Tutelonomi 17:11 - Chahta Holisso Holitopa 1886

¹¹ Nan ʋlhpisa anumpa apesʋt chim abʋchi tuk mak o̱, micha anumpa ʋlhpisa chim anoli tuk mak o̱ ish yʋmihchashke: anumpa ʋlhpisa chim otʋninchi tuk a̱ fullotʋt isht impakma, keyukmʋt ʋlhfʋbekimma ish ia he keyu hoke.

Tutelonomi 17:11 Iomraidhean Croise

2 Samuel 14:19

Mihma mi̱ko ʋt, Nana ilʋppa moma Choab ibbak ʋt chiba foyuka keyu cho? achi tok. Mihma ohoyo hash osh afalamichit, A̱ shahli mi̱ko ma! chimi shilombish ʋt okcha̱ya pulla ka nana achʋfa kia a̱ shahli mi̱ko ʋt anumpuli ka i̱ filʋmmit isht impakimma pit fullota, keyukmʋt ʋlhfʋbek imma pit fullota he keyushke: chin tishu Choab yʋmmak osh anumpa ilʋppa puta ka chin tishu ohoyo itih ha̱ fohkit a̱ miha tuk oke.

Lefitikʋs 10:11

Yʋmohmi hosh Chihowah yʋt Moses a̱ tohnot ai im anumpohonli tok nan ʋlhpisa moma ka̱ Islael im ʋlla ʋhleha ha̱ hʋsh im abahanchashke; im achi tok.

Tutelonomi 17:10

Micha kanima ho̱ chin Chitokaka Chihowah ak osh ai atokoli tuk a̱ a̱sha yosh anumpa chim anoli tuk mak o̱, ish yʋmihcha hi oke; micha nana chim anoli tuk mak o̱ moma ka̱ ithaiyanʋt ish yʋmi̱hinchashke,

Tutelonomi 17:20

Yʋmohmi hosh chu̱kʋsh ʋt ʋba takalit itibapishi ʋhleha ha̱ ik i̱ shahlo, micha anumpa hash naksika pit fullotʋt ishtimpakimma, keyukmʋt ʋlhfʋbekimma ik aiyo kashke: yʋmohmi hosh Islael ai itin takla ya̱, yʋmma micha im ʋlla ʋhleha aiena im apehliechika ieshi nitak falaiachashke. (achi tok.)

Tutelonomi 25:1

Hatak ʋt anumpa itachowa nan apesa ʋhleha hʋt nan im apesa chi̱ ho̱, nan ai ʋlhpisa ya̱ ʋlakma, aiʋlhpiesa yano i̱ kashofi cha, yoshuba tuk a̱ anumpa onucha hi oke.

Tutelonomi 28:14

Himak nitak a̱ chim anumpo̱honli li tuk a̱ anumpa kanima kia, i̱ filʋmmit naksi ka̱ ishtimpakimma, keyukmʋt ʋlhfʋbekimma, kanima kia iʋt naholbʋt toba iakaiyʋt ish aiokpʋcha he keyu hoke.

Tutelonomi 5:32

Yʋmohmi hoka, Chitokaka hʋchin Chihowah yʋt hʋchim apesa tuk mak o̱ hʋsh ithaiyana cha, hʋsh yʋmi̱hinchashke; fullotʋt naksika isht impakimma, micha ʋlhfʋbekimma pit hʋsh fullota he keyu hoke.

Titus 3:1

Mi̱ko, nan apesa, nan ʋlhtoka ʋhleha moyuma ka im antia achukma, nan toksʋli achukma puta ka isht ahanta chi̱ kʋt im ʋlhtaha he,

Choshua 1:7

Peh kʋllot chim anukfila cha, nukwia ikshot ish amosholi fehnashke; yohmi hosh nan ʋlhpisa moma an tishu Moses ʋt chim apihi̱sa tok a̱ ahah! ahnit ish holitoblashke; ilʋppa isht impak imma hokmá, ʋlhfʋbekimma hokmá nana kia chik i̱ filʋmmo kashke; chi yʋmohmi pulla hosh kanima ish a̱ya puta kʋt chim ai achukma hi oke.

Choshua 23:6

Yʋmohmi hoka kʋllot hʋchim anukfila fehna hosh Moses i̱ nan ʋlhpisa holisso ha̱ a holihi̱so ka mominchit holitoblit hʋsh yʋmihinchashke; yʋmohmi hosh shanaiyʋt naksika isht impak imma, micha ʋlhfʋbek imma kanima ka pit hʋch ik fulloto kashke.

2 Pita 2:10

Micha haknip isht ai yukpa anuksitia hosh chu̱kʋsh nan ai ahni kak bano iakaiya, micha nan ʋlhpisa yo̱ ik holitoblo aiena kak fehna ho kak heno i̱ yʋmihcha hi oke. Ilapunla, ilap nan ai ahni kak bano, nan ʋlhtoka puta ka nan isht ik ahobalot anumpuli kʋt ik nukshoposhke.

Chute 1:8

Yʋmmak o̱ chiyuhmi hosh holhpokunna liteha ʋhleha ilʋppak kia haknip a̱ litehlit, nan i̱ shahli ya̱ kʋllakshichi, micha hatak nan ʋlhtoka holitopa he ʋlhpiesa kia nan isht ik ahobalot anumpuli hoke.