Tutelonomi 17:18 - Chahta Holisso Holitopa 1886

¹⁸ Atuk osh yakohma hi oke; im apehliechika mi̱ko im ai om binili holitompa ya̱ om binilikmʋt, nan ʋlhpisa ilʋppʋt na holitompa isht ʋtta Lefait ʋhleha itikba itoyula ka̱ akohchit hobachit holisso ha̱ a fohkit a holissochashke.

Tutelonomi 17:18 Iomraidhean Croise

1 Mi̱ko 2:3

Micha chin Chitokaka Chihowa ʋt atokolit chi̱ miha kak o̱ ish im antia cha, i̱ hina puta ish a noho̱wa cha, i̱ nan ʋlhpisa puta, micha im anumpa ʋlhpisa puta, micha i̱ nan ai isht apesa puta, micha i̱ nan ai isht il atokoli puta aiena kʋt Moses i̱ nanʋlhpisa a holisso tok a̱, ish ieshashke; yʋmohmi hosh nana ho̱ ish kaniohmikmʋt, micha kanima yo̱ pit ish fullotakmʋt, hopoyuksa hosh ish a̱yashke:

2 Mi̱ko 11:12

Mihma mi̱ko ushi yash ishit kohcha mʋt, bita ha̱ om biteli cha, nan isht atokowa ya̱ ima tok: mihma okla mi̱kochi cha, nan ahʋmmi tok: mihmʋt ibbak a̱ okla itabolichi mʋt, Mi̱ko ʋt okcha̱yashke, ahanchi tok.

2 Mi̱ko 22:8

Mihma naholitompa isht ʋtta i̱ shahli Hilkiah ʋt holissochi Shafan a̱, Nan ʋlhpisa holisso hʋt Chihowa in chuka itoyula na pisa lishke, im achi tok; micha Hilkiah ʋt holisso hash Shafan a̱ ima na itim anumpuli tok.

Tutelonomi 31:9

Mihmʋt Moses ʋt nan ʋlhpisa ilʋppa holissochi cha, Lefai ushi ʋhleha naholitompa isht asha Chihowah nan itim apesa a fohka itombi holitopa sholi tuk a̱, micha Islael im asʋnonchi moma ka̱ ibbak fohki tok.

Choshua 1:8

Nan ʋlhpisa holisso ilʋppʋt chitih ha̱ ik i̱ filʋmmo kashke; amba nitak micha ninak moma ka anukfihinli hosh a holihi̱so ka moma ahah! ahnit ish holitoblashke: ish yohmi hok mak osh ish ata̱ya ya̱ ish ai a̱hlicha hi okʋt, micha ish yohmi hok mak osh nana kʋt chim ai a̱hli achukma hi oke.