Tutelonomi 19:5 - Chahta Holisso Holitopa 1886

⁵ Yohmi kʋt hatak osh chuka a bili̱ka hatak o̱ ita tuklo cha iti chanla chi̱ hosh iti anu̱kaka ya̱ itonachi mʋt, iti chanlit kinʋffa chi̱ hosh, iskifa ya̱ ibbak ishit fahama na, noshkobo ʋt ʋpi ya̱ shu̱fa cha, chuka a bili̱ka hatak ash onʋtola na, illi; yohmikma tʋmaha holihta ilʋppa puta ai achʋfa ka̱ malelit ona cha, okcha̱ya hi oke.

Tutelonomi 19:5 Iomraidhean Croise

2 Mi̱ko 6:4

Mihmʋt awant ia tok. Atuk o̱ Chatan a̱ okla ona mʋt, iti chanlit kinahlichi tok.

Numbas 35:25

Micha okla moma kʋt hatak ʋbi yash issish hlatapa il aiokha ibbak ash akohchit hlakoffichashke, micha okla moma kʋt tʋmaha holihta ai okcha̱ya malelit ai ona tuk, falʋmminchit fohkashke: mikma yʋmma ahanta na naholitompa isht ʋtta moma i̱shahli bila holitopa ahama tuk ʋt illashke.

Tutelonomi 19:4

Hatak ʋbi ʋt okcha̱ya chi̱ hosh yʋmma pit maleli kʋt yakohma hi oke: Kʋna hosh ik akostinincho hosh, yʋmmak oka cha̱shpo ka̱ i̱ nukkilli chatuk keyu hosh, chuka a bili̱ka hatak o̱ ʋbi;

Tutelonomi 19:6

Issish hlatapa tuk a̱ il aiokha hʋt chu̱kʋsh lʋshpa moma hosh, hina ʋt falaia ha tuk o̱, hatak ʋbi yash hliolit sakki cha, ʋbi yoba na, cha̱shpo i̱ nukkilli ha tuk keyu hokʋt, illa he ʋlhpesa keyu kia,