Tutelonomi 19:13 - Chahta Holisso Holitopa 1886

¹³ Chi nishkin ʋt ik i̱ nukha̱klo kashke; amba nan okpʋni keyu issish hlatʋbli ya̱ Islael a̱ ai ishit ish kanchashke, yʋmohmi ho̱ aiʋlhpesʋt chi̱ ma̱ha̱yashke.

Tutelonomi 19:13 Iomraidhean Croise

Genesis 9:6

Kʋna hosh hatak im issish a̱ hlatʋblikma, ilap im issish ma hatak osh hlatʋbla hi oke: Chitokaka ya̱ holba ho̱ hatak a̱ ikbi tok oka.

2 Samuel 14:7

Mihma yakeh! chuka ai achʋfa kʋt moma hosh waka̱yʋt chin tishu ohoyo ha̱ i̱ sanali cha, Itibapishi ʋbi tuk a̱ ish pimakma, itibapishi im ilhfiopak ishi tuk a̱ atobbichit e bashke; micha ai isha he ʋlhpesa yash kia e bashke, achishke: yohmi hosh an tobaksi achʋfa hosh itonla tuk a̱ mosholichi cha, a̱ hatak a̱ hohchifo, micha im isht atiaka aiena ka yakni paknaka ya̱ ik apoancho ka chishke, achi tok.

2 Samuel 21:1

Yohmi ma Lewi ʋt ahanta nitak a̱ afʋmmi hosh afʋmmikma, hohchaha̱fo kʋt afʋmmi tuchina tok: mihma Lewi ʋt Chihowa nashuka ya̱ hoyo tok. Mihma Chihowa ʋt afalaminchi mʋt, Sal ak atok, micha in chuka achʋfa issish hlatʋbli tok ak oke, Kibeonait ʋhleha ha̱ ʋbit tahli tok oka, achi tok.

2 Samuel 21:14

Mihmʋt Sal, micha ushi Chonahlan foni ya̱ Benchamin i̱ yakni Selah i̱ki Kish im ahollopi ak o̱ okla hohpi tok: micha mi̱ko ʋt nana im apihi̱sa tuk ak o̱ moma yʋmihchi tok. Micha yʋmohmi kak o̱ Chitokaka ʋt yakni yash isht asilhha ma, ʋlhpesa im ahni tok.

1 Mi̱ko 2:31

Mihma mi̱ko ʋt, Miha tuk mak o̱ ish yʋmihchi cha, ont ish onʋtola cha, ish hohpashke; yʋmohmi hosh issish nan okpʋni keyu Choab ʋt hlatʋbli tok a̱ ʋno, micha a̱ki in chuka achʋfa ya̱ ai ishit ish kanchashke.

Lefitikʋs 24:17

Micha kʋna hosh hatak bi̱ka ʋbikmʋt illi pulla hi oke.

Lefitikʋs 24:21

Micha kʋna hosh nan ʋlhpoa ʋbikmʋt atobbashke, micha kʋna hosh hatak a̱ ʋbikmʋt illa hi oke.

Numbas 35:31

Micha hatak ʋbi ʋt illa he ʋlhpesa ka̱ im ilhfiopak a̱ nan aiʋlli hʋsh isha he keyu hoke: amba illi pulla hi oke.

Tutelonomi 13:8

Ʋlhpesa, chik im ahno kashke, micha chik i̱ haponaklo kashke: micha chi nishkin ʋt ik i̱ nukha̱klo kashke, ish apoacha he keyu, micha ish luhma he keyu hoke.

Tutelonomi 19:12

Yohmikma in tʋmaha holihta im asʋnonchi ʋhleha hʋt pit hoyot, ont ishtʋla cha, issish hlatapa tuk a̱ aiokha ya̱ ibbak fohkashke, yohmi na illashke.

Tutelonomi 19:21

Micha chi nishkin ʋt ik i̱ nukha̱klo kashke: amba im ilhfiopak atukma im ilhfiopak ashke, nishkin atukma nishkin ashke, noti yatukma noti yashke, ibbak atukma ibbak ashke, iyi yatukma iyi yashke. (achi tok)

Tutelonomi 21:9

Yʋmohmi hosh Chihowah itikba ya̱ ai ʋlhpiesa ish yʋmi̱hinchikmʋt, nan okpʋni tuk keyu issish hlatapa ya̱ ishit ish kanchashke.

Tutelonomi 25:12

Yohmikma ibbak a̱ ish tʋblashke; chi nishkin ʋt i̱ nukha̱kla he keyu.

Tutelonomi 7:16

Micha okla moma chin Chitokaka Chihowah yʋt chibbak fohki tuk moma ka̱ mosholichit ish ʋmohmichashke; chi nishkin ʋt i̱ nukha̱kla he keyu, micha i̱ naholbʋt toba puta ka̱ ish im antia he keyu hoke; yʋmmak okʋt ishit chi̱ nukpʋllichi ya hi oka.

Tutelonomi 7:2

Micha chin Chitokaka Chihowah yʋt chi tikba ya̱ chibbak fohkikma, issot ish kanchi, mosholichit ish kanchit ish ʋmohmichashke, nan ish itim apesa he keyu, micha ish i̱ nukha̱kla he keyu hoke;