Tutelonomi 17:12 - Chahta Holisso Holitopa 1886

¹² Mikma hatak kʋna hosh ilapunla cha, naholitompa isht ʋtta yʋt chin Chitokaka Chihowah itikba ya̱ hikiʋt, yʋmmak o̱ nan isht ai ahanta ka̱ ik i̱ haponaklo, keyukmʋt nan apesa yo̱ ik i̱ haponaklokmʋt, hatak yʋmmʋt illi pulla hi oke; micha Islael a̱ nan ik achukmo ya̱ ishit ish kancha hi oke.

Tutelonomi 17:12 Iomraidhean Croise

Atʋloa 19:13

Mikmʋt chi̱ tishu ha̱ ilap ak pu̱llʋt ʋssha̱ha̱chi aiena ka̱ ish i̱ kʋtʋblashke; ik sʋm aiyo kashke: yohmi ho̱ ai ʋlhpiesa lih achukma hosh, nan ai ʋsshʋchi la̱wa ka̱ ʋm a kʋshofa chi̱ hoke.

Numbas 15:30

Amba hatak nana hosh, peh ilapunla hosh nana akaniohmikmʋt, yakni yash inli ai ʋtta tuk okma keyukmʋt okla inla yokmá nana kia, yʋmmak okʋt Chihowah ishit yopoma hoke: mikmʋt hatak yʋmmʋt im okla ai iti takla ya̱ fiopa tʋpa hi oke.

Numbas 15:31

Chihowah im anumpa ha̱ shitilema cha im anumpa ʋlhpisa ha̱ kobʋffi hokʋt, hatak yʋmma im ilhfiopak ʋt tʋpʋt ʋmohma chi̱ hoke; nan ashʋchi ʋt ilap ak inli ho̱ onʋtoyula chi̱ hoke, achi tok.

Mahlu 10:14

Micha kʋna kia ik hʋchi aiokpacho, micha hʋchim anumpa ma haponakla he keyukma, chuka yokmá, tʋmaha hokmá, nana hatuk a̱ hʋsh a kohchakmʋt, hituk tohbi hʋch iyi a̱sha hatuk ma hʋsh tahtulashke.

ʋBanumpa Luk Ʋt Holissochi Tok 10:16

Mikma kʋna hosh hʋchi̱ haponaklokmʋt, ʋno a̱ a̱ haponaklo hoke: mikma kʋna hosh hʋchishno a̱ hʋchi shitile makmʋt, ʋno a̱ sa shitilema hoke: mikmʋt ʋno a̱ sa shitile makmʋt, auet sa kanchi tok a̱ shitilema hoke.

Chan 12:48

Kʋna hosh ʋno a̱ sa shitilema cha, ʋm anumpa ha̱ ik ahnincho hokʋno, achʋfa hosh nan im apesʋt ilbʋshali kʋto a̱sha hoke; anumpa anumpohonli li tuk ash fehna akinli kak osh nitak ai ishtaiyopikma nana im apesʋt ilbʋshala he mak oke.

Chan 20:23

Kʋna im ai ashʋchika yo̱ hʋsh i kashofi hoka, i̱ kashofa he mak oke; mikmʋt kʋna im ai ashʋchika yo̱ hʋch ik i̱ kashofo hokma, ik i̱ kashofo ka he mak oke, im achi tok.

1 Kolinhlian 5:13

Amba kʋna hosh iksa ibafohka keyu hokʋno Chihowa yosh nan im apesa yoke. Yʋmohmi hoka hatak nan ashʋchi yʋmmak ash ai il i̱ filʋmmichit hʋsh kanchashke.

Tutelonomi 1:43

Yohmi ho̱ hʋchim anumpule li tok; yohmi ma hʋsh haponakla he keyu tok; amba Chihowah im anumpa ha̱ i̱ filʋmmit hʋsh i̱ sanali cha, ilapunlʋt nʋnih foka hʋshla tok.

Tutelonomi 10:8

Nitak yʋmma Chihowah yʋt Lefai apehlichika Chihowah nan itim apesa afohka itombi holitopa shola chi̱ ho̱, Chihowah itikba ya̱ hieli cha, nan isht im ahanta chi̱, micha yʋmma hochifot, anumpa yukpuli isht onohoncha chi̱ ho̱, filʋmmi̱hinchi ho̱ himak nitak a̱ yʋmohmi hoke.

Tutelonomi 13:11

Mikma Islael moma kʋt haklo cha, nukshopakmʋt, himmakma yoshuba fehna ilʋppa chohmi kʋt a hʋch iti takla ya̱ ik a yʋmohmho kashke.

Tutelonomi 13:5

Mikma hopaii yʋmmʋt, micha holhpokuna holhpokuna yʋmmʋt illashke; hʋchin Chitokaka Chihowah yʋmmak osh Echip yakni ya̱ apehlichit hʋchi kohchi tok; micha yʋmmak osh aboha ayuka ha̱ a hʋchi hlakofichi tok a̱, i̱ filʋmmichit hʋchisht ia chi̱ hosh, hina hʋsh ai itʋnowa chi̱ ho̱ hʋchin Chitokaka Chihowah yʋt hʋchi̱ miha tok a̱ naksika pit hʋchi tobli bʋnna hosh anumpuli ha tuk oka. Yʋmohmi hosh hʋchim ai iti takla ya̱ nan ik achukmo ka̱ isht hʋsh kanchashke.

Tutelonomi 13:6

Chitibapishi chishki ya̱ ushi yokmá, keyukmʋt chiso yokmá, keyukmʋt chisotek okmá, keyukmʋt chi tekchi chi apotoa tuk ak okmá, keyukmʋt chi̱ kana yosh chimi shilombish ak inli chiyuhmi tuk okmá, nana hosh lumʋt chi haksichit, yʋmmak oka hʋchishno, micha hʋchi̱ki ʋhleha aiena kʋt ithana tok keyu kia, Kilia cha, naholbʋt toba inla,

Tutelonomi 17:13

Mikma okla moma kʋt haklokmʋt nukshopa cha, himmakma nana ka̱ ilapunlʋt ik yʋmihcho ka hi oke.

Tutelonomi 17:7

Ʋba chi̱ kʋt witnes puta ibbak ak osh ti̱kba onʋtola hi oke, i̱ himmak a yak o̱ okla moma ibbak ʋt onʋtola hi oke; Yʋmohmi hosh nana ik achukmo hʋch itin takla itoyula hash ishit hʋsh kancha hi oke.

Tutelonomi 18:20

Amba hopaii ʋt sa hohchifo pulla ho̱, yʋmma anumpula chi̱ im apesa li tuk keyu ho̱, Anumpule lih mihakmʋt, keyukmʋt, naholbʋt toba hohchifo pulla ho̱ anumpulikmʋt, hopaii yʋmma fehna kʋt illa hi oke.

Tutelonomi 18:5

Chihowah hohchifo pulla ho̱ hikiʋt nan isht im ahanta chi̱ ho̱, yʋmma, micha ushi ʋhleha aiena kʋt bilia chi̱ ho̱, chim apehlichi moma ka̱ akohchit chin Chitokaka Chihowah yʋt atokoli tuk oke.

Tutelonomi 18:7

Yohmikmʋt itibapishi ʋhleha Lefait ʋhleha hʋt Chihowah itikba ya̱ hieli kʋt yʋmihchi ka̱ chohmit in Chitokaka Chihowah hohchifo pulla ho̱ nan isht ahanta hi oke.

1 Hlessalonian 4:2

Chitokaka Chisʋs pulla ho̱ anumpa ʋlhpisa nana ho̱ e hʋch ima tok a̱ hʋsh ithaiyana hokʋt.

1 Hlessalonian 4:8

Yʋmohmi ka kʋna kia shitilemakmʋt, hatak o̱ shitilema keyu, amba Chihowa yʋmmʋt ilap Shilombish Holitopa ya̱ pima tok ak oke.

1 Timohli 5:20

Amba ashʋchi hatuk o mʋhli hokmʋno, momʋt pi̱sa ho̱, ish im alʋmmichashke, yohmi na inla a̱sha kʋt nukshopa mak inlashke.

Choshua 1:18

Kʋna hoh kia chi̱ nan ʋlhpisa ha̱ i̱ sanalit nana ish i̱ miha ka anumpa moma ik chi̱ haponaklokmʋt, illashke: peh kʋllot chim anukfila cha, nukwia ikshot ish amosholashke, im achi tok.

Nan Apesa 20:13

Yʋmohmi hoka himak a̱ hatak, Belial in chipota yʋmmʋt Kibeah a̱sha ka, pibbak hʋsh fohki na e bi cha, nana ik achukmo ya̱ Islael a̱ ai isht e kanchashke, achi tok. Yohmi kia Benchamin im ʋlla ʋhleha hʋt itibapishi ʋhleha Islael im ʋlla ʋhleha im anumpa ha̱ i̱ haponakla he keyu tok.

1 Samuel 3:13

Nan ashʋchi ithana yʋmma pulla kak o̱ in chuka achʋfa ya̱ nan im apesa li̱ bilia chi̱ kʋt im anoli li tok: ushi ʋhleha hʋt ile hofahyali ma, ik im olabo chatuk oka.