Tutelonomi 21:17 - Chahta Holisso Holitopa 1886

¹⁷ Amba ik ahnincho yash ushi ak o̱ nan im asha moma kash osh kʋshkoa tuklo ho̱ ima cha, yʋmmak osh ʋtta ahpi ya̱ anolashke; yʋmmak osh imi hlampko ishtia ʋmmona yokʋt, ʋtta ahpi ai isha he ʋlhpesa ʋt immi hoke.

Tutelonomi 21:17 Iomraidhean Croise

Genesis 49:3

Luben ma, ʋm ʋttahpi, a sa kʋllo, micha nan isht anhlampko ʋmmona ka̱ atoba holitopa i̱ shahli, micha nan isht aia̱hli i̱ shahli chia hoke;

2 Mi̱ko 2:9

Mihma yakohmi tok, hlopullit okla ma, Elichah ʋt Elisha ya̱, Chim ishit ik sasho ki̱sha kak o̱ nana chi̱ yʋmihchi la chi̱ ka ish asilhhashke, im achi tok. Mihma Elisha ʋt, Chimi shilombish a̱ inlohmi tuklo hosh si onʋtoyulashke; chim asilhha lishke, achi tok.

Atʋloa 105:36

Atuk o̱ ʋttahpi, i̱ yakni aiyasha moma ka̱, imi lhampko moiyumah tuba ʋmmona ya̱ issot kanchi tok.

ʋBanumpa Luk Ʋt Holissochi Tok 15:12

Atuk o̱ nakfish ash ot i̱ki a, A̱ki ma! nana kʋt ʋmmi ha he tuk ash is sʋmashke, im achi tok. Mihma nan isht ai okcha̱ya yash o̱ im it a kashʋbli tok.

Tutelonomi 21:16

Yohmikma yakohma hi oke, ushi ʋhleha nana im a̱sha tuk ʋt imakmʋt holitopa ushi atuk a̱, ik ahnincho ushi ak osh ʋtta ahpi yo̱ mʋhli tuk a̱, tikba ʋtta ahpi ikba he keyu.

Nan Otʋni 3:14

Mikmʋt chʋch Laotisea a hikia nan isht im ʋtta ya̱ pit ish i̱ holissochashke: Amen, Nan atokowa anoli a̱hli, Chihowa nana ikbi tok a̱ moma in Tikba mak osh ilʋppa puta ka achishke.