Tutelonomi 17:6 - Chahta Holisso Holitopa 1886

⁶ Witnes tuklo, keyukmʋt tuchina kanima hosh anoli ho̱, illa he ʋlhpesa kʋt illashke, amba witnes achʋfa hosh anoli ho̱, illa he keyu hoke.

Tutelonomi 17:6 Iomraidhean Croise

Numbas 35:30

Kʋna hosh hatak ʋbikmʋt nishkin pi̱sa itih pulla ho̱ hatak ʋbi ʋt illa hi oke: amba witness achʋfa hosh hatak nana ho̱ i̱ sanalit atokoli na illa he keyu hoke.

Mahlu 18:16

Amba chi̱ haponakla he keyu, yohmi hok mʋno, himmakma achʋfá, keyukmʋt tuklokma, nana ho̱ pehlinchit ish ia na nan anoli tuklo, keyukmʋt tuchinakmá nana itih ho̱ anumpa puta mʋt isht ai ahlashke.

Chan 7:51

Nan ʋlhpisa pin tonla kʋt hatak a̱ ai i̱ haponaklot, nana ho̱ a kaniohmi hatuk ma ai akostininchi keyu ki̱sha kʋt, nan im apesa chatuk oh cho? im achi tok.

2 Kolinhlian 13:1

Ilʋppʋt isht atuchina mak o̱ hʋchim a̱ya lishke: Nan atokoli tuklo, tuchina itih ho̱ anumpa moma kʋt isht ai a̱hlashke.

Tutelonomi 19:15

Witnes achʋfa hokʋt hatak osh yoshuba tok, keyukmʋt nan ashʋchi tuk nan ashʋchi nana ho̱ ashʋchi tuk a̱ i̱ sanalit hikia he keyu; witnes tuklo nana itih ho̱ keyukmʋt, witnes tuchina nana itih hok mak o̱ nana kʋt isht aia̱hla hi oke.

1 Timohli 5:19

Ʋbanumpa isht ʋtta yʋt nan ik achukmo kia yʋmohmi tok annoa ka ik chi yimmo kashke; amba nan atokowa anoli tuklo, tuchina kanima hosh anoli hok mak ashke.

Heblu 10:28

Moses i̱ nan ʋlhpisa yoka ik holitoblo hatuk ʋt nan atokowa anoli tuklo, tuchina, kanima kʋt pi̱sa ho̱ isht i̱ nukha̱klo kia iksho ho̱, illi hatok oke.