hosh anumpuli ha tuk oka. Yʋmohmi hosh hʋchim ai iti takla ya̱ nan ik achukmo ka̱ isht hʋsh kanchashke.

Tutelonomi 13:6

Chitibapishi chishki ya̱ ushi yokmá, keyukmʋt chiso yokmá, keyukmʋt chisotek okmá, keyukmʋt chi tekchi chi apotoa tuk ak okmá, keyukmʋt chi̱ kana yosh chimi shilombish ak inli chiyuhmi tuk okmá, nana hosh lumʋt chi haksichit, yʋmmak oka hʋchishno, micha hʋchi̱ki ʋhleha aiena kʋt ithana tok keyu kia, Kilia cha, naholbʋt toba inla,

Tutelonomi 17:5

Yohmikma hatak, keyukmʋt ohoyo yʋmmʋt na yoshuba yʋmma yʋmihchi kash, hatak yʋmma, keyukmʋt ohoyo yʋmma pulla ka̱ chi̱ holihta okhissa ya̱ isht ish ona cha, tʋli ishit ish boli na, illa hi oke.

Tutelonomi 17:7

Ʋba chi̱ kʋt witnes puta ibbak ak osh ti̱kba onʋtola hi oke, i̱ himmak a yak o̱ okla moma ibbak ʋt onʋtola hi oke; Yʋmohmi hosh nana ik achukmo hʋch itin takla itoyula hash ishit hʋsh kancha hi oke.

Tutelonomi 19:19

Yohmikma itibapishi ha̱ nana yʋmihcha he im anukfila tuk a̱ ilap ak o̱ chohmit ish yʋmihcha hi oke: yohmi hosh a hʋch iti takla ya̱ nan ik achukmo ka̱ isht ish kancha hi oke.

Tutelonomi 21:21

Mikma in tʋmaha holihta hatak moma kʋt tʋli ishit boli na illa hi oke: yʋmohmi hosh ahʋchi iti takla nan ik achukmo ka̱ ishit ish kanchashke, mikma Islael moma kʋt haklokmʋt nukshopashke.

Tutelonomi 22:22

Hatak ʋt ohoyo i̱ hatak a̱sha yo̱ iba tʋshki na, pisakma, ita tuklo hosh illashke; ohoyo iba tʋshki tuk hatak ash: micha ohoyo hash ita tuklot illashke: yohmi hosh nan ik achukmo ya̱ Islael a̱ ai ishit ish kanchashke.

Tutelonomi 22:24

Yohmikma kohchit tʋmaha holihta, okhissa yʋmma ita tuklo ka̱ ishit hʋsh ona cha, tʋli ishit boli na, illashke; ohoyo hʋt tʋmaha holihta anta hok akosh ik pa̱yo tuk okʋt: mikma hatak ʋt in chuka a bili̱ka hatak tekchi ya̱ hofahyali hokʋt: yʋmohmi hosh nan ik achukmo ka̱ hʋch iti takla ya̱ ai ishit ish kanchashke.

Nan Apesa 19:23

Mihma hatak chuka achʋfa pehlichi yash osh kohchʋt im ona cha, Keyú, itibapishi li ʋhleha ma! keyú, hʋchim asilhha lishke, nan ashʋchi yakohmi ka hʋsh yʋmohmi ná: hatak ilʋppʋt an chuka ant chukowa hatuk oka, im anukfila iksho ilʋppa hʋchik yʋmohmo kashke.

Nan Apesa 20:10

Micha Islael apehlichi puta moma ka tahlepa achʋfakma, hatak pokoli, micha tahlepa sipoknikma, tahlepa achʋfa, micha tahlepa sipokni pokolikma, tahlepa sipokni achʋfa il ai ishikma, okla pinak isht a̱yashke; yohmi ho̱ Kibeah Benchamin a̱ onakmʋt, nana ik achukmo Islael a̱ a yʋmihchi tuk moma pulla mak o̱ yʋmihchashke.

Nan Apesa 20:5

Atuk ak o̱ Kibeah hatak ʋhleha hʋt wakayʋt a̱ sanali cha, ninak o̱ chuka ya̱ afulloblit si apakfoyupa cha, sʋbi bʋnna tok: micha ʋm it aiena ya̱ im ahlia na illi tuk oke.

Nan Apesa 20:6

Mihma ʋm it aiena ya̱ ishi lish, bʋshlit tʋptulit tahli li mʋt, Islael ai isha he ʋlhpesa yakni moma ka hlopullichit pila li tuk oke: haui toba, micha im anukfila iksho aiena ho̱ Islael a̱ a yʋmohmi hoka.