Tutelonomi 17:16 - Chahta Holisso Holitopa 1886

¹⁶ Yohmi kia issuba ha̱ apaknʋchit il ai asha he keyu; micha issuba ha̱ apaknʋcha chi̱ kak osh okla ha̱ falʋmminchit Echip a̱ pila he keyu hoke; Chihowah yʋt Himak a̱ pilla ha̱ yʋmma pilla ka̱ falamʋt ish ia he keyu chim achi tok oka.

Tutelonomi 17:16 Iomraidhean Croise

2 Samuel 8:4

Micha Lewi ʋt tʋnʋp itichanʋlli tahlepa sipokni achʋfa, micha issuba om binili ʋt tahlepa untuklo, micha aka a̱ya hatak tahlepa sipokni pokoli tuklo ho̱ im ishi tok: micha Lewi ʋt issuba itichanʋlli shali ya̱ iyi̱kala̱kshish a̱ tʋptuli tok, amba itichanʋlli tahlepa achʋfa shali yo̱ apoanchi tok.

1 Mi̱ko 1:5

Yohmi ma Hakkilh ushi Atonichah ʋt ile chahʋchit, Ʋno ak osh mi̱ko la chi̱ hoke, achi tok: mihmʋt tʋnʋp itichanʋlli puta, micha issuba om binili ʋhleha, micha hatak pokoli tahlapi aiena tikba malela chi̱ ka il atahli tok.

1 Mi̱ko 4:26

Micha Solomon ʋt issuba tʋnʋp itichanʋlli halʋlli ai ilhpita ʋt tahlepa sipokni pokoli ushta, micha issuba ombinili ʋt tahlepa sipokni auah tuklo hosh im a̱sha tok.

1 Mi̱ko 5:6

Yʋmohmi hoka himak a̱ ish im apesa na, Lebanon a̱ chuahla ya̱ an tʋhlashke; mikma an tishu ʋhleha hʋt chin tishu ʋhleha ha̱ apehʋt a̱ya chi̱ hoke: chin tishu ʋhleha to̱ksʋli ka kaniohmi ho̱ ish apesakma, moma chishno yak o̱ chima lashke: pi takla ya̱ Sitonian ʋhleha ha̱ chohmit iti tʋhli imponna kʋt iksho ka ish ithana hokʋt, achi tok.

Atʋloa 20:7

Kʋnimi kʋt tʋnʋp iti chʋnaha isht ilawʋtakma̱, inla kʋt issuba hak o̱ isht ilawʋta hoke; amba pishno yokʋto pi̱ Chitokaka Chihowa hohchifo hak o̱ isht il ilawʋta hoke.

Eksotʋs 13:17

Atuk o̱ yakohmi tok, Falaoh ʋt okla ha̱ ik ia im ahni ma, Chitokaka yʋt pehlichit hina Filistin i̱ yakni hlopullichit isht ik aiyo tok; yʋmmak osh ik hopako ak inli kia; okla hʋt tʋnʋp a̱ pisakmʋt nukha̱klo cha, falamʋt Echip a̱ ona yoba ná, Chitokaka yʋt achi hatuk okʋt.

Eksotʋs 13:18

Amba Chitokaka yʋt okla fulloli̱hinchit okhʋta humma yakni haiaka ak o̱ hlopullichit isht a̱ya tok; mihma Islael im ʋlla ʋhleha hʋt nahalupa im ʋlhtaha hosh Echip yakni a̱ kohchʋt ia tok.

Eksotʋs 14:13

Mihma Moses ʋt okla ha̱, Hʋchi nukshopa ná, lumʋt hieli cha, Chihowah im ai okcha̱ya himak nitak a̱ hʋchi pisacha chi̱ ka̱ hʋsh pisashke: Echip okla ha̱ himak nitak a̱ hʋsh pisa tuk ʋt, himakma anonti hʋchik peso ho̱ bilia chi̱ hoke.

Tutelonomi 28:68

Mikma Chihowah yʋt anonti Echip yʋmmak oka hina ya̱ isht chim anumpule li mʋt, Anonti ish pisa he keyu hoka, achi li tok a̱ peni hochito apittʋt chisht ona hi oke: mikma yʋmmak oka ohoyo yuka micha hatak yuka ikbit chin tʋnʋp chi kancha hi oke, mikma hatak nana kia ik chi chumpo ka hi oke, (achi tok.)

1 Samuel 8:11

Mihmʋt, Mi̱ko hʋchi̱ mi̱ko nana akaniohmi ʋt ilʋppak ahi oke: Chiso ʋhleha ha̱ ishi cha, ilap apistikeli, micha im itichanʋlli apistikeli, micha im issuba om binili ya̱ chi̱ aiena ka atokola hi oke; mikma kanimi kʋt im itichanʋlli itikba chaha̱fa ya̱ hi oke.