Tutelonomi 17:2 - Chahta Holisso Holitopa 1886

² Hʋch itin takla chi̱ holihta okhissa, chin Chitokaka Chihowah yʋt chihima aiachʋfona anu̱kaka ya̱ hatak okmá, keyukmʋt ohoyo hokmá nana hosh chin Chitokaka Chihowa itikba ya̱ nan itim apesa ya̱ ʋbanʋbli cha yoshuba yʋmihchi tuk,

Tutelonomi 17:2 Iomraidhean Croise

2 Mi̱ko 18:12

In Chitokaka Chihowa im anumpa ik im antio, amba nan itim apesa ya̱, Chihowa in tishu Moses ʋt apihi̱sa tok moma ka kobʋffi cha, i̱ haponaklo tok keyu, micha yʋmihchi tok keyu hatuk o̱.

2 Mi̱ko 21:3

Micha achahaka puta ka i̱ki Hesekiah ʋt okpʋnit tahli tok a̱ anonti ikbi tok: micha Islael i̱ mi̱ko Ahab atok a̱ chohmit Baal a̱ alta puta im ikbi cha, Ashelah ha̱ ikbi tok: micha ʋba shutik nana puta moma ka im akachunolit im antia beka tok.

Eksotʋs 22:19

Kʋna hosh nanʋlhpoa ya̱ iba tʋshkikmʋt illi pulla hi oke.

Eksotʋs 22:20

Chihowah ak illa keyu, na holbʋt toba nana kia nan ʋbit isht aiokpʋchikmʋt ishit kanchit ʋmohmicha hi oke,

Lefitikʋs 20:2

Anonti Islael im ʋlla ʋhleha ha̱ im anumpulit, Kʋna hosh Islael im ʋlla ʋhleha hosh, keyukmʋt okla inla Islael takla ʋtta yosh im isht atiaka yo̱ Molek a̱ imakmʋt illi pulla hi oke, yakni yash okla hʋt tʋli ishit bola hi oke.

Lefitikʋs 26:15

Micha a̱ nan ʋlhpisa ha̱ hʋsh shitelemakma, keyukmʋt hʋchimi shilombish ʋt ʋm aiʋlhpesa yʋmihchi ya̱ yuwala cha a̱ nan ʋlhpisa moma ka̱ hʋsh yʋmihcha he keyukma, amba na hʋch itim apesa li ya̱ hʋsh kobʋffikma,

Lefitikʋs 26:25

Micha a̱ nan ʋlhpisa ha̱ i̱ sanali tuk a̱ ilaiokha chi̱ ka̱ bʋshpo falaia ya̱ hʋchi onochi la hi oke; mikma hʋchin tʋmaha holihta anu̱ka itahobʋt hʋsh itʋnahakma, ililli hʋchi onochi la hi oke, mikma tʋnʋp ibbak hʋsh fohka hi oke.

Tutelonomi 17:5

Yohmikma hatak, keyukmʋt ohoyo yʋmmʋt na yoshuba yʋmma yʋmihchi kash, hatak yʋmma, keyukmʋt ohoyo yʋmma pulla ka̱ chi̱ holihta okhissa ya̱ isht ish ona cha, tʋli ishit ish boli na, illa hi oke.

Tutelonomi 29:18

Keyukma hʋch itin takla ya̱ hatak, keyukmʋt ohoyo, keyukmʋt chuka achʋfa, keyukmʋt apehlichi himak nitak a̱ pin Chitokaka Chihowah ya̱ chu̱kʋsh i̱ filʋmmi cha, oklushi ilʋppa puta i̱ naholbʋt toba puta ka̱ ona cha im antia yoba na, keyukma chu̱kʋsh homi cha, nan isht yuwala waya chi̱ kʋt, akshish hʋch itin takla ya̱ itoyula na,

Tutelonomi 29:25

Yohmikma hatak puta kʋt, In Chitokaka Chihowah yʋt nan itim apesa i̱ki ʋhleha ha̱ Echip yakni ya̱ pehlichit kohcha mʋt, itim apesa tok a̱ kobʋffit kanchi kak oke,

Tutelonomi 31:20

I̱ki ʋhleha ha̱ anumpa kʋllo im ilonochi li tuk ʋt yakni pishukchi, micha foe‐bila ayʋna̱hanli ya̱ pehlichit isht ona li tuk o̱; impa tuk osh kaiyʋt taha cha, niakmʋt; fullotʋt naholbʋt toba inla iakaiyʋt im antiakmʋt sa nokowʋchi cha, a̱ nan itim apesa ya̱ kobʋffa hi oke,

Tutelonomi 4:23

Ahah, hʋsh il ahnashke; keyukmʋt nan itim apesa yʋmma hʋchin Chitokaka Chihowah yʋt hʋch itim apesa tok a̱ hʋchim a haksi cha, tʋhlʋt na holbʋt toba, keyukmʋt nana kia holba yʋmma chin Chitokaka Chihowah yʋt hʋchim olʋbi tok a̱ hʋsh ikbi ná,

Heblu 10:28

Moses i̱ nan ʋlhpisa yoka ik holitoblo hatuk ʋt nan atokowa anoli tuklo, tuchina, kanima kʋt pi̱sa ho̱ isht i̱ nukha̱klo kia iksho ho̱, illi hatok oke.

Choshua 23:16

Chihowa hʋchin Chitokaka nan it im apesa anumpa hʋchim apesa tok a̱ hʋsh kobʋffi cha, na holba puta ka ont im antiʋt hʋsh im akachunolikma, yohmikma Chihowa im ai i̱ nukkilli ʋt libbit hʋchi̱ sanalikma, chekosi fehna yakni achukma hʋch ima tok a̱ ai illit hʋchi taha hi oke, im achi tok.

Choshua 7:11

Islael ʋt nan ashʋchishke, yohmi cha yʋmmʋt, nana it im apesa im apehi̱sa li tok a̱ kobʋffi aiena tuk oke: nan i̱ hullochi atuk ash yʋmmak fehna ishi hokʋt: micha hu̱kopa aiena tuk; micha holabi aiena tuk; micha yʋmmʋt yʋmmak ash i̱ na chukushpa fehna iba fohkit bohli tuk oke.

Choshua 7:15

Atukma yakohma chi̱ hoke, kanima hosh nan i̱ hullochi atuk ash i̱shit otʋni hokmʋt, ilap, micha nana im asha tuk moma kʋt luak isht luashke: yohmi kʋt Chihowa nan it im apesa ya̱ kobʋffi, micha Islael a̱ nana ik aiʋlhpeso ai yʋmohmi aiena hokʋt yʋmohmashke, im achi tok.

Nan Apesa 2:20

Mihma Chihowa im ai i̱ nukkilli ʋt Islael a̱ i̱ sanalit libbi tok: micha, Okla ilʋppʋt anumpa itim apesa i̱ki ʋhleha im apesa li tok a̱ kobʋffi cha, ʋm anumpa ha̱ a haponakla he keyu beka tuk oka;

Nan Apesa 6:31

Mihma Choash ʋt i̱ sanalit hieli kash, Baal a̱ apehpoʋt hʋsh anumpula chi̱ ho? hʋsh apoba chi̱ cho? kʋna hosh apehpoʋt anumpula hinlakmʋt, yʋmmak osh onnahinli moma na illashke; kʋna hosh im alta ya̱ kinʋffi ka Chitokaka naholbʋt toba ak okmʋt, ilap ak inli hosh il apehpoʋt anumpulashke, im achi tok.