Tutelonomi 19:19 - Chahta Holisso Holitopa 1886

¹⁹ Yohmikma itibapishi ha̱ nana yʋmihcha he im anukfila tuk a̱ ilap ak o̱ chohmit ish yʋmihcha hi oke: yohmi hosh a hʋch iti takla ya̱ nan ik achukmo ka̱ isht ish kancha hi oke.

Tutelonomi 19:19 Iomraidhean Croise

Tutelonomi 13:5

Mikma hopaii yʋmmʋt, micha holhpokuna holhpokuna yʋmmʋt illashke; hʋchin Chitokaka Chihowah yʋmmak osh Echip yakni ya̱ apehlichit hʋchi kohchi tok; micha yʋmmak osh aboha ayuka ha̱ a hʋchi hlakofichi tok a̱, i̱ filʋmmichit hʋchisht ia chi̱ hosh, hina hʋsh ai itʋnowa chi̱ ho̱ hʋchin Chitokaka Chihowah yʋt hʋchi̱ miha tok a̱ naksika pit hʋchi tobli bʋnna hosh anumpuli ha tuk oka. Yʋmohmi hosh hʋchim ai iti takla ya̱ nan ik achukmo ka̱ isht hʋsh kanchashke.

Tutelonomi 13:6

Chitibapishi chishki ya̱ ushi yokmá, keyukmʋt chiso yokmá, keyukmʋt chisotek okmá, keyukmʋt chi tekchi chi apotoa tuk ak okmá, keyukmʋt chi̱ kana yosh chimi shilombish ak inli chiyuhmi tuk okmá, nana hosh lumʋt chi haksichit, yʋmmak oka hʋchishno, micha hʋchi̱ki ʋhleha aiena kʋt ithana tok keyu kia, Kilia cha, naholbʋt toba inla,

Tutelonomi 17:7

Ʋba chi̱ kʋt witnes puta ibbak ak osh ti̱kba onʋtola hi oke, i̱ himmak a yak o̱ okla moma ibbak ʋt onʋtola hi oke; Yʋmohmi hosh nana ik achukmo hʋch itin takla itoyula hash ishit hʋsh kancha hi oke.

Tutelonomi 19:20

Mikma inla aiasha yʋt haklo cha, nukshopakmʋt, himmakma nan ik achukmo yohmi ka̱ a hʋch iti takla ya̱ ik yʋmihcho kashke.

Tutelonomi 22:21

Yohmikma ohoyo himita yash i̱ki in chuka okhissa ya̱ isht onakma, in tʋmaha holihta yash hatak ʋhleha hʋt tʋli ishit boli na, illashke; i̱ki in chuka ya̱ haui tobʋt ahanta cha, Islael i̱ yakni ya̱ nana makali ya̱ yʋmihchi hokʋt: yʋmohmi hosh nan ik achukmo ka̱ hʋch itin takla ai ishit ish kanchashke.

Tutelonomi 22:24

Yohmikma kohchit tʋmaha holihta, okhissa yʋmma ita tuklo ka̱ ishit hʋsh ona cha, tʋli ishit boli na, illashke; ohoyo hʋt tʋmaha holihta anta hok akosh ik pa̱yo tuk okʋt: mikma hatak ʋt in chuka a bili̱ka hatak tekchi ya̱ hofahyali hokʋt: yʋmohmi hosh nan ik achukmo ka̱ hʋch iti takla ya̱ ai ishit ish kanchashke.

Tutelonomi 24:7

Hatak osh itibapishi ʋhleha Islael im ʋlla ʋhleha aiachʋfa yo̱ hu̱kopʋt na kʋnia ikbi, keyukmʋt kanchi, yohmikmʋt hu̱kopa yʋmmʋt illashke, micha nana ik achukmo ka̱ a hʋch iti takla ya̱ ai ishit ish kanchashke.