Tutelonomi 18:6 - Chahta Holisso Holitopa 1886

⁶ Yohmi ka̱ Lefait osh Islael a̱ fullota moma holihta okhissa kanima ai ʋtta tuk osh kohchʋt ʋlakma, micha kanima ho̱ Chihowah yʋt ai atokoli tuk a̱, im anukfila oklu̱hʋt bʋnna hosh ʋlakmʋt,

Tutelonomi 18:6 Iomraidhean Croise

Atʋloa 26:8

Chihowa ma, ish ai a̱ha̱tta chukka ya̱, micha chim ahulittopa a foiyukka ya̱ hulittobli li hoke.

Atʋloa 27:4

Nan achʋffa ho̱ Chihowa ha̱ im asi̱hi̱lhha li kʋt, yʋmmak o̱ ho̱ho̱yo la chi̱ hoke: yʋmmʋt si okcha̱yah ta̱kla kʋt, Chihowa im ʋboha a̱ha̱ttʋt Chihowa ayukli ya̱ pi̱hi̱sa la he, micha i̱ tempel a̱ ai ʋsilhha̱ha̱chi la he ak oke.

Atʋloa 84:10

Nittak achʋffa ho̱ chim ʋboha a̱ha̱tta kʋt achukma kʋt nittak tʋhlepah sipokni kia i̱ shahli hoke; a̱ Chitokaka im ʋboha okhisa hikkia li kak osh nan ik achukmo aiasha a̱ha̱tta ka̱ ʋm i̱ shahli hoke.

Atʋloa 84:5

Hʋttak kʋna hosh chishno ak o̱ chi a hlampko hosh, imi chu̱kʋsh ʋt Saion ata̱ya ʋlhtahah achukma kʋt anukfoiyukka hokmʋt, na̱ yokpa hoke.

Numbas 35:5

Mikma tʋmaha holihta yʋmma ʋttʋt kocha ia kʋt hʋshi akochaka in tʋnnʋp, kubit tahlepa sipokni tuklo, micha oka mahli in tʋnnʋp ʋt kubit tahlepa sipokni tuklo, micha hʋshi ai okatula in tʋnnʋp ʋt kubit tahlepa sipokni tuklo, micha falʋmmi in tʋnnʋp ʋt kubit tahlepa sipokni tuklo ho̱ hʋsh apesashke: mikma tʋmaha holihta yʋt ai iklʋnna hikiashke: ilʋppak osh in tʋmaha holihta ya̱ im a bili̱ka a puta yashke.

Tutelonomi 12:11

Yʋmohmikma hʋchin Chitokaka Chihowah yʋt yʋmmak o̱ i̱ hohchifo aiahanta chi̱ ka̱ atokola chi̱ hoke; yʋmmak o̱ nana moma chim ahanchi li tuk mak o̱, na hukmit ishit hʋsh aiokpʋchi, micha nan ʋbit isht hʋsh aiokpʋchi, ishit hʋchi̱ pokoli, micha i̱ walit isht aiokpʋchi hʋchibbak foyuka aiena, micha achukma i̱ shahli moma, anumpa il onochit Chihowah ya̱ hʋsh im ilonochi tuk a puta aiena ka̱ isht hʋsh la hi oke,

Tutelonomi 12:14

Amba chim apehlichi puta ka̱ achʋfa ho̱ kanima ho̱ Chihowah yʋt atokolikma, yʋmmak o̱ na hukmit isht ish aiokpʋchi a̱ ish ai im issa chi̱ hoke, micha yʋmmak o̱ chi̱ miha li tuk moma ka̱ ish ai yʋmihcha chi̱ hoke.

Tutelonomi 12:5

Amba hʋchin Chitokaka Chihowah ak osh kanima ho̱ hʋchim apehlichi puta moma ka̱ ai atokolit, hohchifo ha̱ a bohlikma, ai ahanta ak o̱ hʋsh hoya chi̱ hoke; micha yʋmmak o̱ ish ona chi̱ hoke,

Tutelonomi 16:2

Chihowah yʋt kanima ho̱ ai atokolit hohchifo a bohlikma, yʋmmak o̱ chi̱ nan ʋlhpoa chipunta, micha chi̱ nan ʋlhpoa hochito aiena ka̱ ai ishit ʋbanʋblit ontia ya̱ ʋbit chin Chitokaka Chihowah ya̱ isht ish ai okpʋchashke.

Tutelonomi 18:7

Yohmikmʋt itibapishi ʋhleha Lefait ʋhleha hʋt Chihowah itikba ya̱ hieli kʋt yʋmihchi ka̱ chohmit in Chitokaka Chihowah hohchifo pulla ho̱ nan isht ahanta hi oke.

1 Timohli 3:1

Anumpa ilʋppʋt ai a̱hlishke, yohmi kʋt hatak kʋna hosh bishop nan ai isht ʋtta ishi bʋnnakmʋt, nan ai isht ʋtta achukma ho̱ ishi bʋnna hoke.

1 Pita 5:2

Chihowa in chukfʋlhpoba hʋch itin takla ai asha ka hʋsh ipihinta kʋt, yohmi la he atuk okʋt ik kaniohmi kia ahni keyu, amba yohmi likbano ahnit, ai ʋlhpiesa keyu isht a hofahya he nan isht ahayuchi bʋnna keyu, amba hʋchim anukfila hʋt ʋlhtaha achukma hosh apesʋchit hʋsh pehlichashke.