Tutelonomi 18:22 - Chahta Holisso Holitopa 1886

²² Hopaii ʋt Chihowah hohchifo pulla ka̱ anumpuli tukma, nana kʋt ik yʋmohmo, micha ik aia̱hlokmʋt, yʋmmak osh nana Chihowah yʋt anumpuli tuk keyu; amba hopaii ʋt ile yimmit anumpuli tuk a hi oke; yʋmma hʋsh i̱ nukshopa he keyu hoke, (achi tok)

Tutelonomi 18:22 Iomraidhean Croise

1 Mi̱ko 22:28

Mihma Mikaiah ʋt, Achukma̱kʋt falamʋt ish la yoba hokma, Chihowa ʋt sa tohno tuk keyu ho̱, anumpuli li tuk a chi̱ hoke, achi tok. Mihma, Okla hʋchia ma! momʋt achukmalit hʋsh haklashke, achi tok.

2 Mi̱ko 20:1

Nitak yʋmma Hesekiah ʋt abekʋt illa̱ hosi tok. Mihma Amos ushi hopaii Isaiah ʋt im ona cha, Chihowa yʋt yak achishke, Chin chuka achʋfa ya̱ achukmalit ish im apesashke; chilla chi̱, micha chi okcha̱ya chi̱ keyu hokʋt, im achi tok.

Tutelonomi 18:20

Amba hopaii ʋt sa hohchifo pulla ho̱, yʋmma anumpula chi̱ im apesa li tuk keyu ho̱, Anumpule lih mihakmʋt, keyukmʋt, naholbʋt toba hohchifo pulla ho̱ anumpulikmʋt, hopaii yʋmma fehna kʋt illa hi oke.

Tutelonomi 18:21

Yohmi ka̱ chi chu̱kʋsh anu̱kaka, Katiohmi kak osh anumpa Chihowah yʋt anumpuli tuk keyu ka̱ il akostinincha chi cho? ish achikma,

1 Samuel 3:19

Mihma Samuel ʋt hofantit ia tok; mihma Chihowa ʋt ibafoyuka cha, im anumpa hʋt achʋfa kia aka ik itulá, im ahni tok keyu hoke.