Tutelonomi 21:19 - Chahta Holisso Holitopa 1886

¹⁹ Yohmikma i̱ki, micha ishki ita tuklo kʋt halʋllit ishi cha, aiʋtta holihta okhissa, micha in tʋmaha holihta im asʋnonchi ʋhleha itikba ya̱ isht im onashke.

Tutelonomi 21:19 Iomraidhean Croise

Tutelonomi 16:18

Chim apehlichi puta hlopulli, chi̱ holihta okhissa chin Chitokaka Chihowah yʋt chima tok a̱ nan apesa ʋhleha, micha nan ʋlhtoka ʋhleha aiena ka̱ ish ikbashke; mikma okla ha̱ nan ʋlhpisa aiʋlhpiesa ho̱ im api̱hi̱sa hi oke,

Tutelonomi 21:18

Hatak osh ushi ʋt chu̱kʋsh ilapunla, micha anumpa i̱ kobʋffi shahli yosh im anta kʋt, i̱ki micha ishki im anumpa ha̱ i̱ haponakla he keyu, micha fʋmmi kia, im anumpa ha̱ haponakla he keyukma;

Tutelonomi 21:2

Yohmikma chim asʋnonchi ʋhleha, micha chi̱ nan apesa ʋhleha aiena kʋt kohchʋt ia cha, illi itola kash hikiʋt ia hosh tʋmaha holihta puta apakfoyupa ka̱ onʋt apesa hi oke.

Tutelonomi 21:20

Micha in tʋmaha holihta im asʋnonchi ʋhleha, Piso ilʋppʋt chu̱kʋsh ilapunla, micha pim antia he keyu, pim anumpa ha̱ im antia he keyushke, isikopa micha okishko shahli yoke, im acha hi oke.

Tutelonomi 25:7

Atuk o̱ hatak ash osh itibapishi tekchi yash ishi ikbʋnnokma, yohmikma itibapishi tekchi ʋt holihta okhissa ya̱ onʋt im asʋnonchi ʋhleha ha̱ im ona cha, A̱ hatak itibapishi hʋt itibapishi hohchifo ha̱ ikbit Islael a̱ ai i̱ hilechi ik bʋnnoshke; a̱ hatak itibapishi nana akaniohma he ʋlhpesa ka̱ yʋmihchi ik bʋnnoshke, achashke.