Tutelonomi 21:11 - Chahta Holisso Holitopa 1886

¹¹ Atuk osh yuka ʋhleha ha̱ ohoyo pisa ai okli kʋt ibafoyuka na, ish pisa cha, itauwaya chi bʋnnakmʋt,

Tutelonomi 21:11 Iomraidhean Croise

Genesis 34:3

Atuk osh Chekob ushetik Tinah ya̱ chu̱kʋsh ʋt asitia tok; micha ohoyo himita ya̱ anushkunna mʋt, ohoyo himita yash i̱ kanʋt im anumpuli tok.

Genesis 34:8

Mihma Hamo ʋt itim anumpulit, Sʋso Shekem chu̱kʋsh ʋt hʋch isotek a̱ ahni fehnʋshke: tekchi ya chi̱ ho̱ hʋsh i̱ bohlashke, hʋchim asilhha lishke.

Genesis 6:2

Chitokaka ushi ʋhleha hʋt hatak ushetik ʋhleha hʋt aiokli ho̱ pisa tok: mihmʋt aiahni tuk aiyukali kʋt ishi cha, itauwaya tok.

Numbas 31:18

Amba ohoyo‐ʋlla moma, iba tʋshki cha hatak ithana tuk keyu kano, hʋchimmi ha chi̱ hosh okchalinchit hʋsh i̱shashke.

Tutelonomi 21:10

Hʋchin tʋnʋp a̱ in tanampit kohchʋt ish ia tuk a̱, chin Chitokaka Chihowah yʋt chibbak a̱ fohki na, yukachit ish ishi tuk osh,

Tutelonomi 21:12

Yohmikmʋt ishit chin chuka isht ish ona hi oke; mikma noshkobo ha̱ ʋmo cha, ibbak ushi akchush a̱ ʋma hi oke.