Tutelonomi 18:18 - Chahta Holisso Holitopa 1886

¹⁸ Itibapishi ʋhleha im itin takla ya̱, Hopaii chishno chohmi ho̱ i̱ hilechi la hi oke, micha ʋm anumpa ha̱ itih ha̱ fohkalikma, im apesa li tuk mak o̱, moma ho̱ im anumpula hi oke;

Tutelonomi 18:18 Iomraidhean Croise

Atʋloa 110:4

Chihowa hʋt ʋnnumpah kʋllo il onucchi tuk ʋt inlʋchit im anukfila he keyu kʋt, “Melkisetek a̱ iakkaya hosh na̱ huletumpa isht ʋtta billia chia hoke,” achishke.

Atʋloa 2:6

“Yohmih kia ʋno ʋto a̱ mi̱ko ya̱ a̱ nʋnih hulittopa Saion a̱ o̱ binnila hi a̱ ʋtokule li tuk oke,” achishke.

Eksotʋs 4:12

Yʋmohmi hoka inta, iah, mikma chitih ha̱ iba foyuka lish, nana ish acha chi̱ ka̱ chim abʋche lashke, im achi tok.

Eksotʋs 4:15

Mikma ish im anumpuli cha, itih ha̱ anumpa ish fohka chi̱ hoke: mikma Ʋno ʋt chitih ha̱, micha yʋmma itih ha̱ iba foyuka la chi̱ hoke; micha nana ish a kaniohma chi̱ ka̱ hʋchim abʋchi la hi oke.

Numbas 12:13

Mihma Moses ʋt Chihowah ya̱ i̱ pa̱yʋt, Chitokaka ma, himak a̱ ish hlakoffichashke, chim asilhha lishke, achi tok.

Numbas 23:16

Mihma Chihowah yʋt Balaam a̱ afama cha itih ha̱ anumpa fohkit, Anonti Balak a̱ ish im ona cha yak ish im achashke, im achi tok.

Numbas 23:5

Mihma Chihowah yʋt Balaam itih ha̱ anumpa fohki mʋt, Falamʋt Balak a̱ im ona cha yakohmi hosh ish im anumpulashke, im achi tok.

ʋBanumpa Luk Ʋt Holissochi Tok 24:19

Mihma yʋmmak ash ot, Nana nanta ho̱? achi ma, Chisʋs Nasalet hatak nan im a kaniohmi tuk a̱, yʋmmak okʋt hopaii yosh Chihowa, mikmʋt okla puta aiena itikba ya̱ nana a kaniohmi, micha anumpuli aiena kʋt a chinto fehna tuk;

Chan 1:21

Mihma okla i̱ ponaklot, Mih kʋto kʋta hak o̱? Elias ak o̱ chia ho̱? achi tok: mihma, Mih sia keyu, achi tok. Hopaii mih mak o̱ chia ho̱? achi ma; afalaminchi mʋt, Keyú, achi tok.

Chan 1:25

Atuk osh yʋmmak ash o̱ okla i̱ ponaklot, Chishno ak osh Klaist mih mak o̱ chia keyu; Elias a̱ chia keyu; anonti hopaii mih mak o̱ chia keyu hokak osh, nanta katiohmi ho̱ ish baptismochi cho? im achi tok.

Chan 1:45

Filip ʋt Nahlanael a̱ pisa mʋt, Chisʋs Nasalet ʋtta, Chosef ushi, yʋmmak o̱ nan ʋlhpisa ya̱ Moses ʋt, micha hopaii puta kʋt isht a holissohonchi tok mak o̱, e pisʋshke, im achi tok.

Chan 12:48

Kʋna hosh ʋno a̱ sa shitilema cha, ʋm anumpa ha̱ ik ahnincho hokʋno, achʋfa hosh nan im apesʋt ilbʋshali kʋto a̱sha hoke; anumpa anumpohonli li tuk ash fehna akinli kak osh nitak ai ishtaiyopikma nana im apesʋt ilbʋshala he mak oke.

Chan 15:15

Himak pilla kʋno ilhtohno hʋchi achi la he keyu; ilhtohno yokʋto, i̱ shahli hʋt nana ho̱ isht ahanta ka, akostininchi keyu chatuk; amba nana ho̱ A̱ki a̱ im a ha̱klo li tuk ʋt oklu̱yuha hʋchim anoli li hatuk okʋt, a̱ kana ʋhleha hʋchi achi lishke.

Chan 17:18

Chishno ʋt yakni paknaka ya̱ auet is sa kanchi tok mak o̱, chohmichit ʋno mʋt ilʋppak ma yakni paknaka ya̱ a tihlehinli lishke.

Chan 17:8

Anumpa is sʋma chash yʋmmak o̱ ima li ho̱kʋno; mihma yʋmma okla aiokpʋchi mʋt, ʋno ʋt chishno ak o̱ a chi a minti li hatuk a̱, okla akostininchi, micha chishno ak osh auet is sa kanchi tok aiena ka okla yimmi hatuk oke.

Chan 4:25

Ohoyo hash ot, Messias, Klaist hohchifo kʋt, ʋla hi a̱ ithana lishke, yʋmmʋt ʋla hok mak osh, nana moma ka pim anola hi oke, im achi tok.

Chan 8:28

Mihma Chisʋs ash ot, Hatak Ushi a̱ ʋba hʋsh takalichi hok mak osh, ʋno ʋt mih mak sia hatuk; micha ʋno akinli ʋm anukfila hosh nanasi ka ai yʋmohmi li keyu; amba A̱ki ak osh nan sʋthʋnanchi tuk mak o̱ ilʋppa puta ka anumpuli li hatuk a̱ hʋsh akostinincha hi oke.

Apostel isht Anumpa 3:22

Moses okʋt hatak pin tikba ʋhleha ha̱, Chin Chitokaka Chihowa yʋt hʋsh itibapishi hatuk a̱ hopaii, ʋno chohmi ka ikbit hʋchi̱ hilecha he: yʋmmak o̱ nan oklu̱ha nana ho̱ hʋchim ahanchikma, hʋsh haiyakla hi oke.

Apostel isht Anumpa 7:37

Moses ilʋppak osh Islael ushi ʋhleha ha̱, Chihowa hʋchin Chitokaka yʋt hʋsh itibapishi hatuk a̱, hopaii ʋno chohmi ho̱, ikbit hʋchi̱ hilecha he; yʋmmak o̱ hʋsh i̱ haponakla hi oke; im ahanchi tok oke.

Tutelonomi 18:15

Chin Chitokaka Chihowah yʋt a hʋch itin takla hʋsh itibapishi ʋhleha ai achʋfa yosh ʋno chohmi ho̱, Hopaii chi̱ hilecha chi̱ hoke; yʋmmak o̱ ish i̱ haponakla hi oke.

Tutelonomi 33:5

Micha okla i̱ noshkoboka ʋhleha, micha Islael im apehlichi puta kʋt iti hoyot itʋnaha ma, Cheshulʋn a̱ mi̱kot ahanta tok.

Tutelonomi 34:10

Yohmi ka̱ ola i̱ himmak minti ka̱ Moses a̱ chiyuhmi, yʋmmak oka Chihowah yʋt nashuka iti̱ sanalit ithana tok a̱ chiyuhmi kʋt hopaii ʋt wakayʋt ik hikiyo chatuk oke.

Tutelonomi 5:5

(Luak pulla kak o̱ hʋchi nukshopa cha, nʋnih ha̱ hʋsh oiya he keyu ma, ʋno ak osh nitak yʋmma Chihowah micha, hʋchishno ya̱ hʋch itin takla hikiʋt Chihowah im anumpa ha̱ hʋchim ano̱honli li tok oke,)

1 Timohli 2:5

Yohmi ka Chihowa hʋt achʋfa, micha hatak, Chihowa ita tuklo it i̱ nanaiyʋchi yʋt achʋfa, hatak Klaist Chisʋs ak oke.

Heblu 7:22

Yakohmi hosh Chisʋs okʋt nan it im ʋlhpisa achukma i̱ shahli yoka ai a̱hlichi toba tok oke.