Tutelonomi 20:19 - Chahta Holisso Holitopa 1886

¹⁹ Tʋmaha holihta ya̱ abinachit ish aiasha tok hopaki cha, in tanampit ish isha chi̱ kʋt, iti ya̱ iskifa ishit chanlit ish okpʋna he keyu, ish ai ʋpa hinla hokʋt (osapa iti aiasha kʋt hatak aiokcha̱ya yoka:) abinanchit ish aiasha chanlit akakohlit isht ish i̱ sanala he keyu hoke.

Tutelonomi 20:19 Iomraidhean Croise

2 Mi̱ko 3:19

Mikma tʋmaha holihta moma, micha tʋmaha achukma i̱ shahli moma ka okpʋnit, micha iti achukma moma ka kinahlichit, micha oka kʋli moma ka i̱ kʋmalit, micha osapa achukma taloha moma ka tʋli ashachit hʋsh okpʋna chi̱ hoke, achi tok.

2 Mi̱ko 3:25

Micha in tʋmaha puta ka yuhlit tahlit, osapa achukma taloha moma ka hatak ʋt tʋli achʋfa aiyukali pilʋt alotoli tok; micha oka kʋli moma ka i̱ kʋmalit, iti achukma moma ka kinahlichi tok: yohmi cha Ki‐halaselh ʋno tʋli ya̱ okla hilinchi tok; micha tʋli ishit fahpuli ʋhleha hʋt apak?-?fopʋt tʋli isht isso tok.

Mahlu 21:19

Micha fik ʋpi ʋt tikba ya̱ hikia na pit pisa mʋt, yʋmmak ash o̱ ona; yohmi kia nana kia takanli na ik ahayucho; amba hishi ak illa tok; mihmʋt, Himak a pilla ma nitak nana ʋni yʋt ik chi a tobo kashke, im achi tok. Mihma chekosi mak inli ho̱ fik ʋpi ʋt bʋshit taha tok.

Mahlu 3:10

Yohmikma himak ak kia iskifa yʋt iti puta akishtʋla ya̱ itonla hoke; yohmi hatuk o̱ iti yʋt ʋni achukma ho̱ ʋnit waya keyu kʋt moyumʋt cha̱yʋt akakoha cha, luak pit itokaha chatuk oke.

Tutelonomi 20:18

Yʋmohmi hosh nan ashʋchi ishit yuwala i̱ naholbʋt toba i̱ yʋmihchi chatuk ʋt ik hʋchik hanancho ho̱: yohmikmʋt hʋchin Chitokaka Chihowah ya̱ hʋchik i̱ yoshobo kashke.

Tutelonomi 20:20

Peh iti ai ʋpa chatuk keyu puta ish ithana kak illa hosh okpʋnit chanlit ish akakohla hi oke: tʋmaha holihta yosh chin tanampikma, aiatukko holihta ish ikbi cha, ish im aiya hi oke. (achi tok.)

Tutelonomi 26:6

Mihma Echip okla hʋt na ik achukmo ka̱ pi yʋmihchit, pilbʋshali cha, yuka kʋllo pi onuchi tok.