Tutelonomi 2:5 - Chahta Holisso Holitopa 1886

⁵ Micha hʋsh in tanampi na, i̱ yakni peh iyi pʋtta ahabli achʋfa chohmi kia, hʋchima la chi̱ keyu hoka; nʋnih Sei ya̱ Esau ʋt aiasha he a̱ ima li hatuk oka.

Tutelonomi 2:5 Iomraidhean Croise

Genesis 36:8

Yʋmohmi ho̱ Esau ʋt Sei nʋnih hak o̱ ahanta tok: Esau ʋt Etom oke.

Genesis 36:9

Micha ilʋppa puta kak osh Etomait ʋhleha ha̱ i̱ki Esau ya̱ in chuka achʋfa yosh Sei nʋnih ha̱ aiasha tok a̱ holisso anoli hoke,

Apostel isht Anumpa 17:26

Micha issish achʋfa ho̱, hatak oklushi moma yakni paknaka a mominchit aiasha hi a̱ ikbi tok; mihmʋt nitak kaniohmi ʋlhpisa ho̱, micha kanima yo̱ aiasha he puta ka, apesa tok.

Apostel isht Anumpa 7:5

Ʋlla yʋt ik im iksho ki̱sha ma, ilap micha isht ai‐unchululi aiena ka, yʋmmʋt immi ha he mak o̱, ima hi okʋt, i̱ miha tok nana kia, a binila hi a̱ peh iyi pʋtha a habli achʋfa kia, ilap a̱ ik emo ki tok.

Tutelonomi 2:22

Holim ʋhleha hash Esau im ʋlla ʋhleha hʋt Sei aiasha tuk itikba ya̱ ai ishit kanchi ma, yʋmmak inli chohmichi tok; mikma okla iakaiya cha, ʋlhtobʋt aiasha tuk ʋt himak nitak a̱ ant ai ʋhli hoke.

Tutelonomi 2:6

Ilimpa ya̱ tʋli holisso ya̱ isht hʋsh in chumpa hosh hʋsh impa chi̱ hoke; micha oka aiena ka̱ tʋli holisso ya̱ isht hʋsh in chumpa hosh hʋsh ishka chi̱ hoke, achi tok.

Tutelonomi 32:8

Chaha Moma i̱ Shahli ʋt oklushi puta ka̱ i̱ yakni ya chi̱ ho̱ ita kʋshkoli tok, Alam ushi ʋhleha ha̱ ita filʋmmichi mʋt, Islael im ʋlla ʋhleha ho̱lhtina ha tuk mak o̱, okla im ai ʋhli ya̱ apesa tok.

Choshua 24:4

Micha Aisaak a̱ Chekob, micha Esau ita tuklo ka ima li tok: micha Esau ya̱ Sei nʋnih hak o̱ immi ha chi̱ ho̱ ima li tok, amba Chekob, micha im ʋlla ʋhleha aiena kʋt Echip ak o̱ ona tok.