Tutelonomi 2:8 - Chahta Holisso Holitopa 1886

⁸ Atuk osh il itibapishi ʋhleha Esau im ʋlla ʋhleha, yʋmmʋt Sei ya̱ a̱sha ka̱ issʋt ant il iʋt, Elalh micha Esion‐kaba ʋttʋt aiia, yakni patali hlopulli ya̱ il ona mʋt, e fullota cha, Moab yakni haiaka hina ya̱ ont il ia tok.

Tutelonomi 2:8 Iomraidhean Croise

Genesis 25:23

Mihma Chihowah yʋt, Oklushi tuklo hosh chim oshʋtto ya̱ a̱lhto hoke; micha okla nana a kaniohmi kʋt tuklo hosh chikfoka ya̱ a kohcha chi̱ hoke: mikma okla achʋfa kʋt kʋllo kʋt okla achʋfa ya̱ i̱ shahla hi oke, mikma akni ak osh nakfish a̱ i̱ nutaka hi oke; im achi tok.

1 Mi̱ko 9:26

Mihmʋt mi̱ko Solomon ʋt peni hochito kohta shali kanohmi ho̱ okhʋta humma on talaka Etom yakni Elolh ichapaka Esion‐kebe ya̱ ai ikbi tok.

2 Mi̱ko 14:22

Mi̱ko ash osh i̱ki ʋhleha ha̱ ta̱kla nusi haya̱, Asaliah ʋt Elalh a̱ ikbi cha, Chutah ya̱ i̱ falʋmmichi tok.

2 Mi̱ko 16:6

Yʋmma fokali ka Silia i̱ mi̱ko Lesin ʋt Elalh a̱ falʋmmichit ishit Silia ya̱ ima cha, Chu okla ha̱ tihlelit Elalh a̱ a kohchichi tok; mihma Silia okla hʋt Elalh a̱ ona cha, aiasha tok osh himak nitak a̱ moma hoke.

Numbas 21:4

Mihma Etom yakni ya̱ apakfopa chi̱ hosh nʋnih Ho ya̱ ashʋt Okhʋta Humma pilla hina yo̱ ia tok: mihma okla hʋt hina pulla kak o̱ chu̱kʋsh isht ielli tok.

Numbas 33:35

Atuk osh Eblonah ha̱ asht iʋt, Esion‐kaba ya̱ binachi tok.

Tutelonomi 1:1

Anumpa ilʋppa puta kak o̱ Moses ʋt Islael moma ka̱ Chatan ola in tʋnʋp, yakni patali, yakni haiaka okhʋta humma ichapaka ya̱, Palan micha Tofel, micha Laban, micha Haselolh, micha Tisahab iti takla ya̱ ai im anumpo̱honli tok.

Nan Apesa 11:18

Yʋmohmi mʋt yakni haiaka hlopullit iʋt Etom yakni, micha Moab yakni aiena ka apakfopa cha, Moab i̱ hʋshi a kochaka imma yo̱ minti hosh Anon mish tʋnnʋp a̱ abinachi tok; yohmi kʋt Moab ai ʋhli fullota ka ont chukowa tok keyu: Anon yʋmmak okʋt Moab yakni ai ʋhli atuk oka.