Tutelonomi 20:3 - Chahta Holisso Holitopa 1886

³ Micha Islael ma, hʋsh haklashke; himak nitak a̱ hʋchin tʋnʋp a̱ hʋsh itiba chi̱ hosh bili̱ka hʋsh onashke: hʋchi chu̱kʋsh ʋt ik ello kashke; hʋchi nukshopa na, micha hʋchi wʋnihinchi na, micha yʋmma pulla kak o̱ ik hʋchi nukhlakancho kashke.

Tutelonomi 20:3 Iomraidhean Croise

Atʋloa 3:6

Oklah tʋhlepah sipokni pokoli kʋnnohmi hosh a̱ sʋnalit si ʋpakfoiyupʋt hieli hoh kia, i̱ sʋ nukshopa he keyu hoke.

Eksotʋs 14:13

Mihma Moses ʋt okla ha̱, Hʋchi nukshopa ná, lumʋt hieli cha, Chihowah im ai okcha̱ya himak nitak a̱ hʋchi pisacha chi̱ ka̱ hʋsh pisashke: Echip okla ha̱ himak nitak a̱ hʋsh pisa tuk ʋt, himakma anonti hʋchik peso ho̱ bilia chi̱ hoke.

Numbas 14:9

Peh, Chihowah ya̱ i̱ yoshobʋt hʋchik i̱ filʋmmo kashke, micha okla yakni ai asha ka̱ hʋchik i̱ nukshopo kashke; yʋmmʋt pi̱ pʋska yoka; yʋmma ai atukko yʋt i̱ kʋnia hoke, mikma Chihowah yʋt piba foyuka hoke; hʋchik i̱ nukshopo kashke, im achi tok.

Mahlu 10:16

Inta! chukfʋlhpoba yo̱ chohmichi hosh nashoba itintakla pit tihleli lishke; yohmi hoka kostini kʋt sinti ak o̱ hʋsh chiyuhmi cha, nuktaiyala mʋt pʋchi‐yoshuba ak o̱ hʋsh itilauashke.

Mahlu 10:28

Mikmʋt haknip a̱ ʋbi kia, shilombish a̱ illicha he keyu yʋmmak okʋno hʋch ik i̱ nukshopo kashke: amba shilombish micha haknip it aieninchit aiokpuloka ai ilbʋshala hinla kak pulla ho̱ hʋsh i̱ nukshopashke.

Mahlu 10:31

Yohmi hoka ik hʋchi nukshopo kashke; holitopa kʋt hushi chipunta laua kia hʋsh i̱ shahli hoke.

Mahlu 8:26

Mihma yʋmmak ash o̱, Na‐yimmi fehna keyu hʋchia ma! na katihmi ho̱ hʋchi nukshopa cho? im achi tok. Micha tani mʋt, mahli mikmʋt okhʋta aiena kash im alʋmmi tok; mihma yokopa ai a̱hlit talaia tok.

Mark i̱ Holisso 16:18

Micha sinti chilita puta ka peh okla aiowa he, mikmʋt ishkot illi nana kia ishko hoh kia, nan ik kanihcho ka he: abeka ya̱ ibbak isht umbitepakma, hlakofa he bano hoke, im achi tok.

Mark i̱ Holisso 16:6

Mihma yʋmmak ash ot, Ik hʋchi nukshopo kashke, Chisʋs Nasalet ʋtta yʋt ititaiyukhʋna ahonʋhla tuk ash o̱ hʋsh hoyoshke: tani tuk oke: ilʋppa ikshoshke: okla a bohli tuk a̱, pit ho pesá.

Apostel isht Anumpa 27:24

Pal ʋt ik chi nukshopo kashke. Sesa itikba ya̱ ish ona chi̱ pulla hoke; mikmʋt Chihowa yʋt ai itapehʋt peni isht hʋsh a̱ya ka, yʋmma mominchit chima hoke; ahanchi tuk oka.

Tutelonomi 1:21

Yakeh, Chin Chitokaka Chihowah yʋt yakni yash chi tikba talalishke: hʋchi̱ke ʋhleha in Chitokaka Chihowah yʋt chim achi tuk mak o̱, iʋt ishi: chi nukshopa na, micha chi chu̱kʋsh ʋt ik ello kashke, chim achi li tok.

Tutelonomi 20:1

Tanampit kohchʋt ish ia tuk osh, issuba puta, micha tʋnʋp iti chunaha puta, micha okla laua kʋt chi̱ shahli ho̱, ish pisakmʋt chik i̱ nukshopo kashke: chin Chitokaka Chihowah (yʋmmak) osh Echip yakni ya̱ apehlichit chi kohchi tok ʋt chiba foyuka hoka.

Tutelonomi 20:2

Atukma yakohma hi oke; itibit bili̱ka hʋsh onakma, naholitompa isht ʋtta yʋt bili̱ka onʋt okla ha̱ im anumpula hi oke.

1 Hlessalonian 5:15

Yohmi ka hʋsh ahni na kʋna kia nana ik achukmo ka nana ik achukmo mak inli ho̱ hatak nana kia ik i̱ yʋmihcho kashke; amba hʋchishno ak inli, micha hatak puta ka isht im achukma kak o̱ hʋsh iakaiya na biliashke.

1 Timohli 6:12

Na‐yimmi isht itibi achukma yʋmmak o̱ isht ish itihimbashke; ai‐okcha̱yʋt bilia ak o̱ kʋllo hosh ish ieshash ke, yʋmmak o̱ chishno ak kia isht chi ʋlhtoka tok, micha nan atokowa anoli la̱wa ka itikba yo̱ ʋbanumpa yimmi isht anoli achukma ka ish il apesa tuk mak oke.

Heblu 13:6

Yʋmohmi hoka Chitokaka yak osh na si apela yoke, micha hatak ʋt nana ho̱ sa kanimihcha hinla hokʋno i̱ sa nʋkshopa he keyu, pi nukwa̱ya iksho hosh il acha he bano hoke.

Choshua 23:10

Hatak hʋsh achʋfa kʋt tahlepa sipokni ho̱ tihlela hi oke: Chihowa hʋchin Chitokaka ak osh miha tuk okʋt hʋchim itibi hoka:

Nan Otʋni 2:10

Nana kʋt isht chi ai ilbʋsha he puta a̱sha ka chik i̱ komunto kashke. Yakeh! hʋsh kanima ka hʋch imomaka pisa chi̱ ka, Setan ʋt aboha kʋllo a̱ hʋchi apitta he; yohmikma nitak pokoli ho̱ na palʋmmi hʋsh pisa chi̱ hoke: ai a̱hlit ma̱ha̱yʋt ont chillashke; yohmikma iachuka okcha̱ya yo̱ chima la he mak oke.

1 Samuel 17:32

Mihma Lewi ʋt Sal a̱, Yʋmmak o̱ mʋhli ho̱ hatak kʋna kia chu̱kʋsh ik iello kashke; chin tishu hak osh ia cha, Filistin ilʋppak ash itibashke, im achi tok.