Tutelonomi 2:36 - Chahta Holisso Holitopa 1886

³⁶ Aloe yʋmmʋt Anon okhina ont alaka, micha tʋmaha holihta yʋmmʋt okhina bili̱ka a talaia ka̱ ʋttʋt ia hosh Kileat ont ʋhli ka̱, tʋmaha holihta achʋfa kia kʋllo kʋt pi̱ shahli tok keyushke; pin Chitokaka Chihowah yʋt mominchit pibbak a̱ fohki tok.

Tutelonomi 2:36 Iomraidhean Croise

2 Samuel 24:5

Mihmʋt Chatan a̱ hlopullit ia mʋt, tʋmaha holihta okhina Kat iklʋna talaia im ishtimpak imma, Chase pilla Aloe yak o̱ ont binachi tok.

2 Mi̱ko 10:33

Chatan a̱ ʋttʋt hʋshi akohchaka pila ia hosh, Kat okla, micha Luben okla, micha Manasseh okla, yʋmmʋt Kileat yakni moma, Aloe, yʋmmʋt Anon okhina bili̱ka talaia ka ʋttʋt ia hosh, Kileat, micha Bashan aiena ka fahama tok.

Atʋloa 44:3

Yakni ya̱ ilap i̱ bʋshpo fʋlaya yak o̱ isht ʋsittʋbit ishi tok keyu hoka̱, micha ilap shakba yak inli hosh im aiyʋchi tok keyu hoke; amba chibbak ishtimpakimma, chish shakba, micha chi nʋsshuka tohwikeli aiena kak ʋttok oke; ish i̱ kana hʋttok okʋt.

Eksotʋs 23:31

Micha chim aiʋhli ya̱ okhʋta Humma ʋttʋt ia hosh Filistin im okhʋta ont ʋhli, micha chokushmi ʋttʋt ia hosh okhina ont ʋhli kak o̱, ʋhlichit apesa la hi oke; yakni ya̱ okla aiasha ka̱ chibbak fohki la chi̱ hoke; mikma chi tikba tihlelit ish kohcha hi oke.

Numbas 32:34

Mihma Kat im ʋlla ʋhleha hʋt Tibon micha Atalolh, micha Aloe,

Loman 8:31

Yakohmi kʋno nana ilʋppa puta imma hokʋno nanta hak o̱ il acha hinla ho̱? Chihowa hak osh pi̱ kana hokma, kʋta hosh pi̱ sanala hinla ho̱?

Tutelonomi 3:12

Mihma yakni ilʋppa nitak yʋmma, Aloe yʋmmʋt Anon okhina bili̱ka talaia ka̱ ʋttʋt ia hosh Kileat nʋnih iklʋnna ʋhli kʋt in tʋmaha holihta puta aiena il ishi tuk a̱ Lubenait ʋhleha, micha Katait ʋhleha aiena kak o̱ ima li tok.

Tutelonomi 4:48

Aloe yʋmmʋt Anon okhina ontalaka bili̱ka talaia ka̱ ʋttʋt ia hosh Sion nʋnih yʋmmʋt Hemon a̱ ont ʋhli,

Choshua 1:5

Chi okcha̱yʋt ish ahanta nitak moma ka hatak nana kia chi tikba hikia he keyushke: Moses a̱ awant a̱ya li tok ʋt, yʋmmak inli ho̱ chohmit chi awant a̱ya la chi̱ hoke: nana ka ak chim ai a̱hlot chissa la he keyu hoke.

Choshua 12:2

Amolait okla i̱ mi̱ko Heshbon ʋtta Sihon a mi̱ko kʋt Aloe, yʋmmʋt Anon okhina ontalaka talaia ak o̱, micha okhina iklʋna, micha Kileat iklʋna kak o̱ ʋttʋt ia hosh Chabbak okhina, yʋmmʋt Ammon in chipota yakni ai ʋhli yo̱ ont ʋhli tok;

Choshua 13:16

Micha im ai ʋhli kʋt, Aloe, Anon okhina ontalaka talaia, yʋmmʋt tʋmaha holihta yosh okhina iklʋna talaia, micha Meteba bili̱ka yakni patali moma:

Choshua 13:9

Aloe Anon okhina ontalaka talaia, yʋmmʋt tʋmaha holihta yosh okhina iklʋna talaia ka ʋttʋt ia hosh Meteba yakni patali mominchi hosh Tibon a̱ ont ʋhli;

Choshua 21:44

Mihma Chihowa yʋt anumpa kʋllo il onochit i̱ki ʋhleha ha̱ i̱ mihi̱ha tok mak osh afullota fohʋchi tok: mihma in tʋnʋp moma ka hatak achʋfa kia itikba ik hikio tok; Chihowa yʋt in tʋnʋp a̱ mominchit ibbak a̱ fohki tok oka.

Nan Apesa 11:22

Micha Amolait ʋhleha i̱ yakni Anon ʋttʋt ia kʋt Chabbok ont ai ʋhli, micha yakni haiaka ʋttʋt ia kʋt Chatan ont ai ʋhli aiena ka okla ishit abinili tok.