Tutelonomi 2:14 - Chahta Holisso Holitopa 1886

¹⁴ Mihma Katesh‐banea ashʋt e minti tok, ʋttʋt bok ushi Selet a̱ e hlopulli tok, ant ʋhli ka̱ iti takla kʋt, afʋmmi pokoli tuchina akucha untuchina tok; pola̱ka hatak tʋnʋp a̱ya ai iti shali moma kʋt Chihowah yʋt anumpa kʋllo im anumpuli tuk mak o̱, okla itin takla ya̱ akohchʋt ont taiyaha tok.

Tutelonomi 2:14 Iomraidhean Croise

Atʋloa 106:26

Mihma̱ ibbak a̱ wielit, yakni hayaka ya̱ ai akkakohliche tuk osh,

Atʋloa 90:15

Nittak kʋnohmi ho̱ nan ish pi̱ pʋlʋmmichi tuk o̱, afʋmmih kʋnohmi ho̱ nan ik achukmo e pi̱hi̱sa tuk a̱ chomihchit ish pi yokpalashke.

Atʋloa 90:3

Hʋttak a̱ fʋlʋmminchit lukfi pushi yo̱ ish ikba chi̱ kʋt, “Hʋttak im ʋlla ʋhleha hʋt hʋsh fʋlamashke,” ish achishke.

Atʋloa 90:9

Chi nukhubela kak o̱ pi̱ nittak moma kʋt kʋninihya hoka̱: im anukfilah achʋffah chomihchit pim afʋmmih putta ka̱ e tahli hoke.

Atʋloa 95:11

Yohmi hokʋt sʋ nukhubela hosh ʋnnumpah kʋllo il onucchit, “Ʋm afoha ya̱ chukkoa he keyu hoke,” achi li tok oke.

Numbas 1:1

Mihma Chihowah yʋt yakni haiaka Sinai ya̱ Echip yakni ya̱ a kohchʋt minti tok afʋmmi atukla, hʋshi atukla kʋt nitak ʋmmona ma, okla moma im ʋlhtipo ya̱ Moses a̱ et ai im anumpulit,

Numbas 13:26

Micha iʋt Moses micha Alon micha Islael im ʋlla ʋhleha okla moma kʋt Palan yakni haiaka Katesh ak o̱ a̱sha tuk o̱ im ona tok; micha anumpa falama isht im ona cha, yakni yash nana a waya ka̱ okla moma ka̱ i̱ haiakʋchi tok.

Numbas 32:11

Afʋmmi pokoli tuklo ishtiʋt ʋba ma̱ya hosh Echip yakni ya̱ kohchʋt minti tok ʋt, hatak achʋfa kia, anumpa kʋllo anumpulit, Ebleham, Aisaak, micha Chekob a̱ im issa li tok yakni ya̱ pisa chi̱ keyu pulla hoke; aioklu̱hʋt ʋm antia tuk keyu hokʋt,

1 Kolinhlian 10:5

Yohmi kia yʋmma kashampa laua ka Chihowa yʋt isht ik i̱ ahno fehna tok; illit yakni haiaka ya̱ okla a fimimpa tok oka.

Tutelonomi 1:19

Atuk o̱ Holeb a̱ ashʋt il ia mʋt, yakni haiaka chito, micha palʋmmi, hina takla Amolait okla i̱ nʋnih ha̱ hʋsh a pisa chash pin Chitokaka Chihowah yʋt pim apesa tuk mak o̱ mominchit e hlopulli tok; mihmʋt Katesh‐banea ya̱ ela tok.

Tutelonomi 1:2

Holeb a̱ ʋttʋt Sei nʋnih ha̱ ont ia hosh Katesh‐banea ona ka̱ nitak auahchʋfa ka̱ anowa yoke.

Tutelonomi 1:46

Yohmi ho̱ Katesh a̱ hʋsh aiasha na nitak laua kʋt, yʋmma hʋsh aiasha atok mak atok.

Tutelonomi 2:13

Himak a̱ hʋsh wakaya cha, bok ushi Selet a̱ hʋsh hlopullashke, achi li tok; mihma bok ushi Selet a̱ e hlopulli tok.

Tutelonomi 2:16

Yohmi ho̱ yakohmi tok, hatak tʋnʋp a̱ya moma kʋt okla ai iti takla ya̱ kohchʋt ont mosholit illit taiyaha ma,

Tutelonomi 2:7

Hʋchin Chitokaka Chihowah yʋt chibbak na hʋsh toksʋli puta ka̱ na hʋchi yukpali tuk oka: yakni haiaka chito ilʋppa hlopullit hʋsh itʋno̱ho̱wa ka̱ ithana hoke; afʋmmi pokoli ushta ilʋppak ash chin Chitokaka Chihowah yʋt chiba foyuka tuk oke: nana ik chim iksho kit iksho tuk oke, achi tok.

Choshua 24:7

Mihma Chihowa ya̱ okla i̱ pa̱ha̱ya ma, hʋchishno, micha Echip okla aiena hʋchim ititakla ya̱ okhlili takalichi tok, micha okhʋta ha̱ falʋmminchit onochit ompohomo tok: micha Echip a̱ nana akaniohmihinchi li tok a̱ hʋchi nishkin ʋt pi̱sa tok oke: micha yakni haiaka hʋsh ai asha na nitak laua tok.

Choshua 5:4

Yakohmi kak o̱ Choshua ʋt hakshup tʋptuli tok: Hatak puta kʋt nakni, hatak tʋnʋp a̱ya ʋlhpesa hosh Echip a̱ a kohcha tok okʋto, Echip akohcha hayʋt yakni haiaka itʋnoho̱wa kʋt, illit taha tok.

Choshua 5:6

Islael im ʋlla ʋhleha hʋt yakni haiaka itʋnoho̱wa na afʋmmi pokoli ushta tok; yohmi na hatak puta, hatak tʋnʋp a̱ya ʋlhpesa hosh Echip a̱ a kohcha tuk ʋt Chihowa im anumpa ha̱ im antia keyu hatuk osh ai iksho ki tok: yakni pishukchi, foi bila aiena bieka ai yanahanli ho̱ pima hi osh i̱ki ʋhleha ha̱ anumpa kʋllo isht il im onochi tok ʋt yʋmma puta hokʋno yakni yʋmma i̱ haiakʋcha he keyu kʋt anumpa kʋllo il onochi tok okʋt.

Chute 1:5

Yʋmohmi ka Chitokaka yokʋt kanimihchit Echip yakni a̱ a kohchit okla ha̱ hlakofichi ha yʋt na yimma he keyu ʋhleha hokʋno ʋbit taiyahli tok; ilʋppa himonna ma hʋsh ithana hatuk ak inli kia, hʋsh ithaiyana he mak o̱ hʋchim ai ahni lishke.