Tutelonomi 20:16 - Chahta Holisso Holitopa 1886

¹⁶ Amba okla ilʋppa in tʋmaha holihta puta chi̱ yakni ya chi̱ ka̱, chin Chitokaka Chihowah yʋt chima tok ano, nana hosh fiopa kʋt a̱shakma ish okchalincha he keyu hoke.

Tutelonomi 20:16 Iomraidhean Croise

Numbas 21:35

Yʋmohmi hosh yʋmma, micha ushi ʋhleha, micha im okla moma ka̱ issot kanchi na, okcha̱yʋt im anta kʋt iksho tok, micha i̱ yakni ishit abinili tok.

Numbas 31:17

Yʋmohmi hoka, himak a̱ ʋlla ʋhleha nakni moma ka̱ hʋshbashke, micha ohoyo hʋt iba tʋshki cha hatak ithana tuk moma aiena ka̱ hʋshbashke.

Numbas 33:52

Yohmikmʋt yakni yash okla aiasha tuk a̱ hʋchi tikba atihlelit hʋsh kohchashke, micha i̱ naholbʋt toba puta moma ka̱ okpʋnit, bilʋt akmot naholbʋt toba puta ka̱ okpʋnit hʋsh tahlashke, micha im achahaka puta akʋchit hʋsh ʋmohmichashke.

Tutelonomi 20:15

Ilʋppak o̱ tʋmaha holihta chi̱ hopaki fehna puta oklushi ilʋppak inli in tʋmaha holihta aiachʋfa keyu puta ka̱ ish yʋmihchashke.

Tutelonomi 20:17

Amba ishit kanchit ish ʋmohmicha hi oke: yʋmmʋt Hittait, micha Amolait, micha Kananait, micha Pelissait, Hifait, micha Chebusait aiena ka̱, chin Chitokaka Chihowah yʋt chi̱ miha tuk mak o̱ ish yʋmihcha hi oke.

Tutelonomi 24:4

I̱ hatak ti̱kba chʋffichi tok ʋt anonti tekchi ya chi̱ ho̱ liteha ha ya hokʋno isha he keyu: yʋmmak okʋt Chihowah itikba ya̱ nan ishit yuwala yoka: mikma chi̱ yakni ya chi̱ ho̱ chin Chitokaka Chihowah yʋt chima tok a̱ ish yoshoblicha he keyu.

Tutelonomi 31:5

Micha Chihowah yʋt anumpa ʋlhpisa moma hʋchi̱ miha li tuk mak o̱, hʋsh yʋmihcha chi̱ ho̱, hʋchi tikba hʋchima chi̱ hoke,

Tutelonomi 4:21

Micha Chihowah yʋt hʋchishno ak a tuk pulla mak o̱, a̱ nukhobela cha, anumpa kʋllo anumpulit, Chatan a̱ ak hlopullo ka he, micha yakni achukma yʋmma hʋchi̱ yakni ya̱ chi̱ ho̱ chin Chitokaka Chihowah yʋt hʋchima tok a̱ ak chukowo ka chi̱ miha tok,

Tutelonomi 7:16

Micha okla moma chin Chitokaka Chihowah yʋt chibbak fohki tuk moma ka̱ mosholichit ish ʋmohmichashke; chi nishkin ʋt i̱ nukha̱kla he keyu, micha i̱ naholbʋt toba puta ka̱ ish im antia he keyu hoke; yʋmmak okʋt ishit chi̱ nukpʋllichi ya hi oka.

Choshua 10:20

Atuk o̱ yakohmi tok, Choshua micha Islael im ʋlla ʋhleha hʋt ahambi fehna kʋt ont tahli na taha ma, yʋmma i̱ hlako̱fi kʋt tʋmaha puta aholihta kʋllo ya̱ ont chukowa tok.

Choshua 10:28

Yohmi ma nitak yʋmma Choshua ʋt Makketah ya̱ ishi cha, bʋshpo falaia halupa isht issot kanchi tok: micha mi̱ko ya̱ mosholichit ʋmohmichi mʋt, yʋmma, micha shilombish yʋmma aiasha tuk aieninchi tok; achʋfa kia ik hlakofecho ki tok: micha Cheliko i̱ mi̱ko ya̱ yʋmihchi tuk a̱ chohmichit Makketah i̱ mi̱ko ya̱ yʋmihchi tok.

Choshua 10:40

Yohmi hosh Choshua ʋt nʋnih foka yakni moma, micha oka mahli pilla, micha okfa, mikmʋt kʋli foka, micha i̱ mi̱ko atuk moma ka issot kanchi tok: achʋfa kia ik hlakofecho hosh, amba Islael in Chitokaka Chihowa yʋt im apesa tuk mak osh fihompa moma ka okpʋnit ʋmohmichi tok.

Choshua 11:14

Micha tʋmaha holihta ilʋppa puta ka na wehpoa moma, micha wak aiena kʋno Islael im ʋlla ʋhleha hʋt immi ha chi̱ hosh ishi tok: amba hatak puta kʋno, bʋshpo falaia halupa isht issot ont kanchi cha, fiopa chi̱ ka achʋfa kia okla ik hlakofecho tok.

Choshua 6:24

Yohmi ma tʋmaha holihta, micha nana yʋmma anu̱kaka aiasha tuk aiena ka luak isht hukmi tok: amba tʋli hʋta, micha tʋli holisso lakna, mikmʋt tʋli, micha tʋli lakna aiena nan ai ʋlhpitta toba ak illa ho̱ Chihowa i̱ na holitopa ai asha chuka ya̱ pit apitta tok.

Choshua 8:25

Atuk o̱ yakohmi tok, hatak, micha ohoyo, aiena nitak yʋmma akakoha kʋt, momʋt tahlepa sipokni auah tuklo yʋmmʋt Ai okla moyuma tok.

Choshua 8:8

Atukma yakohma chi̱ hoke, tʋmaha holihta ya̱ hʋsh ishikmʋt, Chihowa hʋt apihi̱sa tuk mak o̱ yʋmihchit luak isht hʋsh hukma chi̱ hoke: yakeh! hʋchim apesa lishke, achi tok.

Choshua 9:24

Mihma afalamichit Choshua ya̱, Chitokaka chin Chihowa ʋt in tishu Moses a̱ im apesʋt, yakni moma ka hʋch ima cha, okla chi tikba aiasha moma ka ʋbit tahla he miha tok a̱ chin tishu ʋhleha hʋt haha̱klo pulla ak atok: yohmi kak o̱ hʋchishno pulla kak o̱ pim ilhfiopak isht pi nukshopa fehna hatuk osh, ilʋppa e yʋmihchi tuk oke.

Choshua 9:27

Mihma Choshua ʋt nitak yʋmma okla ha̱, micha Chihowa im alta ya̱, kanima ho̱ ai ahnit im atokolikma, iti im a chanli, micha oka im ochi aiena ka ikbi tok o̱, himak nitak a̱ imoma hoke.

Choshua 9:7

Mihma Islael hatak ʋhleha hʋt Hifait ʋhleha hash, Pi ta̱kla hʋsh a̱sha yoba hatuk a̱, yohmi hokmʋno katiohmi kak osh anumpa e hʋch it im apesa cho? im achi tok.

1 Samuel 15:3

Himak a̱ ish ia cha, Amalek a̱ issot ish kanchashke, ʋmohminchit nana im a̱sha moma ka okpʋnit ish tahlashke: micha ish apoahanchi ná; amba hatak, micha ohoyo, ʋllo̱si, micha pi̱shi, wak, micha chukfʋlhpoa, kamel, micha issuba haksobish falaia aiena ka ʋbit ish tahlashke, achi tok.