Tutelonomi 2:7 - Chahta Holisso Holitopa 1886

⁷ Hʋchin Chitokaka Chihowah yʋt chibbak na hʋsh toksʋli puta ka̱ na hʋchi yukpali tuk oka: yakni haiaka chito ilʋppa hlopullit hʋsh itʋno̱ho̱wa ka̱ ithana hoke; afʋmmi pokoli ushta ilʋppak ash chin Chitokaka Chihowah yʋt chiba foyuka tuk oke: nana ik chim iksho kit iksho tuk oke, achi tok.

Tutelonomi 2:7 Iomraidhean Croise

Genesis 12:2

Mikma okla chito fehna a chikbi la he, mikmʋt chi yukpali likmʋt, anonti chi hohchifo ha̱ holitoblichi la hi oke; mikma ishit na chi yukpa yachi̱ hoke.

Genesis 24:35

Atuk o̱ Chihowah yʋt a̱ shahli ha̱ nayukpali fehna, na holitopa fehnʋt tahʋshke: micha nanʋlhpoa chipinta, micha nanʋlhpoa hochito, micha tʋli hʋta, micha tʋli lakna, micha hatak tishu, micha ohoyo tishu, micha kamel, micha i̱ssuba haksobish falaia aiena ka̱ ima tuk oke.

Genesis 26:12

Yohmi ma Aisak ʋt yakni yʋmma a hokchi cha, afʋmmi mih makinli ka̱ inlohmi tahlepa achʋfa ho̱ ishi tok: mihma Chihowah yʋt yukpali tok.

Genesis 30:27

Mihma Laban ʋt, Holhponayo hanta ya̱ chi tikba ai ahayuchi li tuk okma, ish antashke, chim asilhha lishke: chishno ak atuk pulla kak o̱ Chihowah yʋt sai yukpali hoka, akostininchi lishke, im achi tok.

Genesis 39:3

Mihma Chihowah yʋt ibafoyuka, micha nana moma ka̱ ibbak isht ieshikma, Chihowah yʋt im aia̱hlichi ka̱ i̱ shahli hʋt pisa tok.

Genesis 39:5

Atuk o̱ yakohmi tok, in chuka achʋfa, micha nana moma im a̱sha tuk ʋt apesʋchi ikbi tok nitak itin takla ma, Chihowah yʋt Chosef ak atuk pulla mak o̱, Echip hatak ash in chuka achʋfa ya̱ yukpali tok: micha Chihowah nan ishit yukpali ʋt nana moma chuka aiasha, micha osapa aiasha ka̱ onʋtoyula tok.

Atʋloa 1:6

Chihowa hʋt ai ʋlhpiesa ʋhlehah ai ittʋnowa ya̱ ithaiyana hoka̱: amba hʋttak ik ʋlhpeso ʋhlehah ai ittʋnowa yokʋto aiokpuloka isht ona hi oke.

Atʋloa 107:4

Yakni hayaka ya̱ chukushmi foka hina yo̱ yushobʋt ittʋnowʋt, ai asha hinla tʋmahah ik ʋhayocho kak osh,

Atʋloa 31:7

Sʋlbʋssha ka̱ is sʋ pesah mʋt, ʋmish shilombish nan isht im a pʋlʋmmi ka̱ ish ithana cha, a̱ tʋnʋp ibbak a̱ fohkit chik sʋm okhishto hosh, amba saiyi ya̱ ai o̱ hikia ʋwata ho̱ ish o̱ hilechi tuk oka̱, nan isht ish i̱ hullo yak o̱ isht a sʋ yokpah fehna chi̱ hoke.

Atʋloa 90:17

Mikma̱ pi̱ Chitokaka Chihowa isht i̱ kana yʋt pi onuttoiyulashke; mikma̱ pibbak nan a toksʋli ya̱ ish pim ai ahlichikmʋt, pibbak nan a toksʋli ya̱ ish ai a̱hlichashke.

Eksotʋs 16:35

Mihma Islael im ʋlla ʋhleha hʋt manna ʋpʋt itanowa na, afʋmmi pokoli ushta hosh, okla aiasha yakni yo̱ ʋla tok: manna ʋpʋt itanowʋt Kenan yakni aiʋhli ya̱ ona tok.

Numbas 1:1

Mihma Chihowah yʋt yakni haiaka Sinai ya̱ Echip yakni ya̱ a kohchʋt minti tok afʋmmi atukla, hʋshi atukla kʋt nitak ʋmmona ma, okla moma im ʋlhtipo ya̱ Moses a̱ et ai im anumpulit,

Numbas 14:33

Mikma hʋchim ʋlla ʋhleha hʋt afʋmmi pokoli ushta ho̱ yakni haiaka ya̱ ai itʋnowʋt hʋsh haui puta kʋt ʋt onʋtoyula na hʋchi haknip ʋt yakni haiaka ya̱ ataha chi̱ hoke.

Numbas 14:34

Nitak kaniohmi ho̱ yakni ya̱ hʋsh a hopo̱koyo tuk; yʋmmʋt nitak pokoli ushta tuk a̱ ʋlhpi̱sʋt (nitak achʋfa kʋt afʋmmi achʋfʋt ia hosh) afʋmmi pokoli ushta ho̱ na hʋsh ashʋchi ʋt hʋchi onʋtoyula chi̱ hoke; mikma nana im issa li tok ʋt kobʋffi li ka̱ hʋsh ithaiyana chi̱ hoke.

Numbas 22:12

Mihma Chihowah hʋt Balaam a̱, Awant ish ia he keyu; anumpa kalakshichi ish onocha he keyu; holitopa hoka, im achi tok.

Numbas 32:13

Micha Chihowah im ai i̱ nukkilli ʋt libbi mʋt yakni haiaka itʋnowʋchi na afʋmmi pokoli ushta ma, ai unchololi yʋmma moma Chihowah itikba nan ik achukmo yʋmihchi tuk ʋt taha tok.

ʋBanumpa Luk Ʋt Holissochi Tok 22:35

Mihmʋt, Tʋli holisso i̱ shukcha, micha bahta pinak ai‐ʋlhto, mihmʋt shulush aiena kʋt iksho ho̱ pit hʋchi tihleli li chash, nanasi kia isht ik hʋchim ai ono ke tuk o̱? im achi tok; mihma, Nanasi kia ik pim ai ono ke tuk keyu, okla achi tok.

Chan 10:27

An chukfʋlhpoba ʋto ʋm anumpa ha̱ haklokma, anonti ʋno ʋt ilap ma ithana li ho̱, a si apeha chatuk.

Tutelonomi 1:19

Atuk o̱ Holeb a̱ ashʋt il ia mʋt, yakni haiaka chito, micha palʋmmi, hina takla Amolait okla i̱ nʋnih ha̱ hʋsh a pisa chash pin Chitokaka Chihowah yʋt pim apesa tuk mak o̱ mominchit e hlopulli tok; mihmʋt Katesh‐banea ya̱ ela tok.

Tutelonomi 1:46

Yohmi ho̱ Katesh a̱ hʋsh aiasha na nitak laua kʋt, yʋmma hʋsh aiasha atok mak atok.

Tutelonomi 2:14

Mihma Katesh‐banea ashʋt e minti tok, ʋttʋt bok ushi Selet a̱ e hlopulli tok, ant ʋhli ka̱ iti takla kʋt, afʋmmi pokoli tuchina akucha untuchina tok; pola̱ka hatak tʋnʋp a̱ya ai iti shali moma kʋt Chihowah yʋt anumpa kʋllo im anumpuli tuk mak o̱, okla itin takla ya̱ akohchʋt ont taiyaha tok.

Tutelonomi 2:6

Ilimpa ya̱ tʋli holisso ya̱ isht hʋsh in chumpa hosh hʋsh impa chi̱ hoke; micha oka aiena ka̱ tʋli holisso ya̱ isht hʋsh in chumpa hosh hʋsh ishka chi̱ hoke, achi tok.

Tutelonomi 29:4

Yohmi kia Chihowah yʋt chu̱kʋsh nan isht akostininchi, micha nishkin isht pisa, micha haksobish isht haponaklo ya̱ ik hʋchimo tok, himak nitak ant ʋhlishke.

Tutelonomi 29:5

Mikma afʋmmi pokoli ushta ho̱ yakni haiaka ya̱ hʋchi pehlichit a̱ya li tuk oke; micha nafohka hʋsh foyuka kʋt tahʋt ishtia keyu, mikma shulush chiyi isht ish holo kʋt tahʋt isht ik aiyo tuk oke.

Choshua 5:6

Islael im ʋlla ʋhleha hʋt yakni haiaka itʋnoho̱wa na afʋmmi pokoli ushta tok; yohmi na hatak puta, hatak tʋnʋp a̱ya ʋlhpesa hosh Echip a̱ a kohcha tuk ʋt Chihowa im anumpa ha̱ im antia keyu hatuk osh ai iksho ki tok: yakni pishukchi, foi bila aiena bieka ai yanahanli ho̱ pima hi osh i̱ki ʋhleha ha̱ anumpa kʋllo isht il im onochi tok ʋt yʋmma puta hokʋno yakni yʋmma i̱ haiakʋcha he keyu kʋt anumpa kʋllo il onochi tok okʋt.