Tutelonomi 2:4 - Chahta Holisso Holitopa 1886

⁴ Micha okla ha̱ im apesʋt, Hʋsh itibapishi ʋhleha Esau im ʋlla ʋhleha Sei aiasha ka̱ im aiʋhli ont hʋsh hlopulla chi̱ hoke; mikma hʋchi̱ nukshopa chi̱ hoke; yʋmohmi hoka, ahah, hʋsh il ai ahni fehnashke.

Tutelonomi 2:4 Iomraidhean Croise

Genesis 25:23

Mihma Chihowah yʋt, Oklushi tuklo hosh chim oshʋtto ya̱ a̱lhto hoke; micha okla nana a kaniohmi kʋt tuklo hosh chikfoka ya̱ a kohcha chi̱ hoke: mikma okla achʋfa kʋt kʋllo kʋt okla achʋfa ya̱ i̱ shahla hi oke, mikma akni ak osh nakfish a̱ i̱ nutaka hi oke; im achi tok.

Genesis 36:8

Yʋmohmi ho̱ Esau ʋt Sei nʋnih hak o̱ ahanta tok: Esau ʋt Etom oke.

Eksotʋs 15:15

Yohmi ma Etom holitopa ʋhleha hʋt nukhlakancha hi oke; Moab hatak kʋllo ʋhleha ha̱ wʋnihinchi yosh onʋtola hi oke, Kenan aiasha okla hʋt momʋt bilʋt tʋmoa hi oke.

Eksotʋs 15:16

Nukshopa, micha komota hosh onʋtola hi oke; chi shakba kʋllo kak o̱ lumʋt tʋli chohmi na, chim okla hʋt ont ia hi oke, Chihowah ma, okla ish chumpa tuk ʋt ont ia hoke.

Mahlu 5:16

Hʋchi̱ pʋla hʋt hatak puta itikba ya̱ ik a tommi pulla na inla a̱sha kʋt nana hʋsh akaniohmi hochukma puta ka pisa cha, I̱ki ʋba binili ka holitoblashke.

ʋBanumpa Luk Ʋt Holissochi Tok 12:15

Mihmʋt, Ahah! hʋsh aiahni cha, nan in laua bʋnna ya̱ hʋch ik ahalaiyo kashke: hatak ʋt nana kʋt laua ho̱ il aieshi kak o̱ im ilhfiopak ʋt takali ho̱ keyu hoke, im achi tok.

Efeshan 5:15

Yohmi ka im anukfila iksho chohmi keyut, amba hopoyuksa chohmit ahah! ahnit hʋsh itʋnowashke.

Tutelonomi 2:3

Nʋnih ilʋppa hʋsh apakfoyupa tok a̱ hopaki kʋt ʋlhpesʋshke: falʋmmi pilla ho̱ hʋsh fullotashke.

Tutelonomi 23:7

Etomait a̱ ish shitilema he keyu, chitibapishi hoka; Echip okla ha̱ ish shitilema he keyu, hatak ik ithano yosh i̱ yakni a̱ ish aiasha tok okʋt.

Filippian 2:15

Anumpa nana kia hʋchi onʋtonla keyu, nan okpʋni keyu, na liteha lapanli keyu hosh okla shanaiowa, micha nan ai ashʋchi ai ititakla yo̱ yʋmma i̱ pʋla tohwikeli chohmit yakni paknaka ya̱ hʋsh ai ashʋshke.

Koloshan 4:5

Kocha ai asha ka i̱ hopoyuksʋt itʋnowʋt, nitak ik hʋchi̱ kʋnio hosh nan isht hʋsh il im ahantashke.