Tutelonomi 18:10 - Chahta Holisso Holitopa 1886

¹⁰ A hʋchi takla ka̱, ushi, keyukmʋt, ushetik a̱ luak hlopullichi keyukmʋt, nan ithana ilahobi keyukmʋt, nitak nan isht ithana ilahobi, keyukmʋt, atʋlwʋchi, keyukmʋt ohoyo isht ahullo,

Tutelonomi 18:10 Iomraidhean Croise

Genesis 44:5

A̱ shahli hʋt ai ishko chatuk, micha nan isht ithʋna chatuk mʋhli ilʋppak keyu cho? ilʋppa hʋsh yʋmihchi kʋt ik achukmo ho̱ hʋsh yʋmihchishke, ish im achashke, im achi tok.

2 Mi̱ko 16:3

Amba Islael i̱ mi̱ko ʋhleha ata̱ya yak o̱ a noho̱wa tok; micha ushi ya̱ luak a̱ hlopullichi aienʋt, Chihowa yʋt Islael im ʋlla ʋhleha itikba a tihlelit kocha wehli tok oklushi puta kʋt nana yuwalʋchi yʋmohmi tok ak o̱ yohmi tok.

2 Mi̱ko 17:15

Micha i̱ nan ʋlhpisa puta, micha nan itim apesa i̱ki ʋhleha ha̱ nan itim apesa tok, micha nan isht atokowa isht atokoli aiena ka shitilemʋt kanchi tok; micha nan ik ahobo ya̱ okla iakaiyʋt ik ahobot taha mʋt, oklushi puta apakfoyupʋt a̱sha ka, yʋmmak oka Chihowa yʋt atokolit hobacha he keyu ka i̱ miha tok ak o̱ iakaiya tok.

2 Mi̱ko 17:17

Micha ushi ʋhleha, micha ushetik ʋhleha ha̱ luak hlopullichit, nana kaniohma he akostininchi, micha fʋppuli puta yʋmihchit Chihowa itikba nana aiʋlhpiesa keyu ya̱ yʋmohmit ile kanchi cha, nokowʋchi tok.

2 Mi̱ko 21:6

Micha ushi ya̱ luak hlopullichi cha, hoshonti kak o̱ nan isht ithʋna, micha fʋppuli, micha nana ahulhkunna, micha ishtahullo puta atokolit ahanta beka tok: Chihowa itikba ya̱ nan ashʋchi fehna ka yʋmihchi cha, nokowʋchi tok.

2 Mi̱ko 23:24

Micha nana a hulhkunna puta, micha isht ahullo puta, micha chuka achʋfa i̱ naholbʋt toba puta, micha naholbʋt toba puta, micha nan ashʋchi ishit yuwala Chutah yakni, micha Chelusalem a̱ a haiaka tuk a̱ nan ʋlhpisa anumpa hʋt holisso a takali hosh Chihowa in chuka ya̱ itoyula na naholitompa isht ʋtta Hilkiah ʋt ahayuchi tuk mak o̱ aia̱hlicha chi̱ hosh Chosiah ʋt ishit kanchi tok.

Eksotʋs 22:17

I̱ki ʋt ima he keyu kʋt a̱hlikma, ohoyo himita im ʋlhtoba chatuk mak o̱ tʋli holisso im atobbashke.

Eksotʋs 22:18

Ishtahullo ohoyo hʋt ik okcha̱yá, ish ahna he keyu hoke.

Lefitikʋs 19:26

Nana hoh kia issish aieninchit hʋshpa he keyu hoke; micha nan isht yushpakʋmmi ya̱ hʋsh yʋmihcha he keyu, micha nitak hʋsh apestikela he keyu hoke.

Lefitikʋs 19:31

Shilombish okpulo ai itim achʋfa ya̱ hʋchik ahnincho kashke; micha isht ahullo, yʋmma isht hʋchi liteha chi̱ ka̱ hʋchik im asilhho kashke: hʋchin Chitokaka Chihowah sia hoke.

Lefitikʋs 20:6

Micha shilombish kʋna hosh fullotʋt shilombish okpulo itim aiachʋfa micha isht a hullo ya̱ iakaiyʋt hauit iakaiyakma, shilombish yʋmma sa nashuka isht i̱ sanali lish, im okla im ai itin takla ya̱ kohchit fiopa tʋbli la hi oke.

Apostel isht Anumpa 19:19

Micha isht ahullo imponna ʋhleha hatuk aiena kak kia, laua hosh i̱ holisso puta ka isht itahobi cha, hatak moma itikba ya̱ a hukmi tok. Micha ai ʋlhtoba ya̱ okla hotihna mʋt, tʋli hʋta boshulli tahlepa sipokni pokoli tahlapi tuk o̱, akostininchi tok.

Apostel isht Anumpa 8:9

Yohmi kia hatak achʋfa Saimon hohchifo hosh, ti̱kba ma tʋmaha yʋmmak inli ka ai isht ahullot ahantʋt, ilap ak osh hatak na fehna mak o̱, mihi̱ha cha, Samelia okla ha̱ nukhlakʋshli tok.

Kaleshan 5:20

Na holba aiokpʋchi, ikhi̱sh isht yushpakama, iti̱ nukkilli, itachowa, iti̱ shahshohlechi, anukhobela, iti̱ yichina, ita kʋshkoʋt nan ʋlhpisa i̱ sanali, ʋbanumpuli iksa iti̱ filamohli,

Tutelonomi 12:31

Chin Chitokaka Chihowah ya̱ ish yʋmihcha he keyu; Chihowah yʋt i̱ yuwala puta moma, micha shitilema ya̱, i̱ naholbʋt toba i̱ yʋmihchi tuk oke; ushi ʋhleha micha ushetik ʋhleha aiena ka̱ i̱ naholbʋt toba luak isht i̱ hukmi fehna tuk oke.

1 Samuel 15:23

Chihowa imi sanali kʋt isht ahullo nan ashʋchi yak o̱ chohmikma, chu̱kʋsh ilapunla ʋt nan ik ʋlhpeso yʋmihchi, micha naholbʋt toba aiokpʋchi yak o̱ chohmi hoke. Chihowa im anumpa ha̱ ish kanchi tuk oka, ilap ak kia mi̱ko ish hikia tuk a̱ chi kanchishke, achi tok.

1 Samuel 28:3

Mihma Samuel ʋt illi na Islael moma kʋt ishit yaiya cha, Lamah in tʋmaha holihta ak inli hohpi tok atok. Mihma Sal ʋt nana a hulhkunna puta, micha ishtahullo puta aiena ka yakni yash akohchi tuk atok.

1 Samuel 28:7

Yohmi ma Sal ʋt in tishu ʋhleha ha̱, Ohoyo nana a hulhkunna ya̱ hʋs sa̱ hoyashke; mikma im ona lish, i̱ ponaklo lashke, im achi tok. Mihma in tishu ʋhleha hʋt, Yakeh! ohoyo nana a hulhkunna ʋt Ento yak o̱ antʋshke, im achi tok.

1 Samuel 28:8

Mihma Sal ʋt inla ilahobit nafohka inla fohka mʋt, hatak tuklo ho̱ pehlichi cha ia mʋt, ninak o̱ ohoyo yash ai ʋtta ka ona tok: micha, Ishtahullot, kʋna ho̱ chi̱ hochifo likma, is san tanichashke, chim asilhha lishke, achi tok.

1 Samuel 28:9

Mihma ohoyo hash osh, Yakeh! Sal ʋt kaniohmichi tuk a̱ ish ithanʋshke, nana a hulhkunna puta, micha hatak ishtahullo puta aiena ka mominchit yakni yash ʋbit tahli tuk oke; yohmi ka nanta katiohmi ho̱ nan ishkanʋpa ishit sʋlla chi̱ ka sa tikba is sa̱ bohli cho̱? im achi tok.