Tutelonomi 18:13 - Chahta Holisso Holitopa 1886

¹³ Chin Chitokaka Chihowah ya̱ ish im a̱hlashke.

Tutelonomi 18:13 Iomraidhean Croise

Genesis 17:1

Atuk o̱ Eblam ʋt afʋmmi pokoli chakkali akucha chakkali ma, Chihowah yʋt Eblam a̱ i̱ haiaka cha, Chitokaka Nan isht im aia̱hli ataha iksho sia hoke: sa tikba ya ish anoho̱wa cha, ish aia̱hlashke.

Genesis 6:9

Ilʋppak osh Noah ya̱ anoli holisso hoke: Noah hʋt hatak aiʋlhpiesa, micha ai itishali yʋmma aia̱hli hosh ahanta tok; micha Noah hʋt Chitokaka ya̱ iba no̱ho̱wa tok.

1 Mi̱ko 8:61

Yʋmohmi hoka hʋchi chu̱kʋsh ʋt pin Chitokaka Chihowa ya̱ im aia̱hlit, himak nitak a̱ hʋsh yʋmohmi kʋt chohmit i̱ nanʋlhpisa puta ka ai itʋnowʋt, im anumpa ʋlhpisa puta ka hʋsh ieshashke.

Atʋloa 37:37

Hʋttak ai a̱hli ya̱ ʋcchukmalit anukfillíh, micha ai ʋpissali ya̱ ish pisashke; itti̱ nanaiya hʋttak ʋt tikba nan achukma kʋt awet im a̱sha hoka̱.

Mahlu 5:48

Yohmi hoka aia̱hli hʋchi achukma kʋt, hʋch I̱ki ʋba binili kʋt aia̱hli achukma kak inli ho̱ hʋsh chiyuhmashke, hʋchim achi lishke.

Filippian 3:12

Himak okʋno ona li ma̱shko ahni li keyu, micha himak ak kia ai a̱hlit sa taha ahni li keyu; amba achunanchit iakaiya li, yʋmohmi hosh yʋmmak a he ak o̱ Klaist Chisʋs ʋt si atokoli tok yʋmmak ash ieshi la he ak atuk oke.

Filippian 3:15

Yohmi ka ai a̱hli aiyuka pia hokʋto, yakohmit pim anukfilashke; yohmi ka nana ka kaniohmit hʋchim anukfila kʋt inla tuk okma, Chihowa yʋt ilʋppak oh kia hʋchim otʋnincha chi̱ koke.

Choshua 24:14

Yʋmohmi hoka Chihowa ya̱ hʋsh holitobli cha, chu̱kʋsh a̱hli, micha apissali bieka hosh hʋsh im antiashke; micha na holbʋt toba puta hʋch i̱ki ʋhleha hʋt okhina mish tʋnnʋp, micha Echip a̱ aiokpʋchi tok a̱ hʋsh kanchashke; micha Chihowa yak o̱ hʋsh im antiashke.

Nan Otʋni 3:2

Nana kʋt ai ʋlhpiesa a̱hli ho̱ Chihowa itikba ya̱ ish a yʋmohmi na pisa li keyu hoka, ahah! ish il ai ahni cha, nana kʋt illi mak o̱ maha̱ya kia a̱sha moma hatuk okʋno ish hlampkohonchashke.