Tutelonomi 21:22 - Chahta Holisso Holitopa 1886

²² Micha hatak ʋt isht illa he ʋlhpesa ho̱ nan ashʋchi yʋmihchi cha, illa chi̱ ʋlhpesa na, iti ish in takalichi tukma;

Tutelonomi 21:22 Iomraidhean Croise

Genesis 40:19

Nitak tuchina taklakma, Falaoh ʋt chi noshkobo ha̱ akachakalichit chim ai ishi cha, iti yo̱ on chi takalicha chi̱ hoke: mikma hushi puta kʋt chi nipi ya̱ chim ai ishit ʋpa chi̱ hoke, achi tok.

2 Samuel 21:10

Mihma Aiah ushetik Lispah ʋt nahishi nantʋnna ishi cha, tʋli ya̱ ai anta chi̱ kʋt ompatali mʋt, nan ʋmot isht ia ak atuk ʋt oka ʋt ʋba minti kʋt onʋtula ont ʋhli ka, nitak a̱ ʋba hushi puta kʋt ik om binilí ik ahno, micha ninak a̱ kowi nampoa puta kʋt ik yʋmohmí, ik ahno beka tok.

2 Samuel 21:6

Ushi ʋhleha hatak untuklo hosh pibbak a̱ fohka cha, Chihowa ʋt atokoli tok Sal yʋmmʋt ai ʋtta tok Kibeah ak o̱, Chihowa ya̱ il im a takohlichashke, im achi tok. Mihma mi̱ko ʋt, Chima lashke, achi tok.

2 Samuel 21:9

Micha Kibeonait ʋhleha ibbak a̱ fohki na nʋnih paknaka Chihowa itikba takohlichi tok: nana ʋmo nitak bali ʋmot isht ia ʋmmona fehna ho̱ ʋbi na untuklo kʋt moma hosh it api̱hʋt akakoha tok.

2 Samuel 4:12

Mihmʋt Lewi ʋt hatak himithoa im asha tuk ʋt im apesa ma, okla ʋbi cha, ibbak, micha iyi aiena ka tʋptuli cha, Heblon oka talaia ka paknaka takohlichi tok: amba Ishboshelh noshkobo hano okla ishi cha, Abne im ahollopi Heblon ak o̱ a hohpi tok.

Numbas 25:4

Micha Chihowah yʋt Moses a̱ okla hash noshkobo puta moma ish ishi cha hʋshi ya̱ ichapaka Chihowah itikba ya̱ iti a̱ ish atakohlechashke, Yʋmohmi ho̱ Chihowah im ai i̱ nukkilli libbi kʋt Islael a̱ i̱ filʋmmashke, im achi tok.

Mahlu 26:66

Katiohmi hʋchim anukfila cho? achi ma, okla afalaminchi mʋt, Illa he ak o̱ ʋlhpesa hoke, achi tok.

Mark i̱ Holisso 14:64

Chihowa isht ik ahobalo anumpa ha̱ hʋsh hakloshke: nanta hʋchim anukfila cho? achi tok. Mihma illa he ʋlhpesa kak o̱, momʋt okla anumpa onochi tok.

ʋBanumpa Luk Ʋt Holissochi Tok 23:33

Atuk osh Kalfali hohchifo yʋmmak atuk ash okla ai ʋla mʋt, yʋmmak ash, mikmʋt hatak haksi tuklo aiena kash ot achʋfʋt ibbak isht‐impak imma yo̱ takali ma, anonti achʋfʋt ʋlhfʋbeka tʋnnʋp o̱ takali ho̱, iti‐taiyukhʋna ya̱ ai ahonʋhlichi tok.

Apostel isht Anumpa 23:29

Mihmʋt yʋmmak okʋt ilap i̱ nan‐ʋlhpisa yak o̱ anumpa hʋt isht im atoba hatuk o̱, akostininchi li tuk; yohmi kia isht ai illikmá, keyukmʋt talakchikmá nana he imma hokʋto ik onʋtulo ke tuk oke.

Apostel isht Anumpa 25:11

Ʋno ʋt anumpa kobʋffi sia hokma, keyukmʋt isht ai illa he ʋlhpiesa kaniohmi ho̱ a si yʋmohmi tuk okmʋt, ik sʋllo ka hi a̱ ak ahnoshke, Amba ilʋppa puta kʋt takali ho̱ anumpa ma yakohmi kʋt a sai onochi keyu hokmʋno, hatak nana kia sasht ibbak ma ik fohko kashke, Sesa ya̱ achakʋlit pit im anoli li mak oke, achi tok.

Apostel isht Anumpa 25:25

Yohmi kia nana ho̱ isht ai illa he ʋlhpesa ka yʋmoh mi tuk keyu; micha ilapo akinli mʋt anumpa ha̱ achakalinchit Akʋstʋs a̱ im anoli mak atuk o̱, akostininchi li mʋt, pit chʋffichi ka ʋm‐anukfihinla tuk okano.

Apostel isht Anumpa 26:31

Micha naksika onʋt taha mʋt, Hatak ilʋppʋt isht ai illa he, micha isht a talakcha he ai ʋlhpesa nana ka, nana ho̱ a kaniohmi kʋt ikshoshke; achit itim anumpuli tok.

Tutelonomi 19:6

Issish hlatapa tuk a̱ il aiokha hʋt chu̱kʋsh lʋshpa moma hosh, hina ʋt falaia ha tuk o̱, hatak ʋbi yash hliolit sakki cha, ʋbi yoba na, cha̱shpo i̱ nukkilli ha tuk keyu hokʋt, illa he ʋlhpesa keyu kia,

Tutelonomi 22:26

Amba ohoyo himita ano nana ish kaniohmicha he keyu; ohoyo himita ʋt nan ashʋchi isht illa he ʋlhpesa kʋt atokoli keyu hoke: hatak osh in chuka a bili̱ka hatak a̱ i̱ sanali cha, hikia cha, ʋbi chatuk a̱ nana ilʋppa yʋmmak inli chohmi hoka.

Choshua 10:26

Yohmi hayʋt Choshua ʋt, fahamʋt ʋbi cha, iti tahlapi ho̱ atakohlichi tok: mihma iti ya̱ atakohli na opia tok.

Choshua 10:27

Atuk o̱ yakohmi tok, hʋshi ʋt okatula ma, Choshua ʋt i̱ miha ma, iti a takohli tuk a̱ akʋchi cha, hichukbi a lumboa tuk ak o̱ pit pila cha, tʋli hochito hichukbi paknaka kahpuli tok o̱, himak nitak fehna chiffo̱ko hoke.

Choshua 8:29

Mihmʋt Ai i̱ mi̱ko ano nuksitelit iti a takalichi na takali na opia tok; atuk o̱ hʋshi ʋt okatula mak inli ho̱ yʋmma haknip a̱ iti ya̱ ai akʋchi cha, tʋmaha holihta ont a chukowa okhissa ont pila cha, yʋmma tʋli itʋnahachi chito ai ikbit hilecha chi̱ ka Choshua ʋt i̱ miha tok; yʋmmʋt hikia na himak nitak a̱ ant ai ʋhlishke.

1 Samuel 26:16

Ilʋppa nana ish yʋmihchi tuk ʋt ʋlhpesa keyushke. Chihowa nan ahamʋt im ʋlhtoka hʋchi̱ shahli ha̱ hʋch ik apistikelo kʋt, Chihowa hʋt okcha̱ya pulla ka hʋch illa he ʋlhpesʋshke. Yohmi ka himak a̱ pisá, mi̱ko in tʋbi tʋli halupa ontʋla, micha im isht ishko oka ʋlhto im ʋlhpishi bili̱ka talaia tuk mʋto? im achi tok.