Tutelonomi 2:25 - Chahta Holisso Holitopa 1886

²⁵ Himak nitak a̱ oklushi puta shutik nutaka aiasha kʋt, chi annowa ka̱ haklo puta ka̱ chi̱ komunta, micha chi̱ nukshopa onochit ishtia likma, chishno pulla kak o̱ wʋni̱hinchi cha, komi̱hincha chi̱ hoke, achi tok.

Tutelonomi 2:25 Iomraidhean Croise

Genesis 35:5

Micha bina ha̱ kanʋllichi cha ilhkoli tok: mihma tʋmaha holihta apakfoyupʋt aiasha ka̱ Chitokaka i̱ nukshopa kʋt onʋtonla hatuk o̱, Chekob ushi ʋhleha ha̱ ik hliolo tok.

Atʋloa 105:38

Kohchʋt ilhkolih ma̱, Echip ʋt na̱ yokpa tok; i̱ nukshopah fehna hatuk okʋt.

Eksotʋs 23:27

An nukshopa ka̱ chi tikba ya̱ pila likmʋt, okla moma ish im ona ka̱ ishit kanchi la chi̱ hoke; micha chin tʋnʋp moma ka̱ chi̱ filʋmmichi la hi oke.

Numbas 22:3

Mihma okla hʋt laua fehna hatuk oka, Moab ʋt i̱ nukshopa fehna tok; mihma Islael im ʋlla ʋhleha pulla kak o̱ Moab ʋt komunta tok.

Tutelonomi 11:25

Hatak nana kia hʋchi tikba ya̱ hikia he keyu ka chi̱ hoke; hʋchin Chitokaka Chihowah yʋt hʋchim achi tuk mak osh, yakni hʋsh ano̱ho̱wa moma ka̱ hʋchi̱ nukshopa, micha hʋchi̱ komunta aiena ka̱ onocha chi̱ hoke.

Tutelonomi 28:10

Mikma okla moma yakni paknaka aiasha kʋt Chihowah hohchifo ak o̱ ishit chi hohchifo ka̱ ithaiyana hi oke; micha chi̱ nukshopa hi oke.

Choshua 10:2

Kibeon ʋt tʋmaha holihta mi̱ko in tʋmaha holihta chohmi, micha chito kʋt Ai ya̱ i̱ shahli, micha yʋmma hatak ai asha kʋt hlampko, micha chilita hatuk o̱, okla nukshopa fehna tok.

Choshua 9:24

Mihma afalamichit Choshua ya̱, Chitokaka chin Chihowa ʋt in tishu Moses a̱ im apesʋt, yakni moma ka hʋch ima cha, okla chi tikba aiasha moma ka ʋbit tahla he miha tok a̱ chin tishu ʋhleha hʋt haha̱klo pulla ak atok: yohmi kak o̱ hʋchishno pulla kak o̱ pim ilhfiopak isht pi nukshopa fehna hatuk osh, ilʋppa e yʋmihchi tuk oke.

Nan Otʋni 3:9

Kanima kʋt mih mak o̱ keyu kʋt, Chu mak o̱ ile mihʋt holabi ʋhleha hʋt Setan i̱ sinakak atuk a̱ atokolit anoli la chi̱ hoke: yakeh! yʋmma puta kash ot chiyi ituma ya̱ ai ʋlʋt ant aiokpʋchi hosh, ʋno ʋt chi̱ hullo li hatuk a̱ akostinincha hi a̱ im anukfilli la chi̱ hoke.