Tutelonomi 21:18 - Chahta Holisso Holitopa 1886

¹⁸ Hatak osh ushi ʋt chu̱kʋsh ilapunla, micha anumpa i̱ kobʋffi shahli yosh im anta kʋt, i̱ki micha ishki im anumpa ha̱ i̱ haponakla he keyu, micha fʋmmi kia, im anumpa ha̱ haponakla he keyukma;

Tutelonomi 21:18 Iomraidhean Croise

2 Samuel 7:14

I̱ki sia hokma, sʋso ahi oke. Nana ik ʋlhpeso yʋmohmikma, hatak fuli yo̱ ishit hotopali la hi oke, micha hatak im ʋlla ʋhleha ishit fʋma aiena ho̱ ishit kostininchi la hi oke:

Eksotʋs 20:12

Chi̱ki, micha chishki ya̱ ish holitoblashke; yʋmohmi hosh chi̱ nitak ʋt falaia hosh yakni ya̱ Chihowah chin Chitokaka yʋt chima tok a̱ ish aiahantashke.

Eksotʋs 21:15

Mikma kʋna hosh i̱ki micha ishki ya̱ issokmʋt illi pulla hi oke.

Eksotʋs 21:17

Mikma kʋna hosh i̱ki micha ishki ya̱, kalakshichit mihachikmʋt illi pulla hi oke.

Lefitikʋs 19:3

Hatak hʋsh puyuta kʋt hʋchishki, micha hʋchi̱ki aiena ka̱ hʋsh i̱ nukwia cha, a̱ nitak hollo ya̱ hʋsh holitoblashke: Chitokaka hʋchin Chihowah sia hoke.

Lefitikʋs 21:9

Micha naholitompa isht ʋtta ushetik osh hauit anta cha ik ilahobalo tuk mʋt, i̱ki ya̱ ik ahobalo hoke: luak ishit lua hi oke.

Tutelonomi 21:19

Yohmikma i̱ki, micha ishki ita tuklo kʋt halʋllit ishi cha, aiʋtta holihta okhissa, micha in tʋmaha holihta im asʋnonchi ʋhleha itikba ya̱ isht im onashke.

Tutelonomi 27:16

Kʋna hosh i̱ki keyukmʋt ishki ya̱ ik ahobalokmʋt kallakshashke, mikma okla moma kʋt, Amen, achashke.

Tutelonomi 8:5

Micha hatak osh ushi ya̱ na hotopa onochi cha tuk a̱ chohmi hosh chin Chitokaka Chihowah yʋt na hotopa chi onochi tok a̱, chi chu̱kʋsh isht anukfillit ish pi̱hi̱sashke.

1 Samuel 3:13

Nan ashʋchi ithana yʋmma pulla kak o̱ in chuka achʋfa ya̱ nan im apesa li̱ bilia chi̱ kʋt im anoli li tok: ushi ʋhleha hʋt ile hofahyali ma, ik im olabo chatuk oka.