Tutelonomi 18:15 - Chahta Holisso Holitopa 1886

¹⁵ Chin Chitokaka Chihowah yʋt a hʋch itin takla hʋsh itibapishi ʋhleha ai achʋfa yosh ʋno chohmi ho̱, Hopaii chi̱ hilecha chi̱ hoke; yʋmmak o̱ ish i̱ haponakla hi oke.

Tutelonomi 18:15 Iomraidhean Croise

Numbas 12:6

Mihma Himak a̱ ʋm anumpa ha̱ hʋsh haklashke; hʋch itin takla ya̱ hopaii ʋt ahantakma, Chihowah sia hʋt nan otʋni yo̱ im ile haiakʋchi lashke, micha holhpokna ho̱ itim anumpule lashke.

Numbas 12:8

Yʋmmak okʋno itih bi̱ka itim anumpohonli chohmit itim anumpule la chi̱ hoke: micha anumpa luma ha chi̱ keyu hoke; mikma Chihowah holba pisa chi̱ hoke; yohmi ka̱ nantihmi ho̱ an tishu Moses a̱ na mihachit anumpuli ka̱ ik hʋchi nukwio tuk oh cho? im achi tok.

Mahlu 17:5

Yʋmmʋt anumpohonli moma ho̱, hoshonti tohbi kʋt ant o̱ hoshontikachi tok; mihma anumpa hoshontika auet a kocha kʋt, Ilʋppak osh Sʋso a̱ holitopa yo̱, nan‐isht a sai yukpa fehna hoke; hʋsh i̱ haponaklashke, achi tok.

Mahlu 21:11

Mihma okla laua yash osh, Ilʋppak osh Kalili yakni Nasalet a̱ i̱ hopaii Chisʋs mak oke, achi tok.

ʋBanumpa Luk Ʋt Holissochi Tok 10:16

Mikma kʋna hosh hʋchi̱ haponaklokmʋt, ʋno a̱ a̱ haponaklo hoke: mikma kʋna hosh hʋchishno a̱ hʋchi shitile makmʋt, ʋno a̱ sa shitilema hoke: mikmʋt ʋno a̱ sa shitile makmʋt, auet sa kanchi tok a̱ shitilema hoke.

ʋBanumpa Luk Ʋt Holissochi Tok 2:25

Yʋmohmi ma yakeh! hatak Simeon hohchifo hosh Chelusalem a̱ anta tok: yohmi kʋt yʋmmak okʋt hatak ʋlhpiesa, Chihowa ma holitobli aia̱hli hosh Islael okla na‐yukpali a̱ pit hoho̱yo hosh anta tok: yohmi ma yʋmmak oka Shilombish Holitopa yʋt anukfoyuka tok.

ʋBanumpa Luk Ʋt Holissochi Tok 24:19

Mihma yʋmmak ash ot, Nana nanta ho̱? achi ma, Chisʋs Nasalet hatak nan im a kaniohmi tuk a̱, yʋmmak okʋt hopaii yosh Chihowa, mikmʋt okla puta aiena itikba ya̱ nana a kaniohmi, micha anumpuli aiena kʋt a chinto fehna tuk;

ʋBanumpa Luk Ʋt Holissochi Tok 7:16

Mihma okla moma ka nanukshopa kʋt ai anukfoyuka tok: mihmʋt Chihowa ya̱ holitoblichit aiokpahanchit, Hopaii chinto kʋt pitintakla ya̱ a tobʋt hikiʋshke; micha Chihowa yʋt im okla ha̱ i̱ nowʋt a̱yʋshke, okla achi tok.

ʋBanumpa Luk Ʋt Holissochi Tok 9:35

Yohmi ma hoshonti anu̱kaka ya̱ auet ai anumpa kʋt, Ilʋppak osh Sʋso a̱ holitopa mak oke, hʋsh i̱ haponaklashe, achi tok.

Chan 1:21

Mihma okla i̱ ponaklot, Mih kʋto kʋta hak o̱? Elias ak o̱ chia ho̱? achi tok: mihma, Mih sia keyu, achi tok. Hopaii mih mak o̱ chia ho̱? achi ma; afalaminchi mʋt, Keyú, achi tok.

Chan 1:25

Atuk osh yʋmmak ash o̱ okla i̱ ponaklot, Chishno ak osh Klaist mih mak o̱ chia keyu; Elias a̱ chia keyu; anonti hopaii mih mak o̱ chia keyu hokak osh, nanta katiohmi ho̱ ish baptismochi cho? im achi tok.

Chan 1:45

Filip ʋt Nahlanael a̱ pisa mʋt, Chisʋs Nasalet ʋtta, Chosef ushi, yʋmmak o̱ nan ʋlhpisa ya̱ Moses ʋt, micha hopaii puta kʋt isht a holissohonchi tok mak o̱, e pisʋshke, im achi tok.

Chan 4:19

Ohoyo hash ot, A̱ shahli ma! hopaii chia hatuk o̱ chi akostininchi lishke.

Chan 6:29

Chisʋs ʋt afalaminchi mʋt, Auet sa kanchi tok yʋmmak o̱ hʋch i yimmi ilʋppak osh Chihowa i̱ na toksʋli mak oke, im achi tok.

Chan 9:17

Hatak lʋpa yatuk ash o̱ anonti, Chishno ʋto chi nishkin a̱ chi̱ fatummi tuk a̱, yʋmmak oka nanta isht ish achi cho? okla im achi ma, Yʋmmak ash ot hopaii yoke, achi tok.

Apostel isht Anumpa 7:37

Moses ilʋppak osh Islael ushi ʋhleha ha̱, Chihowa hʋchin Chitokaka yʋt hʋsh itibapishi hatuk a̱, hopaii ʋno chohmi ho̱, ikbit hʋchi̱ hilecha he; yʋmmak o̱ hʋsh i̱ haponakla hi oke; im ahanchi tok oke.

Tutelonomi 34:10

Yohmi ka̱ ola i̱ himmak minti ka̱ Moses a̱ chiyuhmi, yʋmmak oka Chihowah yʋt nashuka iti̱ sanalit ithana tok a̱ chiyuhmi kʋt hopaii ʋt wakayʋt ik hikiyo chatuk oke.

Tutelonomi 5:5

(Luak pulla kak o̱ hʋchi nukshopa cha, nʋnih ha̱ hʋsh oiya he keyu ma, ʋno ak osh nitak yʋmma Chihowah micha, hʋchishno ya̱ hʋch itin takla hikiʋt Chihowah im anumpa ha̱ hʋchim ano̱honli li tok oke,)

1 Timohli 2:5

Yohmi ka Chihowa hʋt achʋfa, micha hatak, Chihowa ita tuklo it i̱ nanaiyʋchi yʋt achʋfa, hatak Klaist Chisʋs ak oke.

1 Chan 3:23

Yohmi kʋt yʋmmak a hi o̱, anumpa ʋlhpisa ha̱ pima tok oka, Ushi Chisʋs Klaist hohchifo ha̱ pi yimmi cha, it i̱ hulla he aiena ilʋppak osh im anumpa ʋlhpisa mak oke.