Tutelonomi 17:1 - Chahta Holisso Holitopa 1886

¹ Wak hobʋk nana kia, keyukmʋt chukfi ʋt ik ai ono, keyukmʋt pisa ik achukmo aiena ʋbit, chin Chitokaka Chihowah ya̱ isht ish aiokpʋcha he keyu: yʋmmak okʋt chin Chitokaka Chihowah ya̱ nan isht i̱ yuwala yoka.

Tutelonomi 17:1 Iomraidhean Croise

Genesis 41:19

Mihma yakeh, wak tek inla untuklo hliposhi, pisa ik achukmo, nipi chunna hosh okpulo kʋt yʋmma chohmi ka̱ Echip yakni moma ka̱ pisa li chatuk keyu ho̱ et iakaiyʋt kohcha tuk oke.

Eksotʋs 12:5

Hʋchin chukfushi ʋt ik ai ono iksho, nakni yosh afʋmmi ʋmmona hashke, chukfi ha̱ keyukmʋt, issi kosoma i̱ filʋmmichit hʋsh ishashke.

Lefitikʋs 1:3

Mikmʋt nan im issa yʋt ʋlhpoa hochito ai ishit na hukmit im issa hokmʋt nakni yosh ai okpuloka iksho ho̱ im issashke, ilap ahni hosh Chihowah itikba okla moma im ʋlhtipo okhissa yak o̱ ai im issashke.

Numbas 29:8

Amba Chihowah i̱ balama yo̱ hukmit im issa ya̱ hʋsh im issa hi oke; wak hobʋk himita achʋfa, chukfi nakni achʋfa, micha chukfi ushi afʋmmi ʋmmona untuklo yosh, inlʋt a takali kʋt iksho ka hi oke.

Tutelonomi 15:21

Atuk o̱ ik ai ono kʋt takali cha, hanali okpulo, keyukmʋt nishkin lʋpa, keyukmʋt ik ai onot ik achukmo nana hosh takalikma, chin Chitokaka Chihowah ya̱ ʋbit isht ish ai okpʋcha he keyu hoke.

Tutelonomi 23:18

Anumpa il onochi ya̱ haui isht ʋlhtoba, keyukmʋt ofi isht ʋlhtoba ya̱ chin Chitokaka Chihowah im aboha ya̱ isht ish ona he keyu; ilʋppa ita tuklo kʋt chin Chitokaka Chihowah ishit yuwala yoka.

Tutelonomi 24:4

I̱ hatak ti̱kba chʋffichi tok ʋt anonti tekchi ya chi̱ ho̱ liteha ha ya hokʋno isha he keyu: yʋmmak okʋt Chihowah itikba ya̱ nan ishit yuwala yoka: mikma chi̱ yakni ya chi̱ ho̱ chin Chitokaka Chihowah yʋt chima tok a̱ ish yoshoblicha he keyu.

Tutelonomi 25:16

Nana yakohmi ka̱ yʋmihchi moma kʋt, micha aiʋlhpiesa keyu yʋmihchi moma kʋt chin Chitokaka Chihowah nan isht yuwala yoka.

Tutelonomi 7:25

I̱ na holbʋt toba, in chu̱wʋt toba puta ka̱ luak ishit hukmit hʋsh tahlashke: tʋli hʋta, micha tʋli lakna aiena alapali ka̱ ish ahna he keyu, micha ish il ai isha he keyu, ish yohmi cha, ishit ish yoshoba na; chin Chitokaka Chihowah nan i̱ yuwala yoka.

Heblu 9:14

Shilombish okcha̱yʋt bilia anukfo̱ka pulla hatuk osh isht ik ai ono kia iksho hosh Klaist ʋt Chihowa yoka pit il im issa tok; yʋmma im issish okak heto i̱ shahlichi fehna hosh nan a kaniohmit isht ai illi ya̱ a hʋchi filʋmmichit, isht hʋsh il akostininchi yoka hʋchi̱ kashofichi na Chihowa okcha̱ya yoka hʋsh holitobla hinla hoke.

1 Pita 1:19

Amba Klaist im issish holitopa Chukfʋlhpobushi ai okpuloka iksho, micha liteha iksho yak a tok;