Tutelonomi 18:12 - Chahta Holisso Holitopa 1886

¹² Nana ilʋppa puta yʋmi̱hinchi moma ka̱ Chihowah yʋt nan ishit yuwala yoke: micha nan ishit yuwala ilʋppa pulla kak o̱, Chihowah yʋt chi tikba ya̱ akocha wehli tuk oka.

Tutelonomi 18:12 Iomraidhean Croise

2 Mi̱ko 23:24

Micha nana a hulhkunna puta, micha isht ahullo puta, micha chuka achʋfa i̱ naholbʋt toba puta, micha naholbʋt toba puta, micha nan ashʋchi ishit yuwala Chutah yakni, micha Chelusalem a̱ a haiaka tuk a̱ nan ʋlhpisa anumpa hʋt holisso a takali hosh Chihowa in chuka ya̱ itoyula na naholitompa isht ʋtta Hilkiah ʋt ahayuchi tuk mak o̱ aia̱hlicha chi̱ hosh Chosiah ʋt ishit kanchi tok.

Lefitikʋs 18:24

Nana ilʋppa puta nana kia isht hʋchik ile litehla kashke; ilʋppa puta kak o̱ oklushi puta hʋchi tikba akocha wehli li tuk ʋt isht ile litehli tuk oka.

Lefitikʋs 18:25

Mikma yakni ʋt liteha hoke; yʋmohmi kak o̱ nan ashʋchi tuk ak o̱ im a̱ya hi oke; mihma yakni oh kia okla ha̱ hoetʋt kohchi hoke.

Lefitikʋs 18:27

Nan isht yuwala ilʋppa moma kak o̱ yakni ya̱ hatak ʋhleha hʋchi tikba aiasha tuk ʋt yʋmihchi ho̱ yakni ʋt liteha tuk oke.

Tutelonomi 14:27

Micha Lefait ʋt chi̱ holihta okhissa anu̱kaka aiasha ha̱ ish kancha he keyu; yʋmmʋt chin ta̱kla i̱ kashapa yʋt ai isha he ai ʋlhpiesa yʋt ik im iksho hoke.

Tutelonomi 22:5

Ohoyo hʋt hatak immi ha̱ fohka he keyu, mikma hatak ak kia ohoyo i̱ nafohka ya̱ fohka he keyu hoke: yʋmma yʋmohmi moma kʋt chin Chitokaka Chihowah nan isht yuwala yoka.

Tutelonomi 9:4

Chin Chitokaka Chihowah yʋt chi tikba ya̱ ishit kanchi ha ya̱, chi chu̱kʋsh anu̱kaka ya̱ anumpulit, Ai ʋlhpiesa li pulla kak o̱ yakni ilʋppa a binili la chi̱ ho̱, Chihowah yʋt sʋsht ʋla tuk oke; chik acho kashke; amba oklushi ilʋppa puta haksi kak o̱, Chihowah yʋt chi tikba a tihlelit kocha weli hoke.

Tutelonomi 9:5

Ish ai ʋlhpiesa, micha chi chu̱kʋsh ʋt ai ʋlhpiesa kak osh i̱ yakni ya ishit a binilit ish ia keyu; amba oklushi ilʋppa puta haksi kak o̱, micha anumpa kʋllo ya̱ chi̱ki ʋhleha Eblaham, Aisak, micha Chekob aiena im il onoch i tok anumpa ha̱ aia̱hlicha chi̱ hosh chin Chitokaka Chihowah yʋt chi tikba a tihlelit kocha weli hoke.