Tutelonomi 22:2 - Chahta Holisso Holitopa 1886

² Atuk o̱ chitibapishi hʋt chi̱ bili̱ka keyu, keyukmʋt chik ithano yohmit, yʋmohmikmʋt chin chuka isht ish ona na, chim ahanta tuk o̱, chitibapishi ʋt hoyot a̱ya hi oke: mikma falʋmminchit ish ima hi oke.

Tutelonomi 22:2 Iomraidhean Croise

Mahlu 7:12

Yohmi hoka nan‐oklu̱ha ka hatak puta kʋt hʋchim a yʋmohma hi a̱ hʋsh aiahni hosh, mih mak o̱ hʋsh ai i̱ yʋmohmi mak inlashke: ilʋppak o̱ nan ʋlhpisa, micha hopaii puta aiena kʋt miha hoka.

Tutelonomi 22:1

Chitibapishi i̱ wak toksʋli, keyukmʋt in chukfi ʋlhpoa yʋt kʋnia na, ish pisakmʋt, i̱ filʋmmit ish luma he keyu; ik kaniohmi kia falʋmminchit chitibapishi a̱ isht ish im ona pullashke.

Tutelonomi 22:3

Im issuba nashoba ya̱ ish yʋmihchikmʋt, i̱ nafohka ya̱ ish yʋmihcha hi oke: micha na kʋnia puta chitibapishi ʋt i̱ kʋnia tuk o̱ ish ahayuchikmʋt ish yʋmihchi ak inla hi oke, ish luma he keyu hoke.

1 Hlessalonian 4:6

Hatak nana kia atablit itibapishi ha̱ nana hoh kia ik haksecho kashke; Chitokaka yʋt yʋmma chohmi ka im apesʋt na hotopa onocha he oka, yʋmma cha̱shpo ma ahah! hʋsh im ahna he, atokolit e hʋchim anoli tok.