Tutelonomi 21:21 - Chahta Holisso Holitopa 1886

²¹ Mikma in tʋmaha holihta hatak moma kʋt tʋli ishit boli na illa hi oke: yʋmohmi hosh ahʋchi iti takla nan ik achukmo ka̱ ishit ish kanchashke, mikma Islael moma kʋt haklokmʋt nukshopashke.

Tutelonomi 21:21 Iomraidhean Croise

2 Samuel 18:17

Mihma Absalom a̱ okla ishi cha, hichukbi chito ʋt kowi anuka̱ka hiki̱a tuk o̱, pit pila cha tʋli itʋnaha chito fehna ho̱ o̱ ashachi tok: mihma Islael moma kʋt im ʋlhtipo aiyukali yihlepʋt ona tok.

Eksotʋs 21:17

Mikma kʋna hosh i̱ki micha ishki ya̱, kalakshichit mihachikmʋt illi pulla hi oke.

Lefitikʋs 20:2

Anonti Islael im ʋlla ʋhleha ha̱ im anumpulit, Kʋna hosh Islael im ʋlla ʋhleha hosh, keyukmʋt okla inla Islael takla ʋtta yosh im isht atiaka yo̱ Molek a̱ imakmʋt illi pulla hi oke, yakni yash okla hʋt tʋli ishit bola hi oke.

Lefitikʋs 20:27

Micha hatak osh, keyukmʋt ohoyo hosh shilombish okpulo ai itibai achʋfa, keyukmʋt isht a hullo ʋt illi pulla hi oke; tʋli yo̱ ishit bola hi oke; im issish ʋt ilap ak o̱ onʋtonla hi oke, ish im achashke, achi tok.

Lefitikʋs 24:14

Kallakshichit anumpuli tuk a̱ binah ha̱ kocha isht ish onashke; mikma haklo tuk moma kʋt ibbak a̱ noshkobo onochashke, mikma okla moma kʋt tʋli ishit bolashke.

Lefitikʋs 24:16

Mikma kʋna hosh Chihowah hohchifo ha̱ ik ahobalot anumpulikmʋt illi pulla hi oke, mikma okla moma kʋt tʋli ishit boli pulla hi oke; okla inla yʋt yakni ya̱ ai ʋtta tok akinli chohmit Chihowah hohchifo ha̱ ik ahobalot anumpulikmʋt illi pulla hi oke.

Numbas 15:25

Mikma naholitompa isht ʋtta yʋt Islael im ʋlla ʋhleha okla moma ka̱ isht i̱ kashoffi na i̱ kashofa hi oke; nana ik ithano yoka: mikma nan im issa ʋbit im issʋt luak ishit hukmi ya̱ Chihowah isht ima hi oke, micha nana ik ithano tuk ʋt nan ashʋchi im issa ya̱ Chihowah itikba isht ona hi oke,

Numbas 15:35

Mihma Chihowah yʋt Moses a̱, Hatak okʋt illi pullashke: binah kocha yo̱ okla moma kʋt tʋli isht a bolashke, im achi tok.

Numbas 15:36

Mihma Chihowah yʋt achi tuk mak o̱, okla moma kʋt binah ha̱ kocha isht ona cha tʋli ishit boli na illi tok.

1 Kolinhlian 5:13

Amba kʋna hosh iksa ibafohka keyu hokʋno Chihowa yosh nan im apesa yoke. Yʋmohmi hoka hatak nan ashʋchi yʋmmak ash ai il i̱ filʋmmichit hʋsh kanchashke.

Tutelonomi 13:12

Chin tʋmaha holihta kanima ka̱ yʋmmak oka ish ai a̱sha chi̱ ka̱ chin Chitokaka Chihowah yʋt chima tok a̱ ish ha̱klo ho̱ achi kʋt,

Tutelonomi 13:5

Mikma hopaii yʋmmʋt, micha holhpokuna holhpokuna yʋmmʋt illashke; hʋchin Chitokaka Chihowah yʋmmak osh Echip yakni ya̱ apehlichit hʋchi kohchi tok; micha yʋmmak osh aboha ayuka ha̱ a hʋchi hlakofichi tok a̱, i̱ filʋmmichit hʋchisht ia chi̱ hosh, hina hʋsh ai itʋnowa chi̱ ho̱ hʋchin Chitokaka Chihowah yʋt hʋchi̱ miha tok a̱ naksika pit hʋchi tobli bʋnna hosh anumpuli ha tuk oka. Yʋmohmi hosh hʋchim ai iti takla ya̱ nan ik achukmo ka̱ isht hʋsh kanchashke.

Tutelonomi 13:6

Chitibapishi chishki ya̱ ushi yokmá, keyukmʋt chiso yokmá, keyukmʋt chisotek okmá, keyukmʋt chi tekchi chi apotoa tuk ak okmá, keyukmʋt chi̱ kana yosh chimi shilombish ak inli chiyuhmi tuk okmá, nana hosh lumʋt chi haksichit, yʋmmak oka hʋchishno, micha hʋchi̱ki ʋhleha aiena kʋt ithana tok keyu kia, Kilia cha, naholbʋt toba inla,

Tutelonomi 17:5

Yohmikma hatak, keyukmʋt ohoyo yʋmmʋt na yoshuba yʋmma yʋmihchi kash, hatak yʋmma, keyukmʋt ohoyo yʋmma pulla ka̱ chi̱ holihta okhissa ya̱ isht ish ona cha, tʋli ishit ish boli na, illa hi oke.

Tutelonomi 17:7

Ʋba chi̱ kʋt witnes puta ibbak ak osh ti̱kba onʋtola hi oke, i̱ himmak a yak o̱ okla moma ibbak ʋt onʋtola hi oke; Yʋmohmi hosh nana ik achukmo hʋch itin takla itoyula hash ishit hʋsh kancha hi oke.

Tutelonomi 21:20

Micha in tʋmaha holihta im asʋnonchi ʋhleha, Piso ilʋppʋt chu̱kʋsh ilapunla, micha pim antia he keyu, pim anumpa ha̱ im antia he keyushke, isikopa micha okishko shahli yoke, im acha hi oke.

Tutelonomi 22:21

Yohmikma ohoyo himita yash i̱ki in chuka okhissa ya̱ isht onakma, in tʋmaha holihta yash hatak ʋhleha hʋt tʋli ishit boli na, illashke; i̱ki in chuka ya̱ haui tobʋt ahanta cha, Islael i̱ yakni ya̱ nana makali ya̱ yʋmihchi hokʋt: yʋmohmi hosh nan ik achukmo ka̱ hʋch itin takla ai ishit ish kanchashke.

Tutelonomi 22:24

Yohmikma kohchit tʋmaha holihta, okhissa yʋmma ita tuklo ka̱ ishit hʋsh ona cha, tʋli ishit boli na, illashke; ohoyo hʋt tʋmaha holihta anta hok akosh ik pa̱yo tuk okʋt: mikma hatak ʋt in chuka a bili̱ka hatak tekchi ya̱ hofahyali hokʋt: yʋmohmi hosh nan ik achukmo ka̱ hʋch iti takla ya̱ ai ishit ish kanchashke.