Tutelonomi 2:35 - Chahta Holisso Holitopa 1886

³⁵ Peh nan ʋlhpoa ak illa ho̱, na wehpoa il il aieshi tok; micha tʋmaha holihta il ishi ha tuk a̱ na wehpoa aiena ak a tok.

Tutelonomi 2:35 Iomraidhean Croise

Tutelonomi 2:36

Aloe yʋmmʋt Anon okhina ont alaka, micha tʋmaha holihta yʋmmʋt okhina bili̱ka a talaia ka̱ ʋttʋt ia hosh Kileat ont ʋhli ka̱, tʋmaha holihta achʋfa kia kʋllo kʋt pi̱ shahli tok keyushke; pin Chitokaka Chihowah yʋt mominchit pibbak a̱ fohki tok.

Tutelonomi 20:14

Amba ohoyo micha ʋlla, micha nan ʋlhpoba, micha nana hosh tʋmaha holihta ya̱ aiasha kʋt moma, na wehpoa puta moma fehna ka̱ ish isha hi oke; chin tʋnʋp ʋhleha i̱ na wehpoa yʋmmak oka chin Chitokaka Chihowah yʋt chima tuk oka, ish ai ʋpa hi oke.

Tutelonomi 3:7

Amba nanʋlhpoa moma, micha tʋmaha holihta puta na welhpoa yo̱ il il ai ishi tok.

Choshua 8:2

Yohmi ka̱, Ai, mikmʋt i̱ mi̱ko Cheliko, mikmʋt i̱ mi̱ko aiena ka ish kaniohmichi tuk ʋt, yʋmmak inli ho̱ ish chohmicha chi̱ hoke: amba na wehpoa, micha wak aiena ak illa ak o̱ hʋchimmi ikbit hʋsh ishashke: tʋshka chipota ʋt im aiehcha chi̱ ka tʋmaha holihta im a̱shaka ya̱ ish ashachashke, im achi tok.

Choshua 8:27

Yohmi ho̱ wak puta, micha tʋmaha holihta yʋmma na wehpoa aiena bano ho̱ Chihowa yʋt Choshua ya̱ nan i̱ miha tuk anumpa ha̱ iakaiya hosh Islael okla hʋt ilap immi ikbi tok.