Tutelonomi 18:11 - Chahta Holisso Holitopa 1886

¹¹ Keyukmʋt shimohʋchi, keyukmʋt, nana aholhkunna i̱ ponaklo, keyukmʋt, nakni nan ishtahullo, keyukmʋt, hatak illi itim anumpulit nan anoli nana kia ik ai iksho ka hi oke.

Tutelonomi 18:11 Iomraidhean Croise

Eksotʋs 22:18

Ishtahullo ohoyo hʋt ik okcha̱yá, ish ahna he keyu hoke.

Lefitikʋs 19:26

Nana hoh kia issish aieninchit hʋshpa he keyu hoke; micha nan isht yushpakʋmmi ya̱ hʋsh yʋmihcha he keyu, micha nitak hʋsh apestikela he keyu hoke.

Lefitikʋs 19:31

Shilombish okpulo ai itim achʋfa ya̱ hʋchik ahnincho kashke; micha isht ahullo, yʋmma isht hʋchi liteha chi̱ ka̱ hʋchik im asilhho kashke: hʋchin Chitokaka Chihowah sia hoke.

Lefitikʋs 20:27

Micha hatak osh, keyukmʋt ohoyo hosh shilombish okpulo ai itibai achʋfa, keyukmʋt isht a hullo ʋt illi pulla hi oke; tʋli yo̱ ishit bola hi oke; im issish ʋt ilap ak o̱ onʋtonla hi oke, ish im achashke, achi tok.

Lefitikʋs 20:6

Micha shilombish kʋna hosh fullotʋt shilombish okpulo itim aiachʋfa micha isht a hullo ya̱ iakaiyʋt hauit iakaiyakma, shilombish yʋmma sa nashuka isht i̱ sanali lish, im okla im ai itin takla ya̱ kohchit fiopa tʋbli la hi oke.

Apostel isht Anumpa 16:16

Yakohmi tok, ʋba pit ai anumpuli ia hosh il a̱ya ma, ohoyo himita achʋfa kʋt isht ahullo shilombish anukfo̱ka hosh pi afama tok; yʋmmak okʋt nan anoli ilahobit ʋlhtoba chinto i̱ shahli ʋhleha isht im ahayuchi a tok.

1 Samuel 28:8

Mihma Sal ʋt inla ilahobit nafohka inla fohka mʋt, hatak tuklo ho̱ pehlichi cha ia mʋt, ninak o̱ ohoyo yash ai ʋtta ka ona tok: micha, Ishtahullot, kʋna ho̱ chi̱ hochifo likma, is san tanichashke, chim asilhha lishke, achi tok.