Tutelonomi 21:3 - Chahta Holisso Holitopa 1886

³ Yohmikma yakohma hi oke, hatak illi yash et i̱ bili̱ka tʋmaha holihta ak osh tʋmaha holihta yʋmma im asʋnonchi ʋhleha fehna kʋt wak tek himmita ishit toksʋli chatuk keyu, micha ikunla abanʋt nana shali chatuk keyu ka̱ ish ashke.

Tutelonomi 21:3 Iomraidhean Croise

Numbas 19:2

Ilʋppak osh nan ʋlhpisa Chihowah yʋt anumpulit, Islael im ʋlla ʋhleha ha̱ ish im anumpuli na, wak tek himita homma, inlʋt takali iksho, ik ai ono kʋt iksho, yʋmmak oka ikunla abana yʋt onʋtoyula tuk keyu ho̱ isht chim ʋlashke.

Tutelonomi 10:8

Nitak yʋmma Chihowah yʋt Lefai apehlichika Chihowah nan itim apesa afohka itombi holitopa shola chi̱ ho̱, Chihowah itikba ya̱ hieli cha, nan isht im ahanta chi̱, micha yʋmma hochifot, anumpa yukpuli isht onohoncha chi̱ ho̱, filʋmmi̱hinchi ho̱ himak nitak a̱ yʋmohmi hoke.

Tutelonomi 21:2

Yohmikma chim asʋnonchi ʋhleha, micha chi̱ nan apesa ʋhleha aiena kʋt kohchʋt ia cha, illi itola kash hikiʋt ia hosh tʋmaha holihta puta apakfoyupa ka̱ onʋt apesa hi oke.

Tutelonomi 21:4

Micha tʋmaha holihta yʋmma im asʋnonchi ʋhleha hʋt wak tek himmita yash oka akinafa okfa nana awaya keyu, micha ahollokchi keyu yo̱ isht ona cha, wak tek himmita yash ikunla ya̱ okfa yʋmma a chanlit tʋblashke.

Filippian 2:8

Micha hatak ohmi hosh haiaka mʋt, il akanlosechit im antia kʋt, ititaiyukhʋna a takalit illi yoh kia isht illi kak atok.

1 Samuel 6:7

Yʋmohmi hoka himak a̱ itichanʋlli himona ikbi cha, wak tek pishinchi tuklo ikunla abana ʋt, onʋtola tok keyu yo̱ ishit, wak tek ash itichanʋlli ya̱ hʋsh a takchichashke; micha ushi ya̱ im ai ishit pehlichit i̱ holihta ya̱ isht hʋsh lashke.