Tutelonomi 20:4 - Chahta Holisso Holitopa 1886

⁴ Hʋchin Chitokaka Chihowah ak osh hʋchin tʋnʋp a̱ hʋchim itibit, hʋchi okchalincha chi̱ hosh hʋchi awant ia hoka im acha hi oke.

Tutelonomi 20:4 Iomraidhean Croise

Eksotʋs 14:14

Chihowah yʋt hʋchim itiba chi̱ hoke; mihma luhmʋt hʋsh hiela chi̱ hoke, im achi tok.

Loman 8:37

Yʋmmak illa keyu, nan oklu̱ha ilʋppa puta ka ilap pi̱ hullo tuk pulla kak o̱ im aiyachi yak kia il i̱ shahli hoke.

Tutelonomi 1:30

Hʋchin Chitokaka Chihowah ak osh hʋchi tikba iʋt hʋsh pi̱sa ho̱, Echip a̱ hʋchim a yʋmihchi tok moma ka̱ chohmit hʋchim itiba chi̱ hoke.

Tutelonomi 11:25

Hatak nana kia hʋchi tikba ya̱ hikia he keyu ka chi̱ hoke; hʋchin Chitokaka Chihowah yʋt hʋchim achi tuk mak osh, yakni hʋsh ano̱ho̱wa moma ka̱ hʋchi̱ nukshopa, micha hʋchi̱ komunta aiena ka̱ onocha chi̱ hoke.

Tutelonomi 3:22

Hʋsh i̱ nukshopa he keyu: Chin Chitokaka Chihowah yʋmmak osh chim itiba chi̱ hoke, chim achi li tok.

Tutelonomi 31:6

Hʋchi kʋllashke, micha hʋsh aiyimitashke, hʋsh i̱ nukshopa na; chin Chitokaka Chihowah yʋmmak osh chi auwant ia hoka, ik chim ai a̱hlo ka he keyu, micha chi kancha he keyu hoke, achi tok.

Tutelonomi 32:30

Katiohmi kak osh achʋfa kia tahlepa sipokni hoh kia tihlela he tuk keyu? micha tuklokmʋt tahlepa sipokni pokoli kia tihlela he tuk keyu? in Tʋli chito yak osh kanchi tuk keyukma: micha Chihowah ak osh im okshita tuk keyukma?

Choshua 10:11

Atuk o̱ yakohmi tok, Islael itikba ya̱ yihlepa cha, Belhholon a̱ okʋtahʋt ia ma, Chihowa hʋt hata̱fo hochito ʋba et onochit, Asekah isht ona na okla illi tok: hata̱fo isht illi kak osh Islael im ʋlla ʋhleha hʋt bʋshpo falaia isht ʋbi tuk a̱ i̱ shahli tok.

Choshua 10:42

Micha mi̱ko ilʋppa puta, mikmʋt i̱ yakni ya̱ Choshua ʋt himonna achʋfa ho̱ ishi tok; Islael in Chitokaka Chihowa ak osh Islael a̱ im itibi hatuk oka;

Choshua 23:10

Hatak hʋsh achʋfa kʋt tahlepa sipokni ho̱ tihlela hi oke: Chihowa hʋchin Chitokaka ak osh miha tuk okʋt hʋchim itibi hoka:

1 Samuel 14:23

Yʋmohmi ho̱ Chihowa ʋt nitak yʋmma Islael a̱ hlakofichi tok: mihma itin tanampi kʋt Belh‐afen a̱ isht ona tok.