Tutelonomi 20:18 - Chahta Holisso Holitopa 1886

¹⁸ Yʋmohmi hosh nan ashʋchi ishit yuwala i̱ naholbʋt toba i̱ yʋmihchi chatuk ʋt ik hʋchik hanancho ho̱: yohmikmʋt hʋchin Chitokaka Chihowah ya̱ hʋchik i̱ yoshobo kashke.

Tutelonomi 20:18 Iomraidhean Croise

2 Mi̱ko 21:3

Micha achahaka puta ka i̱ki Hesekiah ʋt okpʋnit tahli tok a̱ anonti ikbi tok: micha Islael i̱ mi̱ko Ahab atok a̱ chohmit Baal a̱ alta puta im ikbi cha, Ashelah ha̱ ikbi tok: micha ʋba shutik nana puta moma ka im akachunolit im antia beka tok.

Eksotʋs 23:32

Yʋmma, micha i̱ naholbʋt toba puta ka̱ nana ish itim apesa he keyu hoke.

Eksotʋs 23:33

Chi̱ yakni ya̱ aiasha he keyu a̱, chi yoshublicha hinla hoka; i̱ naholbʋt toba ya̱ ish im antiakma ishit chi yoshuba chi̱ pulla hoke im achi tok.

Eksotʋs 34:12

Ahah ish ahni cha, yʋmma ish ia kʋt yakni ya̱ okla ai asha ka̱ anumpa chik itim apesokashke; ishit yoshoba yosh hʋchitin takla ya̱ aiasha yoba na.

Eksotʋs 34:16

Micha chiso ʋhleha ha̱ ushetik ʋhleha ha̱ ishit ish ima na, ushetik ʋhleha hash osh hauit i̱ naholbʋt toba ya̱ iakaiya cha̱, chiso ʋhleha ha̱ hauit i̱ naholbʋt toba iakaiyʋchi yoba na.

1 Kolinhlian 15:33

Hʋch ik ile haksecho kashke: nan ik ʋlhpeso a chukulbi yokʋto im anukfila achukma puta tuk a̱ im okpʋni voke.

2 Kolinhlian 6:17

Yʋmohmi hoka yʋmma a kohchʋt hʋsh mintashke; yohmi cha oh i̱ filʋmmí, mikmʋt nana kʋt ik kashofo ka hʋsh potoli ná; yohmik mak o̱ hʋch i̱ kanʋt hʋchi ieshi la chi̱ hoke, Chitokaka yʋt achishke.

Efeshan 5:11

Micha okhlili ka a toksʋli nan ik ʋno hʋch ik iba ta̱klo hosh, amba ik im ahninchot hʋsh im alʋmmashke.

Tutelonomi 18:19

Atukma yakohma hi oke, kʋna hosh sa hohchifo pulla ho̱ anumpulikma yʋmmʋt im anumpa ha̱ hakla he keyukma im a hoyo la hi oke.

Tutelonomi 18:9

Chin Chitokaka Chihowah yʋt yakni chima tok a̱ ish onakmʋt, oklushi yʋmma puta a yʋmihchi nan isht yuwala ya̱ hobachit yʋmihcha chi̱ ka̱ ish ithʋna he keyu.

Tutelonomi 20:17

Amba ishit kanchit ish ʋmohmicha hi oke: yʋmmʋt Hittait, micha Amolait, micha Kananait, micha Pelissait, Hifait, micha Chebusait aiena ka̱, chin Chitokaka Chihowah yʋt chi̱ miha tuk mak o̱ ish yʋmihcha hi oke.

Tutelonomi 20:19

Tʋmaha holihta ya̱ abinachit ish aiasha tok hopaki cha, in tanampit ish isha chi̱ kʋt, iti ya̱ iskifa ishit chanlit ish okpʋna he keyu, ish ai ʋpa hinla hokʋt (osapa iti aiasha kʋt hatak aiokcha̱ya yoka:) abinanchit ish aiasha chanlit akakohlit isht ish i̱ sanala he keyu hoke.

Tutelonomi 9:5

Ish ai ʋlhpiesa, micha chi chu̱kʋsh ʋt ai ʋlhpiesa kak osh i̱ yakni ya ishit a binilit ish ia keyu; amba oklushi ilʋppa puta haksi kak o̱, micha anumpa kʋllo ya̱ chi̱ki ʋhleha Eblaham, Aisak, micha Chekob aiena im il onoch i tok anumpa ha̱ aia̱hlicha chi̱ hosh chin Chitokaka Chihowah yʋt chi tikba a tihlelit kocha weli hoke.

2 Hlessalonian 3:14

Micha hatak nana hosh pim anumpa holisso ilʋppa ik im antiokma, yohmi hʋsh ahni cha, takla hʋch ik a̱yo ki̱ hofahyashke.

1 Timohli 6:5

Micha hatak im anukfila ik achukmo, micha ʋbanumpa a̱hli kʋt ik im iksho cha, nana ahayuchi kak osh Chihowa holitobli im ahoba hosh, it i̱ kʋllot anumpuli aiena hoke; yʋmma chohmi ka ish il i̱ filʋmmichashke.

Choshua 23:13

Chihowa hʋchin Chitokaka yʋt himak pilla ma oklushi ilʋppa puta moma ka hʋchi tikba tihlelit kohcha wehla he keyu hoke: amba nan isht hʋch ibetʋbli, micha nan isht hʋchi hokli, micha nan isht hʋchi fʋma yosh hʋchi naksi ya̱ onʋtoyula chi̱ hoke; micha kʋti hosh hʋchi nishkin a̱ shamʋlli na yakni achukma ilʋppa Chihowa hʋchin Chitokaka yʋt hʋch ima tok a̱ ai illit hʋchin taha chi̱ pulla kʋt hʋsh ithaiyanashke.

Nan Apesa 2:3

Yʋmohmi kʋt, Ʋno ak kia hʋchi tikba tihlelit kocha wehli la he keyu; amba kʋti hosh hʋchi naksi ya̱ shamʋlli chiyuhma hi oke; micha i̱ na holbʋt toba puta kʋt nan isht hʋch ibetʋbli yachi̱ hoke, achi li tok, achi tok.