Tutelonomi 19:8 - Chahta Holisso Holitopa 1886

⁸ Atuk o̱ chin Chitokaka Chihowah yʋt chi̱ki ʋhleha ha̱ anumpa kʋllo il onochit im issa tuk mak osh, chim aiʋhli ya̱ chitoli cha, chi̱ki ʋhleha ha̱ im issa tok yakni moma ka̱ chimakma,

Tutelonomi 19:8 Iomraidhean Croise

Genesis 28:14

Mikma chim ishtatiaka yʋt yakni lukfi pushi ak o̱ choyuhma hi oke; micha fimimpa cha, hʋshi ai okatula, micha hʋshi akochaka, micha falʋmmi, micha oka mahli aiena ka̱ pit ish pataiya chi̱ hoke: mikma chishno, micha chim ishtatiaka pulla kak o̱ chuka achʋfa puta moma yakni paknaka aiasha kʋt ai yukpa hi oke.

1 Mi̱ko 4:21

Mihma Solomon ʋt apehlichika puta moma okhina puta ʋttʋt ia hosh, Filistin okla i̱ yakni ona mʋt, Echip aiʋhli ona ho̱ a mi̱ko tok; nahʋlbina puta isht im ahanla cha, Solomon ʋt okcha̱yʋt ahanta nitak puta moma ka im antihi̱ya tok.

Eksotʋs 23:31

Micha chim aiʋhli ya̱ okhʋta Humma ʋttʋt ia hosh Filistin im okhʋta ont ʋhli, micha chokushmi ʋttʋt ia hosh okhina ont ʋhli kak o̱, ʋhlichit apesa la hi oke; yakni ya̱ okla aiasha ka̱ chibbak fohki la chi̱ hoke; mikma chi tikba tihlelit ish kohcha hi oke.

Eksotʋs 34:24

Oklushi puta ka̱ hʋchi tikba kohchit kanchi lish, chim ai ʋhli a̱ chitolichi la chi̱ hoke, mikma afʋmmi achʋfakma hituchina ha chin Chitokaka Chihowah ya̱ itikba ish hikia chi̱ hosh ish iakma, hatak nana kia chi̱ yakni a̱ bʋnna he keyu hoke,

Tutelonomi 12:20

Chin Chitokaka Chihowah yʋt achit chim issa tuk mak osh, chim aiʋhli ya̱ chitolikma, nipi ya̱ ʋpa lashke, ish achikmʋt, (chi chu̱kʋsh ʋt nipi ʋpa bʋnna ha tuk osh,) nipi nana ho chi chu̱kʋsh ʋt bʋnnakmʋt ish pa hinla hoke.

Tutelonomi 19:7

Yʋmohmi hoka tʋmaha holihta tuchina ho̱ ila filʋmmichit ish atokola chi̱ ka̱ chi̱ miha lishke.