Tutelonomi 20:1 - Chahta Holisso Holitopa 1886

¹ Tanampit kohchʋt ish ia tuk osh, issuba puta, micha tʋnʋp iti chunaha puta, micha okla laua kʋt chi̱ shahli ho̱, ish pisakmʋt chik i̱ nukshopo kashke: chin Chitokaka Chihowah (yʋmmak) osh Echip yakni ya̱ apehlichit chi kohchi tok ʋt chiba foyuka hoka.

Tutelonomi 20:1 Iomraidhean Croise

Genesis 26:3

Yakni ilʋppak o̱ nowʋt a̱ya yosh ish ahantashke, mikma chibafoyuka lish, chi yukpali lashke; chishno, micha chi aiunchololi yak o̱ yakni ilʋppa moma ka̱ ima la chi̱ hoka, micha anumpa kʋllo yʋmma anumpulit chi̱ki Eblaham a̱ im il onochi li tok ʋt aia̱hlichi la chi̱ hoke.

Atʋloa 118:6

Chihowa hʋt sʋbafoiyukka hoka̱, sʋ nukshopa he keyushke; hʋttak okʋto nanta ho̱ sʋ katiomihcha hetoh?

Atʋloa 20:7

Kʋnimi kʋt tʋnʋp iti chʋnaha isht ilawʋtakma̱, inla kʋt issuba hak o̱ isht ilawʋta hoke; amba pishno yokʋto pi̱ Chitokaka Chihowa hohchifo hak o̱ isht il ilawʋta hoke.

Atʋloa 23:4

Micha ai illi aiokhlileka okfah kia ak a̱yah mák osh, nanah ik achukmo i̱ sʋ nukshopa he keyuh: chishno ak osh is sʋbafoiyukkakma̱, chim iti tʋpa micha chi̱ tʋbi ʋt sʋ hopuhlʋli hoka̱.

Atʋloa 46:11

Nan u̱ha i̱ Chihowa yosh pibafoiyukka hoke; Chekob i̱ Chitokaka yak osh pim ahlʋkuffi chaha yoke. [Yukopa.

Atʋloa 46:7

Nan u̱ha i̱ Chihowa yosh pibafoiyukka hoke; Chekob i̱ Chitokaka yak osh pim ahlʋkuffi chaha yoke. [Yukopa.

Atʋloa 46:8

Intah! Chihowa hʋt nan ʋtahli tuk a̱ hu pesáh; yʋmmak osh aiokpulokʋt taha ka̱ yakni ya̱ ai ono̱ho̱cchi hoke.

Eksotʋs 20:2

Ʋno ak osh Chin Chitokaka Chihowah sia hosh Echip yakni, micha yuka aboha ya̱ apehlichit chi kohchi li tuk oke.

Numbas 10:9

Atuk osh chi̱ yakni ya̱, hʋchin tʋnʋp ʋt hʋch ilbʋshali na, in tanampit hʋsh iakmʋt nukta̱hla he isht pu̱fa hʋsh olachashke; yohmikma hʋchin Chitokaka itikba ya̱ hʋch ithana hi oke, mikma hʋchin tʋnʋp a̱ hʋchi hlakoficha hi oke.

Numbas 23:21

Chekob a̱ nanashʋchi a̱sha ik peso tuk, micha Islael a̱ nan ai ʋlhpiesa keyu ka̱ ik peso tuk oke; Chihowah in Chitokaka yʋt ibafohka hoke; micha im itin takla ya̱ mi̱ko shakapa hosh takali hoke.

Loman 8:31

Yakohmi kʋno nana ilʋppa puta imma hokʋno nanta hak o̱ il acha hinla ho̱? Chihowa hak osh pi̱ kana hokma, kʋta hosh pi̱ sanala hinla ho̱?

Tutelonomi 1:29

Yohmi ma, Hʋsh i̱ komunta na, micha yʋmmak o̱ hʋsh i̱ nukshopa na,

Tutelonomi 2:7

Hʋchin Chitokaka Chihowah yʋt chibbak na hʋsh toksʋli puta ka̱ na hʋchi yukpali tuk oka: yakni haiaka chito ilʋppa hlopullit hʋsh itʋno̱ho̱wa ka̱ ithana hoke; afʋmmi pokoli ushta ilʋppak ash chin Chitokaka Chihowah yʋt chiba foyuka tuk oke: nana ik chim iksho kit iksho tuk oke, achi tok.

Tutelonomi 20:2

Atukma yakohma hi oke; itibit bili̱ka hʋsh onakma, naholitompa isht ʋtta yʋt bili̱ka onʋt okla ha̱ im anumpula hi oke.

Tutelonomi 20:3

Micha Islael ma, hʋsh haklashke; himak nitak a̱ hʋchin tʋnʋp a̱ hʋsh itiba chi̱ hosh bili̱ka hʋsh onashke: hʋchi chu̱kʋsh ʋt ik ello kashke; hʋchi nukshopa na, micha hʋchi wʋnihinchi na, micha yʋmma pulla kak o̱ ik hʋchi nukhlakancho kashke.

Tutelonomi 31:6

Hʋchi kʋllashke, micha hʋsh aiyimitashke, hʋsh i̱ nukshopa na; chin Chitokaka Chihowah yʋmmak osh chi auwant ia hoka, ik chim ai a̱hlo ka he keyu, micha chi kancha he keyu hoke, achi tok.

Tutelonomi 31:8

Mikma Chihowah yʋmmak osh chi tikba ia hoke, yʋmmak osh chiba foyuka chi̱ hoke; ik chim ai a̱hlo ka he keyu, micha chi kancha he keyu hoka; ik chi nukshopo kashke, micha ik chi nukhlakancho kashke, im achi tok,

Tutelonomi 7:1

Chin Chitokaka Chihowah yʋt ish a binila chi̱ hosh ish ia ka̱ yakni ya chishtona cha, oklushi laua, Hittait, micha Kikashait, micha Amolait micha Kananait, micha Pelisait, micha Hifait, micha Chebusait, oklushi untuklo hochito, micha kʋllo kʋt, chishno ya̱ chi̱ shahli ho̱ chi tikba ya akohchit kanchikmʋt;

Tutelonomi 7:18

Ish i̱ nukshopa he keyu hoke; amba chin Chitokaka Chihowah yʋt Falaoh, micha Echip moma ka̱ i̱ kaniohmichi tok a̱ ish ithaiyana fehna chi̱ hoke;

Tutelonomi 7:21

Ish i̱ nukshopa he keyu: chin Chitokaka Chihowah yʋt Chitokaka kʋllo, micha palʋmmi hosh hʋchi takla ahanta hoka.

Tutelonomi 9:3

Yʋmohmi hoka himak nitak a̱ chin Chitokaka Chihowah yʋmmak osh chi tikba hlopullit ia hoke; luak na hukmit tahli chiyuhmit ishit kancha chi̱ hoke, micha chi tikba ya̱ aka isht ona chi̱ hoke. Yʋmohmi hoka Chihowah yʋt chim achi tuk mak o̱, tihlelit ish kocha wehli cha, chekosi ishit ish kancha hi oke.

Choshua 1:5

Chi okcha̱yʋt ish ahanta nitak moma ka hatak nana kia chi tikba hikia he keyushke: Moses a̱ awant a̱ya li tok ʋt, yʋmmak inli ho̱ chohmit chi awant a̱ya la chi̱ hoke: nana ka ak chim ai a̱hlot chissa la he keyu hoke.

Choshua 1:9

Ʋno ak osh chim apesa li tuk keyu cho? kʋllot chim anukfila cha, nukwia ikshot ish amosholashke: ik chi nukshopo kashke, micha chi chu̱kʋsh ik iello kashke: kanima ish a̱ya puta ka Chitokaka chin Chihowa ʋt chi awant a̱ya hoka, achi tok.

Choshua 11:9

Mihma Choshua ʋt Chihowa yʋt i̱ mi̱ha tuk mak o̱ yʋmihchi hosh, issuba iyi̱kola̱kshish a̱ tʋptuli mʋt, tʋnʋp im iti chanʋlli puta ka luak isht hukmi tok.

Nan Apesa 6:12

Mihma Chihowa im enchel ash osh i̱ haiaka cha, Chihowa yʋt chib afoyukʋshke, hatak hlampko, hatak chilita nukwia iksho chia ma! im achi tok.

Nan Apesa 6:16

Mihma Chihowa yʋt, Chibafoyuka li pulla chi̱ hoke; mikma Mitianait ʋhleha ha̱ hatak achʋfa chiyuhmichit issot ish kancha chi̱ hoke, im achi tok.

1 Samuel 17:32

Mihma Lewi ʋt Sal a̱, Yʋmmak o̱ mʋhli ho̱ hatak kʋna kia chu̱kʋsh ik iello kashke; chin tishu hak osh ia cha, Filistin ilʋppak ash itibashke, im achi tok.