Tutelonomi 17:8 - Chahta Holisso Holitopa 1886

⁸ Issish hlatapa tuk o̱ issish hlatapa chi̱, anumpa iti onochi, micha iti fahama puta, anumpa ishit itachowa puta nana kʋt chi̱ kʋllo fehna ho̱ ish im apesa chi̱, chi̱ holihta okhissa anukaka ya̱ isht chim ʋlakma, ish wakaya cha, chin Chitokaka Chihowah ak osh ai atokoli tukma yʋmmak o̱ ish onashke.

Tutelonomi 17:8 Iomraidhean Croise

2 Samuel 15:2

Micha Absalom ʋt onnahinli fehna wakaya cha, holihta okhissa hina bili̱ka hikia beka tok: atuk o̱ hatak nana kia nan it i̱ kaniohmi na mi̱ko ʋt nana im apesa chi̱ ho̱ ʋlakma, Absalom ʋt pit i̱ howa cha, Tʋmaha holihta nanta chia ho̱? achikma, Chin tishu hʋt Islael apehlichi achʋfa ka sia hoke, achi beka tok.

Eksotʋs 18:15

Mihma Moses ʋt ipochi ya̱ Chitokaka ya̱ i̱ ponakla chi̱ kʋt, ʋm ʋla hoka, im achi tok,

Eksotʋs 18:26

Mihma nitak moma ho̱ okla nan im apesa tok; nana kʋllo kʋno Moses a̱ isht im ona cha, amba nana iskitini ka̱ilapak inli hosh apesa tok.

Eksotʋs 21:20

Mikma hatak osh i̱ yuka hatak, keyukmʋt i̱ yuka ohoyo yo̱ iti tʋpa isht isso tuk o̱, micha ibbak onuchi pulla ho̱ illikma, nahotopa onʋtula pulla hi oke.

Eksotʋs 21:22

Hatak ʋt iti̱ kʋllo cha, ohoyo ʋlla shali yo̱ hotopali, yohmi na, ʋlla ʋt im akʋma, yohmi kia achaha̱ya kʋt ik aiokpulokma, ohoyo i̱ hatak ak osh apesʋt onochi ho̱, nahotopa onʋtula pulla hi oke, micha nan apesa ʋhleha hʋt apesa ho̱ atobba hi oke.

Eksotʋs 21:28

Wak ʋt hatak o̱, keyukmʋt ohoyo ho̱ bahli na, illikma wak ash osh tʋli ishit boa pulla hi oke, mikma nipi ya̱ ʋpa he keyu hoke; amba wak immi ʋto i̱ kashofa hi oke.

Eksotʋs 22:2

Hu̱kupa ʋt tiʋbli hosh anta na, pisa cha isso tuk o̱ illikma, yʋmmak okʋno ʋlhtobʋt issish ʋt hlatapa he keyu hoke.

Eksotʋs 22:8

Hu̱kopa tuk ʋt ik haiakokma, chuka yash i̱ shahli ya̱, yʋmmak osh in chuka abili̱ka i̱ nachukushpa ya̱ potoli tuk oh chishba, ahnit nan apesa ʋhleha ha̱ itikba isht onashke.

Numbas 35:11

Yohmikmʋt tʋmaha holihta, yʋmmʋt tʋmaha holihta ahlakofi ya chi̱ ho̱ hʋsh apesashke; mikma hatak nana hosh ik nukta̱hlo hosh kʋna ha̱ ʋbikmʋt, yʋmmak o̱ nan ʋbi ʋt pit mallelashke.

Numbas 35:16

Atuk o̱ tʋli ishit toksʋli yo̱ isht isso na illikma, yʋmmʋt hatak ʋbi yoke: hatak ʋbi ʋt illi pullashke.

Tutelonomi 1:17

Nan apesa kʋt, hatak yohmi hoka, ish ahna he keyu hoke: amba chipunta kak kia hochito ka̱ iti lauechit hʋsh i̱ haponaklashke; hatak nashuka ya̱ hʋchik i̱ nukshopo kashke; nan im apesa yʋt Chitokaka immi hoka; atuk osh nana kʋt hʋchi̱ kʋllo fehnakmʋt, isht hʋs sʋm ala na, ʋno ak osh haponaklo lashke, im achi li tok.

Tutelonomi 12:11

Yʋmohmikma hʋchin Chitokaka Chihowah yʋt yʋmmak o̱ i̱ hohchifo aiahanta chi̱ ka̱ atokola chi̱ hoke; yʋmmak o̱ nana moma chim ahanchi li tuk mak o̱, na hukmit ishit hʋsh aiokpʋchi, micha nan ʋbit isht hʋsh aiokpʋchi, ishit hʋchi̱ pokoli, micha i̱ walit isht aiokpʋchi hʋchibbak foyuka aiena, micha achukma i̱ shahli moma, anumpa il onochit Chihowah ya̱ hʋsh im ilonochi tuk a puta aiena ka̱ isht hʋsh la hi oke,

Tutelonomi 12:14

Amba chim apehlichi puta ka̱ achʋfa ho̱ kanima ho̱ Chihowah yʋt atokolikma, yʋmmak o̱ na hukmit isht ish aiokpʋchi a̱ ish ai im issa chi̱ hoke, micha yʋmmak o̱ chi̱ miha li tuk moma ka̱ ish ai yʋmihcha chi̱ hoke.

Tutelonomi 12:5

Amba hʋchin Chitokaka Chihowah ak osh kanima ho̱ hʋchim apehlichi puta moma ka̱ ai atokolit, hohchifo ha̱ a bohlikma, ai ahanta ak o̱ hʋsh hoya chi̱ hoke; micha yʋmmak o̱ ish ona chi̱ hoke,

Tutelonomi 19:17

Yohmikma hatak ita chowa kash osh ita tuklo hosh Chihowah itikba, na holitompa isht asha, micha nan apesa ʋhleha aiena kʋt nitak yʋmma aiasha tuk a̱ itikba hiela hi oke.

Tutelonomi 19:4

Hatak ʋbi ʋt okcha̱ya chi̱ hosh yʋmma pit maleli kʋt yakohma hi oke: Kʋna hosh ik akostinincho hosh, yʋmmak oka cha̱shpo ka̱ i̱ nukkilli chatuk keyu hosh, chuka a bili̱ka hatak o̱ ʋbi;

Tutelonomi 21:5

Mikma na holitompa isht asha ʋhleha, Lefai ushi ʋhleha hʋt bili̱ka onʋt (yʋmmak osh nan isht im ahanta he, micha hochifot aiokpa̱hancha he, chin Chitokaka Chihowah yʋt atokoli tok oka,) yʋmmak ash im anumpa ho̱ anumpa itachowa puta, micha isso tok moma aiena ka̱ nana kʋt ʋlhpesa hi oke.

Tutelonomi 25:1

Hatak ʋt anumpa itachowa nan apesa ʋhleha hʋt nan im apesa chi̱ ho̱, nan ai ʋlhpisa ya̱ ʋlakma, aiʋlhpiesa yano i̱ kashofi cha, yoshuba tuk a̱ anumpa onucha hi oke.