Tutelonomi 19:2 - Chahta Holisso Holitopa 1886

² Ish ai asha chi̱ ho̱ chin Chitokaka Chihowah yʋt chima ka̱ chi̱ yakni iklʋnna tʋmaha holihta tuchina ho̱ ish ilai atokola hi oke.

Tutelonomi 19:2 Iomraidhean Croise

Eksotʋs 21:13

Micha im aiehchi tuk keyu, amba Chitokaka ak osh ibbak a̱ fohki tukma, malelit ai ona ya̱ chim apesa la hi oke.

Tutelonomi 19:3

Hina ish ilai ikba hi oke: micha chi̱ yakni aiʋhli ish aiasha chi̱ ho̱, chin Chitokaka Chihowah yʋt chima tuk a̱ kʋshkoa tuchina ho̱ ish ita kʋshkola hi oke: yohmikma hatak bi̱ka ʋbi puta kʋt yʋmmak o̱ pit malela hi oke.

Tutelonomi 3:18

Micha nitak yʋmma hʋchim anumpo̱honli li mʋt, hʋchin Chitokaka Chihowah yʋt yakni ilʋppa hʋsh binila chi̱ ka̱, hʋchima tuk oke; tʋnʋp a̱ya hinla moma kʋt, nahalupa hʋchim ʋlhtaha hosh, hʋchitibapishi ʋhleha Islael im ʋlla ʋhleha ha̱ itikba hʋsh hlopulla chi̱ hoke.

Heblu 6:18

Yohmi ka nana kaniohmit ai inli himma keyu tuklo yʋmmak oka Chihowa hokʋt isht a holaba himma keyu hoka, ʋba isht il aiyukpa pim ihi̱sa tok ash il isha chi̱ hosh a hlakofi yo̱ il o̱ chaha̱fa kʋt, nan isht a nuktaiyala chinto il iesha he ak atok.