Tutelonomi 2:33 - Chahta Holisso Holitopa 1886

³³ Mihma pin Chitokaka Chihowah yʋt pi tikba ya̱ pibbak a̱ fohki tok; mihma yʋmma micha ushi ʋhleha, micha im okla moma aiena ka̱ issot e kanchi tok.

Tutelonomi 2:33 Iomraidhean Croise

Genesis 14:20

Mikma ʋba chaha moma i̱ shahli Chitokaka, yʋmmak osh chin tʋnʋp ʋhleha ha̱ chibbak fohki tuk ʋt holitopashke, achi tok. Mihma moma ka̱ ishit pokoli aiyukali ho̱ ai ishit Melkisetek ash ima tok.

Atʋloa 136:19

Amolait i̱ mi̱ko Saihon a̱, — im isht i̱ hullo yʋt abillia yoka̱ —

Eksotʋs 23:31

Micha chim aiʋhli ya̱ okhʋta Humma ʋttʋt ia hosh Filistin im okhʋta ont ʋhli, micha chokushmi ʋttʋt ia hosh okhina ont ʋhli kak o̱, ʋhlichit apesa la hi oke; yakni ya̱ okla aiasha ka̱ chibbak fohki la chi̱ hoke; mikma chi tikba tihlelit ish kohcha hi oke.

Numbas 21:24

Mihma Islael ʋt bʋshpo falaia halupa ishit fahamʋt kanchi tok, micha i̱ yakni ya̱ im eshit Anon ʋttʋt ia hosh Chabbok ont aiʋhli, Ammon im ʋlla ʋhleha im ai ʋhli ya̱ isht ona tok. Ammon im ʋlla ʋhleha im ai ʋhli ʋt kʋllo fehna hatuk oka.

Tutelonomi 2:32

Yohmi ma Sihon micha im okla moma aiena kʋt pi̱ sanalit, pitiba chi̱ hosh kohchʋt Chahas ak o̱ ʋla tok.

Tutelonomi 20:16

Amba okla ilʋppa in tʋmaha holihta puta chi̱ yakni ya chi̱ ka̱, chin Chitokaka Chihowah yʋt chima tok ano, nana hosh fiopa kʋt a̱shakma ish okchalincha he keyu hoke.

Tutelonomi 29:6

Pʋska hʋchik po, micha oka pa̱ki, micha nan ishko homi nana kia hʋsh ishko tuk keyushke; yʋmohmi hosh ʋno ak osh hʋchin Chitokaka Chihowah sia ka̱ hʋsh ithaiyana chi̱ hatuk oke

Tutelonomi 7:2

Micha chin Chitokaka Chihowah yʋt chi tikba ya̱ chibbak fohkikma, issot ish kanchi, mosholichit ish kanchit ish ʋmohmichashke, nan ish itim apesa he keyu, micha ish i̱ nukha̱kla he keyu hoke;

Choshua 21:44

Mihma Chihowa yʋt anumpa kʋllo il onochit i̱ki ʋhleha ha̱ i̱ mihi̱ha tok mak osh afullota fohʋchi tok: mihma in tʋnʋp moma ka hatak achʋfa kia itikba ik hikio tok; Chihowa yʋt in tʋnʋp a̱ mominchit ibbak a̱ fohki tok oka.

Nan Apesa 1:4

Mihma Chutah ʋt ia ma, Chihowa hʋt Kenanait ʋhleha, micha Pelissait ʋhleha aiena ka ibbak a̱ fohki tok: yohmi na Besek a̱ hatak tahlepa sipokni pokoli ho̱ ai ʋbi tok.

Nan Apesa 7:2

Mihma Chihowa yʋt Kiteon a̱, Okla chi api̱hʋt a̱ya kʋt laua fehna hatuk o̱, Mitianait ʋhleha ha̱ ibbak fohki la he keyushke; i̱ yohmi li hokma, Islael ʋt ʋm ilauatʋt, Ʋno sʋbbak ak inli hosh sa hlakofichishke, acha hinla hoka.